ಬೆಂಗಳೂರು ರಾಯಲ್ ಆರ್ಚಿಡ್ ರೆಸಾರ್ಟ್ & ಕನ್ವೆನ್ಷನ್ ಸೆಂಟರ್‌ನಲ್ಲಿ ನಡೆದ ಸಮಾರಂಭದಲ್ಲಿ ರಾಷ್ಟ್ರೀಯ ಶಾಲಾ ಪ್ರಶಸ್ತಿ ಮುಡಿಗೇರಿಸಿಕೊಂಡ ಮಂಗಳೂರಿನ ‘ಕೆನರಾ ನಂದಗೋಕುಲ್ ಶಾಲೆ’– ಕಹಳೆ ನ್ಯೂಸ್
ಮಂಗಳೂರು : ಬೆಂಗಳೂರು ರಾಯಲ್ ಆರ್ಚಿಡ್ ರೆಸಾರ್ಟ್ & ಕನ್ವೆನ್ಷನ್ ಸೆಂಟರ್‌ನಲ್ಲಿ ನಡೆದ ಸಮಾರಂಭದಲ್ಲಿ ಕೆನರಾ ನಂದಗೋಕುಲ್ ಶಾಲೆಯು ರಾಷ್ಟ್ರೀಯ ಶಾಲಾ ಪ್ರಶಸ್ತಿ ಗೆ ಪಾತ್ರವಾಯಿತು.
2009ರಲ್ಲಿ ಪ್ರಾರಂಭಿಸಲಾದ ಕೆನರಾ ಮಾಂಟಿಸ್ಸೋರಿ ಇಂದು ಕೆನರಾ ನಂದಗೋಕುಲ್ ಎಂಬ ಹೆಸರಿನಿಂದ ಪರಿಚಿತವಾಗಿದೆ. ತಮ್ಮ ಮಕ್ಕಳಿಗಾಗಿ ಉತ್ತಮ ಶಾಲೆಯನ್ನು ಆಯ್ಕೆ ಮಾಡುವುದು ಪೋಷಕರ ಅತ್ಯಂತ ಮಹತ್ವದ ನಿರ್ಧಾರಗಳಲ್ಲಿ ಒಂದಾಗಿದೆ. ಮಾಂಟಿಸ್ಸೋರಿ ಶಿಕ್ಷಣವನ್ನು ಗುರುಕುಲ ಮಾದರಿಯಲ್ಲಿ ನೀಡುವ ಪ್ರಯತ್ನವನ್ನು ಕೈಗೊಳ್ಳುತ್ತಿದ್ದು ಮಕ್ಕಳಿಗೆ ಉತ್ಸಾಹಭರಿತ ಮತ್ತು ಪಾಲಕ ವಾತಾವರಣ ಒದಗಿಸುವ ಆದ್ಯತೆಯನ್ನು ಹೊಂದಿದೆ.ಮಕ್ಕಳಿಗೆ ಮುಂದಿನ ಸವಾಲುಗಳನ್ನು ಎದುರಿಸಲು ಅಗತ್ಯವಿರುವ ಜ್ಞಾನ ಮತ್ತು ಕೌಶಲಗಳನ್ನು ಕಲಿಸುವ ಅಗತ್ಯ ಇರುವುದರಿಂದ ನಂದಗೋಕುಲ್ ಶಾಲೆಯಲ್ಲಿ ಮಕ್ಕಳ ಆತ್ಮವಿಶ್ವಾಸ, ಹೊಂದಿಕೊಳ್ಳುವ ಸಾಮರ್ಥ್ಯ, ಆತ್ಮಸ್ಥೈರ್ಯ ಮತ್ತು ಸ್ವಾಯತ್ತತೆಯನ್ನು ಉತ್ತೇಜಿಸಲು ಪ್ರಯತ್ನಿಸಲಾಗಿದೆ.ಇಲ್ಲಿ ನಡೆಯುವ ಕಾರ್ಯಕ್ರಮಗಳು ಮಕ್ಕಳ ಭವಿಷ್ಯದ ಬೌದ್ಧಿಕ ಚಟುವಟಿಕೆಗಳಿಗೆ ಸಿದ್ಧತೆ, ಗಮನ ಮತ್ತು ನಿರತತೆಯನ್ನು ಉತ್ತೇಜಿಸಲು ಮತ್ತು ಕೆಲಸದ ಗೌರವವನ್ನು ಕಲಿಸುವ ಉದ್ದೇಶಗಳನ್ನು ಹೊಂದಿದೆ.ಇಲ್ಲಿಯ ಪಠ್ಯಕ್ರಮವು ಮಕ್ಕಳಿಗೆ ಆಸಕ್ತಿಕರ ಮತ್ತು ಸವಾಲಾತ್ಮಕವಾದ ಸನ್ನಿವೇಶಗಳನ್ನು ಪರಿಹರಿಸುವ, ಸೂಕ್ಷ್ಮ ಸಂವೇದನಗಳನ್ನು ನಿರೂಪಿಸುವಂತೆ ಯೋಜಿಸಲಾಗಿದೆ.
ಗುರುಕುಲ ಮತ್ತು ಈ ಶತಮಾನದ ಕೌಶಲ್ಯಗಳನ್ನು ಅಳವಡಿಸಿಕೊಳ್ಳಲಾಗಿದ್ದು ಎಲ್ಲಾ ಸಾಂಸ್ಕೃತಿಕ ಚಟುವಟಿಕೆಗಳು ಮತ್ತು ಹಬ್ಬಗಳನ್ನು ಆಚರಿಸಲಾಗುತ್ತಿದೆ. ಬೋಧನೆಯ ವಿಷಯ ಪರಿಣಾಮಕಾರಿಯಾಗಲು ಮಕ್ಕಳನ್ನು ವಿವಿಧ ಸ್ಥಳಗಳಿಗೆ ಭೇಟಿ ಮಾಡಿಸಲಾಗುತ್ತದೆ. ಇಲ್ಲಿಯ ಯಶಸ್ಸಿನ ಬಲವೆಂದರೆ ಆರೈಕೆಯುಳ್ಳ, ನಿಷ್ಠಾವಂತ ಮತ್ತು ವೃತ್ತಿಪರ ಸಿಬ್ಬಂದಿ.ಅವರು ಪ್ರತಿಯೊಬ್ಬ ಮಕ್ಕಳು ತಮ್ಮದೇ ವೇಗದಲ್ಲಿ ಬೆಳೆಯಲು ಬೆಂಬಲಿಸುತ್ತಾರೆ. ಸ್ವತಃ ಶಾಲೆಯನ್ನು ಭೇಟಿ ಮಾಡಿ ಈ ಶಾಲೆ ನೀಡುವ ವಿಶೇಷ ಶಿಕ್ಷಣದ ಅವಕಾಶವನ್ನು ಅನುಭವಿಸಲು ಉತ್ತೇಜನಗೊಳ್ಳುತ್ತೀರೆಂದು ನಂಬುತ್ತೇವೆ.
ದಕ್ಷಿಣ ಕನ್ನಡವನ್ನು ದೇಶದ ಅತ್ಯುತ್ತಮ ಶೈಕ್ಷಣಿಕ ಜಿಲ್ಲೆಗಳಲ್ಲಿ ಒಂದಾಗಿ ಮಾಡಲು ಕೆನರಾ ಸಂಸ್ಥೆ ಮಹತ್ತರ ಪಾತ್ರ ವಹಿಸಿದೆ. 1891ರಲ್ಲಿ ಕೆನರಾ ಹೈಸ್ಕೂಲ್ ಮೈನ್ ಪ್ರಾರಂಭಿಸಲಾಯಿತು. ಕೆನರಾ ಸಮೂಹವು ನರ್ಸರಿಯಿಂದ ಎಂಜಿನಿಯರಿಂಗ್ ಮಟ್ಟದ ಶಿಕ್ಷಣವನ್ನು ಒದಗಿಸುತ್ತಿದೆ. ಪ್ರತಿಯೊಬ್ಬ ಮಕ್ಕಳಿಗೂ ಗುಣಮಟ್ಟದ ಶಿಕ್ಷಣವನ್ನು ಒದಗಿಸಲು ಸರಿಯಾದ ಪರಿಸರವನ್ನು ಒದಗಿಸುವುದು ಕೆನರಾ ಶಾಲೆಯ ಧ್ಯೇಯವಾಗಿದೆ. ಯಾವುದೇ ಧರ್ಮವನ್ನು ಪರಿಗಣಿಸದೇ, ಭವಿಷ್ಯದ ನಾಯಕರನ್ನು ತಯಾರಿಸಲು ಅವಕಾಶಗಳನ್ನು ಒದಗಿಸುವುದು ಮತ್ತು ಸಾಫ್ಟ್ ಸ್ಕಿಲ್ಸ್, ಕ್ರೀಡೆ ಮತ್ತು ಜ್ಞಾನವನ್ನು ಉತ್ತೇಜಿಸುವುದು ನಮ್ಮ ಉದ್ದೇಶವಾಗಿದೆ. ನಮ್ಮ ವೇದ ಮಂತ್ರ “ಸತ್ಯಂ ವದ ಧರ್ಮಂ ಚರ”.
ಕೆನರಾ ನಂದಗೋಕುಲ್ ಅನ್ನು ಹಲವು ಪ್ರತಿಭಾವಂತ ಮುಖ್ಯಸ್ಥರು ಮುನ್ನಡೆಸಿದ್ದು, ಇದೀಗ ನಿರ್ದೇಶಕಿ ಶ್ರೀಮತಿ ಅಂಜನಾ ಕಾಮತ್, ಸಂಚಾಲಕ ಶ್ರೀ ನರೇಶ್ ಶೆಣೈ, ಮತ್ತು ಸಂಯೋಜಕಿ ವಂದನಾ ಅವರಿಂದ ಮುನ್ನಡೆಸಲಾಗುತ್ತಿದೆ. ಬದ್ಧತೆ ಮತ್ತು ಪರಿಣಾಮಕಾರಿತ್ವವುಳ್ಳ ಶಿಕ್ಷಕರು ಮತ್ತು ಬೋಧಕೇತರ ಸಿಬ್ಬಂದಿಗಳು ನಮ್ಮ ಶಾಲೆಯ ಶಕ್ತಿ. ನೀವು ವ್ಯಾಸಂಗ, ಕೌಶಲ್ಯ ಮತ್ತು ಬುದ್ಧಿವಂತಿಕೆಯಲ್ಲಿ ಪ್ರಗತಿಪಡೆಯಲು ಸರಿಯಾದ ಸ್ಥಳವಾಗಿರುವ ಕೆನರಾ ನಂದಗೋಕುಲ್ ಶಾಲೆಯನ್ನು ಭೇಟಿ ಮಾಡುವಂತೆ ನಾವು ಆಶಿಸುತ್ತೇವೆ.
