ಬೆಳ್ತಂಗಡಿ: ಭಾರತೀಯ ಗೋತಳಿಗಳ ಉಳಿವು ಬೆಳವುಗಳಿಗಾಗಿ ಶ್ರೀ ರಾಮಚಂದ್ರಾಪುರ ಮಠದ ಶ್ರೀ ರಾಘವೇಶ್ವರ ಭಾರತೀ ಸ್ವಾಮೀಜಿಯವರ ಮಾರ್ಗದರ್ಶನದಲ್ಲಿ ನಡೆಯುತ್ತಿರುವ ತಾಲೂಕು ಮಟ್ಟದ ಗೋಪರಿವಾರ ರಚನೆಯ ಪೂರ್ವ ಸಿದ್ದತಾ ಸಭೆಯು ಗುರುವಾಯನಕೆರೆಯ ನಮ್ಮ ಮನೆ ಹವ್ಯಕ ಭವನದಲ್ಲಿ 08/10/2017ರಂದು ನಡೆಯಿತು. ಕಾಂತಾಜೆ ಈಶ್ವರ ಭಟ್ಟರ ಅಧ್ಯಕ್ಷತೆಯಲ್ಲಿ ನಡೆದ ಈ ಸಭೆಯಲ್ಲಿ ರಾಜ್ಯ ಗೋಪರಿವಾರ ಸಮಿತಿಯ ಮಾಧ್ಯಮ ವಿಭಾಗದ ಅಧ್ಯಕ್ಷ ಉದಯಶಂಕರ ಭಟ್ ಮಿತ್ತೂರು ದಿಕ್ಸೂಚಿ ಮಾತುಗಳನ್ನಾಡಿದರು. ತಾಲೂಕಿನ ಪ್ರತಿಯೊಂದು ಗ್ರಾಮದಲ್ಲಿ ಗೋಪರಿವಾರ ರಚನೆ ಮಾಡಲು ಜಿಲ್ಲಾ ಪಂಚಾಯತ್ ಮಟ್ಟದಲ್ಲಿ ಈ ಮುಂದಿನವರನ್ನು ಆಯ್ಕೆ ಮಾಡಿ ಜವಾಬ್ದಾರಿಯನ್ನು ನೀಡಲಾಯಿತು.
ನಾರಾವಿ-ಬಾಲಕೃಷ್ಣ ಭಟ್, ದಡ್ಡು.ಅಳದಂಗಡಿ-ಶಿವಕುಮಾರ ಕಟ್ಟೂರು,ಲಾಯ್ಲ-ಮಹಾಬಲೇಶ್ವರ ಭಟ್ ಕುದುಪ್ಪುಳ,ಉಜಿರೆ-ಕೇಶವ ಭಟ್ ಪದ್ಯಾಣ,ಕೊಕ್ಕಡ-ಉದಯಶಂಕರ ಭಟ್ ಅರಸಿನಮಕ್ಕಿ,ಕಣಿಯೂರು-ಸೀತಾರಾಮ ಆಳ್ವ ಕೊರಿಂಜ,ಕುವೆಟ್ಟು-ರಾಜಗೋಪಾಲ ಭಟ್.ವಿಹಿಂಪ ಪುತ್ತೂರು ವಿಭಾಗದ ಪ್ರಮುಖ ಸಂದೀಪ್ ಮುಂಡ್ರೊಟ್ಟು,ಮಂಡಲ ಗುರಿಕ್ಕಾರ ಬಾಲ್ಯ ಶಂಕರ ಭಟ್, ಉಪ್ಪಿನಂಗಡಿ ಮಂಡಲ ಕಾರ್ಯದರ್ಶಿ ಶ್ರೀಧರ ಭಟ್ ಕೂವೆತ್ತಂಡ ಮುಂತಾದವರು ಉಪಸ್ಥಿತರಿದ್ದರು. ಅತ್ತಾಜೆ ಕೇಶವ ಭಟ್
ಕಾರ್ಯಕ್ರಮವನ್ನು ನಡೆಸಿಕೊಟ್ಟರು.
