ಮಂಗಳೂರು ನವೆಂಬರ್ 11 : ಕೇಂದ್ರ ಸಚಿವ ಅನಂತ ಕುಮಾರ್ ನಿಧನಕ್ಕೆ ಅವಹೇಳನಕಾರಿಯಾಗಿ ಸಾಮಾಜಿಕ ಜಾಲತಾಣ ಫೇಸ್ ಬುಕ್ ನಲ್ಲಿ ಬರಹದ ಹಿನ್ನಲೆಯಲ್ಲಿ ಮಂಗಳೂರು ಮುಸ್ಲಿಂ ಫೇಸ್ ಬುಕ್ ಪೇಜ್ ವಿರುದ್ದ ಮಂಗಳೂರು ಪಾಂಡೇಶ್ವರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಕೇಂದ್ರ ಸಚಿವ ಅನಂತ್ ಕುಮಾರ್ ನಿಧನದ ಹಿನ್ನಲೆಯಲ್ಲಿ ಮಂಗಳೂರು ಮುಸ್ಲಿಂ ಫೇಸ್ ಬುಕ್ ಪೇಜ್ ನಲ್ಲಿ ಸಂಭ್ರಮಿಸಿ ಬರಹಗಳನ್ನು ಬರೆದಿದ್ದರು. ಈ ಕುರಿತಂತೆ ಮಂಗಳೂರು ಮುಸ್ಲಿಂ ಫೇಸ್ ಬುಕ್ ಪೇಜ್ ವಿರುದ್ದ ಆಕ್ರೋಶ ವ್ಯಕ್ತವಾಗಿತ್ತು.
ಅಲ್ಲದೆ, ಕಹಳೆ ನ್ಯೂಸ್ ಸಂಪೂರ್ಣ ವಿವರ ಸಹಿತ ವರದಿಯನ್ನು ಪ್ರಕಟಿಸಿತ್ತು, ಮತ್ತು ಜಿಲ್ಲಾ ವರಿಷ್ಠಾಧಿಕಾರಿಗಳ ಗಮನಕ್ಕೂ ತಂದಿತ್ತು, ಅಲ್ಲದೆ, ಕಹಳೆ ನ್ಯೂಸ್ ಬಿತ್ತರವಾಗುತ್ತಿದ್ದಂತೆ ಉಳಿದ ಮಾಧ್ಯಮಗಳು ನ್ಯೂಸ್ ಬಿತ್ತರ ಮಾಡಿದ್ದರು, ಇದರ ಫಲಶ್ರುತಿ ಈಗ ಪೋಲಿಸರು ಪ್ರಕರಣ ದಾಖಲಿಸಿದ್ದಾರೆ.
ಕಹಳೆಯಲ್ಲಿ ಬಿತ್ತರವಾದ ವರದಿ :
” *ಸಾವಿನಲ್ಲು ವಿಕೃತಿ ಮೆರೆದ ಮಂಗಳೂರು ಮುಸ್ಲಿಂ ಪೇಜ್, ಇದೇನಾ ಸಂಸ್ಕøತಿ..? “ಇದೇನಾ ಸಭ್ಯತೆ” – ಕಹಳೆ ನ್ಯೂಸ್*
*ಮಂಗಳೂರು ಪೋಲಿಸರೇ ಎಲ್ಲಿದ್ದೀರಿ ?*
https://youtu.be/eQ03kIDzwCQ
ಈ ಹಿನ್ನಲೆಯಲ್ಲಿ ಮಂಗಳೂರು ಮುಸ್ಲಿಂ ಫೇಸ್ಬುಕ್ ಪೇಜ್ ವಿರುದ್ಧ ಮಂಗಳೂರು ಪಾಂಡೇಶ್ವರ ಪೊಲೀಸರು ಸ್ವಯಂಪ್ರೇರಿತ ಕೇಸು ದಾಖಲಿಸಿಕೊಂಡಿದ್ದು, ಐಟಿ ಆಕ್ಟ್ ಅಡಿಯೂ ಕ್ರಮ ತೆಗೆದುಕೊಳ್ಳಲು ಚಿಂತನೆ ನಡೆಸಿದ್ದಾರೆ.
Mangaluru City Police@compolmlrಈ ದಿನ ಮಾನ್ಯ ಕೇಂದ್ರ ಮಂತ್ರಿಗಳಾದ ಶ್ರೀ ಅನಂತಕುಮಾರ್ ಅವರು ನಿಧನರಾದ ಬಗ್ಗೆ Mangalore Muslims ಎನ್ನುವ Facebook ಪುಟದಲ್ಲಿ ಅವಹೇಳನಕಾರಿ ಹಾಗೂ ದ್ವೇಷಪೂರಿತ ಪೊಸ್ಟ್ ಗಳನ್ನು ಮಾಡಿದ ಬಗ್ಗೆ ಮಂಗಳೂರು ದಕ್ಷಿಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲು ಮಾಡಿ ತನಿಖೆಯನ್ನು ಕೈಗೊಳ್ಳಲಾಗಿದೆ.
