ವರ್ತಕರಿಗೆ ಜಿ ಎಸ್ ಟಿ ತೆರಿಗೆ ವಿವರ ಸಲ್ಲಿಸಲು ಇದ್ದ ಅವಧಿಗೆ ಹೆಚ್ಚುವರಿಯಾಗಿ ಕಾಲಾವಕಾಶ ನೀಡಲು ನಿರ್ಧರಿಸಲಾಗಿದೆ ಎಂದು ಕೇಂದ್ರ ಸರಕಾರ ಘೋಷಿಸಿದೆ.
ಮಾರ್ಚ್ನಿಂದ ಜುಲೈ ವೇಳೆಯ ಇನ್ಪುಟ್ ಟ್ಯಾಕ್ಸ್ ಕ್ರೆಡಿಟ್ ಬೆನಿಫಿಟ್ ಸಲ್ಲಿಸಲು ಅ.20 ರಂದು ಅಂತಿಮ ದಿನವಾಗಿತ್ತು. ಆದರೆ ಇದನ್ನು ಐದು ದಿನ ವಿಸ್ತರಿಸಿ ಅ.25 ರವರೆಗೆ ತೆರಿಗೆ ವಿವರ ಸಲ್ಲಿಸಲು ಅವಕಾಶ ನೀಡುವುದಾಗಿ ಕೇಂದ್ರ ಹಣಕಾಸು ಇಲಾಖೆ ತಿಳಿಸಿದೆ.
ಇನ್ನಷ್ಟು ಅವಧಿಯ ಅವಶ್ಯಕತೆ ಬೇಕೆಂದು ಹಲವರು ಬೇಡಿಕೆ ಇಟ್ಟಿರುವುದರಿಂದ ಐದು ದಿನಗಳ ಕಾಲ ಅವಧಿಯನ್ನು ವಿಸ್ತರಿಸಲಾಗಿದೆ. ಆದ್ದರಿಂದ 2018 ಸೆಪ್ಟಂಬರ್ ತಿಂಗಳ ಈ ತೆರಿಗೆ ವಿವರ ಸಲ್ಲಿಕೆಯನ್ನು ಸಾರ್ವಜನಿಕರು 25 ರವರೆಗೆ ಮಾಡಬಹುದಾಗಿದೆ ಎಂದು ತಿಳಿಸಿದೆ.