ಸಂತ ಫಿಲೋಮಿನಾ ಕಾಲೇಜಿನಲ್ಲಿ “ಆವಿಷ್ಕಾರ, ಉದ್ಯಮಶೀಲತೆ ಮತ್ತು ಸ್ಟಾರ್ಟಪ್‌ಗಳು” ಕಾರ್ಯಗಾರ – ಕಹಳೆ ನ್ಯೂಸ್
ಪುತ್ತೂರು ಮಾರ್ಚ್‌ 4: ಸಂತ ಫಿಲೋಮಿನಾ ಕಾಲೇಜಿನ ಗಣಕವಿಜ್ಞಾನ ವಿಭಾಗ, ಪಿನ್ಯಾಕಲ್‌ ಐಟಿ ಕ್ಲಬ್‌ ಹಾಗೂ ಐಐಸಿಗಳಸಂಯುಕ್ತ ಆಶ್ರಯದಲ್ಲಿ “ ಆವಿಷ್ಕಾರ, ಉದ್ಯಮಶೀಲತೆ ಮತ್ತು ಸ್ಟಾರ್ಟಪ್‌ಗಳು” ಎಂಬ ವಿಷಯದ ಕುರಿತು ಒಂದುಕಾರ್ಯಗಾರವನ್ನು ಕಾಲೇಜಿನ ಸಪಂದನ ಸಭಾಭವನದಲ್ಲಿ ಆಯೋಜಿಸಲಾಯಿತು. ಕಾರ್ಯಗಾರದ ಉದ್ಘಾಟನ ಕಾರ್ಯಕ್ರಮದಅಧ್ಯಕ್ಷತೆಯನ್ನು ವಹಿಸಿದ್ದ ಕಾಲೇಜಿನ ಪ್ರಾಂಶುಪಾಲರಾದ ಕಾಲೇ ಅಧ್ಯಕ್ಷರಾದ ವಂ| ಡಾ| ಆಂಟೊನಿ ಪ್ರಕಾಶ್‌ಮೊಂತೆರೋರವರು “ ಸ್ಟಾರ್ಟಪ್‌ಗಳು ಉದ್ಯಮವು ಕೇವಲ ವ್ಯವಹಾರವಲ್ಲ ಬದಲಾಗಿ ಸೃಜನಶೀಲತೆಯ ಮೂರ್ತರೂಪವಾಗಿದೆ.
ದಾರ್ಶನಿಕ ಮನಸ್ಸುಗಳಲ್ಲಿ ಬದಲಾವಣೆಯ ಕಿಡಿ ಹುಟ್ಟಿದಾಗ ರೂಪುಗೊಳ್ಳುವ ಅದ್ಭುತಗಳೇ ಸ್ಟಾರ್ಟಪ್‌ಗಳು. ನಮ್ಮಸುತ್ತುಮುತ್ತಲಿನ ಸಣ್ಣ ಪುಟ್ಟ ಸಮಸ್ಯಗಳು ಅಥವಾ ಅವಶ್ಯಕತೆಗಳು ಸ್ಟಾರ್ಟಪ್‌ಗಳಾಗಿ ಪರಿವರ್ತನೆಗೊಂಡ ಹಲವಾರು ನಿದರ್ಶನಗಳನ್ನು ನಾವು ಕಾಣಬಹುದಾಗಿದೆ. ವಿದ್ಯಾಭ್ಯಾಸವನ್ನು ಪೂರ್ಣಗೊಳಿಸಿ ಉದ್ಯೋಗವನ್ನರಸಿ ಹೋಗುವ ನೂರಾರುವಿದ್ಯಾರ್ಥಿಗಳ ಪೈಕಿ ಕೇವಲ ನಾಲ್ಕೈದು ವಿದ್ಯಾರ್ಥಿಗಳು ಕ್ರಿಯಾತ್ಮಕವಾಗಿ ಚಿಂತಿಸಿ ಆ ಚಿಂತನೆಯನ್ನು ಉದ್ಯಮರೂಪದಲ್ಲಿತಂದಾಗ ಅದ್ಭುತವನ್ನು ಸೃಷ್ಟಿಮಾಡಬಹುದು. ನಿಮ್ಮದೇ ಆದ ಹೊಸ ಉದ್ಯಮವನ್ನು ಸ್ಥಾಪಿಸಿ ಸುತ್ತುಮುತ್ತಲಿನ ಹತ್ತಾರು
ಮಂದಿಗೆ ಉದ್ಯೋಗನೀಡುವ ರೀತಿಯಲ್ಲಿ ಚಿಂತನೆ ಮಾಡಿರಿ” ಎಂದು ಹೇಳಿದರು.
ಕಾರ್ಯಗಾರದ ಸಂಪನ್ಮೂಲವ್ಯಕ್ತಿಯಾಗಿ ಭಾಗವಹಿಸಿದ ಬೆಂಗಳೂರಿನ ಸ್ಲ್ಯಾಂಗ್‌ ಲ್ಯಾಬ್ಸ್‌ ನ ಮಾರ್ಕೆಟಿಂಗ್‌ ವಿಭಾಗದಮುಖ್ಯಸ್ಥರಾದ ಮಧುರಾನಾಥ್‌ ಆರ್‌ರವರು “ನಮ್ಮನ್ನು ದಿನನಿತ್ಯ ಕಾಡುತ್ತಿರುವ ಹಳೆಯ ಸಮಸ್ಯೆಗಳಿಗೆ ಹೊಸರೂಪದಪರಿಹಾರ ಕಂಡುಕೊಳ್ಳುವುದನ್ನು ಈ ಕಾಲಘಟ್ಟದಲ್ಲಿ ಸ್ಟಾರ್ಟಪ್‌ ಎನ್ನುತ್ತೇವೆ. ನಮ್ಮ ಆಲೋಚನೆ ಅಥವಾ ಯೋಜನೆಗಳನ್ನುಉದ್ಯಮ ರೂಪಕ್ಕೆ ತರುವಾಗ ನಾವು ಬಹಳಷ್ಟು ಶ್ರಮಪಡಬೇಕಾಗುತ್ತದೆ. ಸ್ಟಾರ್ಟಪ್‌ ಕೇವಲ ಓರ್ವ ವ್ಯಕ್ತಿಯಯೋಜನೆಯಾಗಿರದೆ ಎರಡು ಅಥವಾ ಮೂರು ಮಂದಿ ಸಮಾನಮನಸ್ಕ ಹಾಗೂ ಬೇರೆ ಬೇರೆ ವಿಷಯಗಳಲ್ಲಿ ಪರಿಣತಿ ಪಡೆದವರ ಸಂಘಟನೆಯಾಗಿದ್ದಲ್ಲಿ ಅದು ಯಶಸ್ವಿಯಾಗುವುದು ನಿಸ್ಸಂಶಯ. ಸ್ಟಾರ್ಟಪ್‌ ಪ್ರಾರಂಭಿಸುವಾಗ ಆ ವಿಷಯದ ಕುರಿತುಆಳವಾದ ಜ್ಞಾನ ಹೊಂದಿರಬೇಕು” ಎಂದು ಹೇಳಿದರು. ಅವರು ಕಾರ್ಯಗಾರದುದ್ದಕ್ಕೂ ಸ್ಟಾರ್ಟಪ್‌ ಅನ್ನು ಪ್ರಾರಂಭಿಸುವ ಬಗೆ ಹೇಗೆ, ಎದುರಾಗುವ ವಿವಿಧ ಸವಾಲುಗಳು, ಅವುಗಳಿಗೆ ನಾವು ಕಂಡುಕೊಳ್ಳಬಹುದಾದ ಪರಿಹಾರಮ ಮಾನವ ಹಾಗೂ ಆರ್ಥಿಕ
ಸಂಪನ್ಮೂಲಗಳನ್ನು ಒಗ್ಗೂಡಿಸುವುದು, ಸರಕಾರದಿಂದ ದೊರೆಯುವ ಆರ್ಥಿಕ ಸಹಾಯ ಮುಂತಾದ ವಿಷಯಗಳ ಕುರಿತು ವಿದ್ಯಾರ್ಥಿಗಳಿಗೆ ಉದಾಹರಣೆ ಸಹಿತ ವಿವರಿಸಿದರು.
ಗಣಕ ವಿಜ್ಞಾನ ವಿಭಾಗದ ಮುಖ್ಯಸ್ಥರಾದ ವಿನಯಚಂದ್ರ ಸ್ವಾಗತಿಸಿದರು. ಐಟಿ ಕ್ಲಬ್‌ನ ಸಂಯೋಜಕಿ ಸೌಮ್ಯ ವಂದಿಸಿದರು. ಉಪನ್ಯಾಸಕಿ ಗೀತಾ ಪೂರ್ಣಿಮಾ ಕಾರ್ಯಕ್ರಮ ನಿರೂಪಿಸಿದರು.
