ಖ್ಯಾತ ನಿರ್ದೇಶಕ ಯೋಗರಾಜ್ ಭಟ್ ಅಖಾಡಕ್ಕೆ ಪುತ್ತೂರಿನ ಪ್ರತಿಷ್ಠಿತ ಕಜೆ ಕುಟುಂಬದ ಸಂಜನ್ ಕಜೆ ಹೊಸ ಸೇರ್ಪಡೆ ; ಬರಲಿದೆ ” ಮತ್ತೆ ಮೊದಲಿಂದ ” ಅಚ್ಚಕನ್ನಡದ ಆಲ್ಬಂ ಸಾಂಗ್..!! – ಕಹಳೆ ನ್ಯೂಸ್
ಸಿನಿ ಕ್ಷೇತ್ರ ಅಂದ್ರೆನೆ ಹಾಗೆ.. ಇದು ಆಕರ್ಷಣೆಯ ಜೊತೆಗೆ ಪ್ರತಿಭಾನ್ವಿತ ಕಲಾವಿದರನ್ನ ಕೈ ಬೀಸಿ ಕರೆಯುತ್ತದೆ. ಇದೀಗ ನಮ್ಮ ಪುತ್ತೂರಿನ ಹ್ಯಾಂಡ್‌ಸಮ್ ಕುವರ ಬಣ್ಣದ ಲೋಕದಲ್ಲಿ ಮಿಂಚೋದಿಕ್ಕೆ ಸಜ್ಜಾಗಿದ್ದು, ಖ್ಯಾತ ನಿರ್ದೇಶಕ ಯೋಗರಾಜ್ ಭಟ್ ಅಖಾಡಕ್ಕೆ ಪುತ್ತೂರಿನ ಪ್ರತಿಷ್ಠಿತ ಕಜೆ ಕುಟುಂಬದ ಕುಡಿ ಸಂಜನ್ ಕಜೆ ಸೇರ್ಪಡೆಯಾಗಿದ್ದಾರೆ.
ನಾಲ್ಕು ಹಾಡುಗಳನ್ನ ಒಳಗೊಂಡ “ಮತ್ತೆ ಮೊದಲಿಂದ” ಅಚ್ಚಕನ್ನಡದ ಆಲ್ಬಂ ಸಾಂಗ್‌ನಲ್ಲಿ ಸಂಜನ್ ಕಜೆ ಅಭಿನಯಿಸಿದ್ದಾರೆ. ಮೂಲತಃ ಪುತ್ತೂರಿನ ಕಬಕದ ಕಜೆ ನಿವಾಸಿಯಾಗಿರುವ ಸಂಜನ್ ಪುತ್ತೂರಿನ ಖ್ಯಾತ ಆಯುರ್ವೇದಿಕ್ ವೈಧ್ಯರಾದ ಡಾ| ಶಶಿಧರ್ ಕಜೆ ಹಾಗೂ ಸಂದ್ಯಾ ಕಜೆ ಇವರ ಸುಪುತ್ರ.
ಇವರು ಪುತ್ತೂರಿನ ವಿವೇಕಾನಂದ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಫ್ರೌಡಶಿಕ್ಷಣ ಪೂರೈಸಿ, ಪಿ.ಯು.ಸಿ ಶಿಕ್ಷಣವನ್ನ ಮಂಗಳೂರಿನ ಶಾರದ ಪಿಯು ಕಾಲೇಜಿನಲ್ಲಿ ಪಡೆದುಕೊಂಡಿದ್ದಾರೆ. ನಂತರ ಬೆಂಗಳೂರಿನ ನಿಟ್ಟೆ ಮಿನಾಕ್ಷಿ ಇನ್ಸ್ಟ್ಯೂ ಟ್ ಆಫ್ ಟೆಕ್ನಾಲಜಿಯಲ್ಲಿ ಕಂಪ್ಯೂಟರ್ ಸೈನ್ಸ್ ಇಂಜಿನಿಯರಿಂಗ್ ಮುಗಿಸಿ ಪ್ರಸ್ತುತ ಆಪ್ಟಿಮಿಕ್ಸ್ ಸಾಫ್ಟ್‌ವೇರ್ ಕಂಪೆನಿಯಲ್ಲಿ ಕೆಲಸ ಮಾಡ್ತಿದ್ದಾರೆ.
ಕೈ ತುಂಬ ಸಂಬಳ ಪಡೆಯೋ ಉದ್ಯೋಗದ ನಡುವೆ ಸಂಜನ್ ಕಜೆಯವರನ್ನ ಈ ಸಿನಿ ಕ್ಷೇತ್ರ ಆಕರ್ಷಿಸ್ತಾನೆ ಇತ್ತು.. ನಟನೆ ಮಾಡ್ಬೇಕು ಅನ್ನೋದು ಸಂಜನ್ ಅವರ ಹಲವು ವರ್ಷಗಳ ಕನಸಾಗಿತ್ತು. ಹೀಗಾಗಿ ಸಿನಿಮಾರಂಗಕ್ಕೆ ಬರೋದಿಕ್ಕೆ ಹಲವಾರು ವರ್ಷಗಳಿಂದ ಪ್ರಯತ್ನಸುತ್ತಿದ್ದರು. ಇದೇ ವೇಳೆ ಸಂಜನ್ ಅವರ ಫೋಟೋವನ್ನ ಬೇರೆಯವರ ಮೂಲಕ ನಿರ್ದೇಶಕ ಯೋಗರಾಜ್ ಭಟ್‌ರವರಿಗೆ ಕಳಿಸಲಾಗಿತ್ತು. ಯೋಗರಾಜ್ ಭಟ್ ಅವರು ಕೂಡ ತಮ್ಮ ಆಲ್ಬಮ್ ಸಾಂಗ್‌ಗಾಗಿ ಹೊಸ ಹೀರೋನ ಹುಡುಕಾಟದಲ್ಲಿದ್ದರು. ಹ್ಯಾಂಡ್ ಸಮ್ ಆಗಿರೋ ಸಂಜನ್ ಅವರ ಪೋಟೋ ನೋಡಿ ಆಡಿಷನ್‌ಗೆ ಕರೆದೆ ಬಿಟ್ಟಿದ್ರು, ಲುಕ್ ಟೆಸ್ಟ್ ಮಾಡಿ ಇವನೇ ನಮ್ ಹೀರೋ ಅಂತ ಫಿಕ್ಸ್ ಮಾಡಿ ಬಿಟ್ರು ಯೋಗರಾಜ್ ಭಟ್..
ನಾಲ್ಕು ಸಾಂಗ್‌ನ ಮ್ಯೂಸಿಕ್ ಆಲ್ಬಂ ಇದಾಗಿದ್ದು, ಮ್ಯೂಸಿಕ್ ಡೈರೆಕ್ಟರ್ ಮನೋಮೂರ್ತಿಯವರು ಬರೆದ ಪ್ರಿಯಸಖಿ, ವಿ.ಹರಿಕೃಷ್ಣ ಅವರು ಬರೆದ ಮತ್ತೆ ಮೊದಲಿಂದ, ಚೇತನ್ ಡ್ಯಾವಿ ಸುರೇಶ್ ಬರೆದ ಉನ್ಮಾದ ಉಕ್ಕಿದಾಗ, ಅನಿರುದ್ಧ ಶಾಸ್ತ್ರಿಯವರು ಬರೆದ ನಿನ್ನ ಕಣ್ಣ ನೀಲಿ, ಹೀಗೆ ನಾಲ್ಕು ಹಾಡುಗಳು ಪ್ರಖ್ಯಾತ ಮ್ಯೂಸಿಕ್ ಡೈರೆಕ್ಟರ್ ಗಳಿಂದ ಮೂಡಿ ಬಂದಿದೆ.
ಹಾಡುಗಳು ಯೋಗರಾಜ್ ಭಟ್‌ರವರ ನಿರ್ದೇಶನದಲ್ಲಿ ತೆರೆ ಮುಂದೆ ಬರಲಿದೆ. ಈ ನಾಲ್ಕು ಮ್ಯೂಸಿಕ್ ಆಲ್ಬಂ ಸಾಂಗ್‌ನಲ್ಲಿ ಸಂಜನ್ ಕಜೆ ಹೀರೋ ಆಗಿ ಅಭಿನಯಿಸಿದ್ದಾರೆ. ಸಾಂಗ್‌ನ ಹೀರೋಯಿನ್ ಯಾರು ಅನ್ನೋದನ್ನ ಇನ್ನು ರಿವಿಲ್ ಮಾಡಿಲ್ಲ.
