ಅ.27ರಂದು ಕರಾವಳಿಯಾದ್ಯಂತ ‘ಪುಳಿಮುಂಚಿ’ ತುಳು ಸಿನಿಮಾ ರಿಲೀಸ್..! ಮೊದಲ ವಾರದಲ್ಲಿ ಸಿನಿಮಾ ನೋಡುವವರಿಗೆ ಗುಡ್ ನ್ಯೂಸ್..! -ಕಹಳೆ ನ್ಯೂಸ್
ಪುಳಿಮುಂಚಿ. ಸದ್ಯ ಎಲ್ಲೆಡೆ ಭಾರೀ ಸೆನ್ಸೇಷನ್ ಕ್ರಿಯೇಟ್ ಮಾಡ್ತಾ ಇರೋ ತುಳು ಸಿನಿಮಾ.. ಈಗಾಗಲೇ ದುಬೈ-ಬಹರೈನ್ ಸಹಿತ ವಿದೇಶಗಳಲ್ಲಿ ಪುಳಿಮುಂಚಿ ಚಿತ್ರದ ಪ್ರೀಮಿಯರ್ ಶೋ ನಡೆದಿದ್ದು, ತುಳುವರು ಚಿತ್ರವನ್ನು ಮೆಚ್ಚಿ ಸಖತ್ ರಿವೀವ್ಸ್ ನೀಡ್ತಾ ಇದ್ದಾರೆ.
ತ್ರಿಜಯ್ ಪ್ರೊಡಕ್ಷನ್ ಮತ್ತು ಎಚ್‌ಪಿಆರ್ ಫಿಲಂಸ್ ಬ್ಯಾನರ್ ಅಡಿ, ತ್ರಿಶೂಲ್ ಶೆಟ್ಟಿ ನಿರ್ದೇಶನದಲ್ಲಿ ತಯಾರಾದ ಈ ಸಿನಿಮಾ ಅ.27ರಂದು ಕರಾವಳಿಯಾದ್ಯಂತ ತೆರೆಗೆ ಬರಲು ಸಜ್ಜಾಗಿದೆ. ಈಗಾಗಲೇ ಬುಕ್ ಮೈ ಶೋನಲ್ಲಿ ಬುಕ್ಕಿಂಗ್ ಆರಂಭಗೊoಡಿದ್ದು, ಭಾರತ್ ಸಿನಿಮಾಸ್ ಸಹಿತ ಕರಾವಳಿಯ ಮಲ್ಟಿಫ್ಲೆಕ್ಸ್ ಸಿಂಗಲ್ ಥಿಯೇಟರ್‌ಗಳಲ್ಲಿ ಸಿನಿಮಾ ಬಿಡುಗಡೆಯಾಗಲಿದೆ.
ಇನ್ನು ಒಂದು ವಾರದಲ್ಲಿ ಚಿತ್ರ ನೋಡುವವರಿಗೆ ಟಿಕೆಟ್ ಮೂಲಕ 2.87 ಲಕ್ಷದ ಸುಝುಕಿ ಜಿಕ್ಸರ್ ಗೆಲ್ಲುವ ಅವಕಾಶ ಕೂಡಾ ಇದೆ. ಚಿತ್ರಕ್ಕೆ ನಿರ್ಮಾಪಕ ಹರಿಪ್ರಸಾದ್ ರೈ ಬಂಡವಾಳ ಹೂಡಿದ್ದು, ದೇವಿಪ್ರಸಾದ್ ಜಿಎಸ್ ಹಾಗೂ ತನ್ಯ ಕ್ರಿಯೇಶನ್ಸ್ ಸಹ ನಿರ್ಮಾಪಕರಾಗಿದ್ದಾರೆ. ಕ್ಯಾಮರಮ್ಯಾನ್ ಆಗಿ ಮಯೂರ್ ಶೆಟ್ಟಿ, ಡಿಬಿಸಿಯಲ್ಲಿ ಶೇಖರ್ ಕೆಲಸ ಮಾಡಿದ್ದಾರೆ. ಸಂಗೀತವನ್ನು ಕಿಶೋರ್ ಕುಮಾರ್ ಶೆಟ್ಟಿ ನೀಡಿದ್ದು, ಮಯೂರ್ ಆರ್ ಶೆಟ್ಟಿ ಸಸಹಿತ್ಯ ಮತ್ತು ಚಿತ್ರೀಕರಣ ಸೇರಿದಂತೆ ಹಲವು ಪ್ರತಿಭಾನ್ವಿತ ಕಲಾವಿದರು ಈ ಚಿತ್ರಕ್ಕೆ ದುಡಿದಿದ್ದಾರೆ.
ಸಿನಿಮಾದಲ್ಲಿ ವಿನೀತ್ ಕುಮಾರ್ ನಾಯಕ ನಟನಾಗಿ, ಸಮತಾ ಅಮೀನ್ ನಾಯಕಿಯಾಗಿ ನಟಿಸಿದ್ದಾರೆ. ಉಳಿದಂತೆ ರಾಹುಲ್ ಅಮೀನ್, ಸ್ವರಾಜ್ ಶೆಟ್ಟಿ, ಆರಾಧ್ಯ ಶೆಟ್ಟಿ, ನವೀನ್ ಡಿ ಪಡಡೀಲ್, ಅರವಿಂದ್ ಬೋಳಾರ್, ಭೋಜರಾಜ್ ವಾಮಂಜೂರು, ಸಾಯಿಕೃಷ್ಣ ಕುಡ್ಲ, ರವಿ ರಾಮಕುಂಜ, ಸಂದೀಪ್ ಶೆಟ್ಟಿ, ಪ್ರಸನ್ನ ಶೆ;ಟ್ಟಿ ಬೈಲೂರು, ಉಮೇಶ್ ಮಿಜಾರ್, ಪಿಂಕಿರಾಣಿ, ಸಂತೋಷ್ ಶೆಟ್ಟಿ, ಅದ್ವಿಕಾ ಶೆಟ್ಟಿ ಸೇರಿದಂತೆ ಹಲವರು ನಟಿಸಿದ್ದಾರೆ.
