ಭೂಮಿಗೆ ಸುರಕ್ಷಿತವಾಗಿ ಮರಳಿದ ಸುನಿತಾ ವಿಲಿಯಮ್ಸ್..! ಅವರಿಗೆ ಸಿಕ್ಕ ವೇತನವೆಷ್ಟು ಗೊತ್ತಾ..? –ಕಹಳೆ ನ್ಯೂಸ್

ನವದೆಹಲಿ:ಸುನಿತಾ ವಿಲಿಯಮ್ಸ್ ಬಹುಶಃ ಇವರ ಹೆಸರು ಕೇಳದವರಿಲ್ಲ. ಭಾರತ ಮೂಲದ ಗಗನಯಾತ್ರಿ. ಕೇವಲ 8 ದಿನಕ್ಕೆಂದು ಬಾಹ್ಯಾಕಾಶಕ್ಕೆ ಹೋಗಿ 9 ತಿಂಗಳು ಅಲ್ಲೇ ಉಳಿದುಕೊಂಡು ಇದೀಗ ಕಡೆಗೂ ಸುರಕ್ಷಿತವಾಗಿ ಭೂಮಿಗೆ ವಾಪಾಸಾಗಿದ್ದಾರೆ. ಇಷ್ಟು ದಿನ ಸುನೀತಾ ಅವರು ಅಲ್ಲಿ ಹೇಗಿದ್ದರು. ಏನೆಲ್ಲಾ ಆಹಾರ ಸೇವಿಸುತ್ತಿದ್ದರು. ಅವರ ಜೀವನ ಹೇಗಿತ್ತು ಇನ್ನು ಹೇಗಿರುತ್ತೆ..? ಸಂಪೂರ್ಣ ಮಾಹಿತಿ ಇಲ್ಲಿದೆ.

ಸ್ಪೇಸ್ ಅನ್ನೋದು ಸುನಿತಾ ವಿಲಿಯಮ್ಸ್ ಅವರಿಗೆ ಹೊಸತೇನಲ್ಲ. 1998 ರಿಂದ ಅವರು ಗಗನಯಾತ್ರಿ. ಇದಕ್ಕಿಂತ ಮೊದಲು 4 ಬಾರಿ ಇಂಟರ್ ನ್ಯಾಷನಲ್ ಸ್ಪೇಸ್ ಸ್ಟೇಶನ್ ಗೆ ಹೋಗಿ ವರ್ಕ್ ಮಾಡಿ ಬಂದವರು. ಸ್ಪೇಸ್‌ನಲ್ಲಿ 322 ದಿನ ಕಳೆದ ಅನುಭವ ಈ ಮೊದಲೇ ಇತ್ತು. ಆದ್ರೆ ಅಷ್ಟು ಬಾರಿ ಅವ್ರನ್ನು ಹೊತ್ಕೊಂಡು ಹೋಗಿದ್ದು ನಾಸಾದ ಗಗನ ನೌಕೆಗಗಳು. ಆದ್ರೆ ಈ ಸಲ ಖಾಸಗಿ ನೌಕೆಯಲ್ಲಿ ಹೋಗಿದ್ದು. ಭಾರತೀಯ ಮೂಲದ ಸುನಿತಾ ವಿಲಿಯಮ್ಸ್ ಹಾಗೂ ನಾಸಾ ವಿಜ್ಞಾನಿ, ಗಗನಯಾತ್ರಿ ಬುಚ್ ವಿಲ್ಮೋರ್ ಅವರು ಕಳೆದ 9 ತಿಂಗಳಿAದ ಅಂತರಾಷ್ಟ್ರೀಯ ಬಾಹ್ಯಾಕಾಶ ಕೇಂದ್ರದಲ್ಲೇ ಇದ್ದರು. ತಾಂತ್ರಿಕ ಸಮಸ್ಯೆಯಿಂದ ಅವರು ಭೂಮಿಗೆ ಬರಲು ಸಾಧ್ಯವಾಗಿರಲಿಲ್ಲ. ಕಡೆಗೂ ಅವರ ಬಾಹ್ಯಾಕಾಶ ವಾಸ ಮುಗಿದಿದ್ದು ಭೂಮಿಗೆ ಸುರಕ್ಷಿತವಾಗಿ ವಾಪಾಸಾಗಿದ್ದಾರೆ.

ಜಾಹೀರಾತು

ಜಾಹೀರಾತು

ಜಾಹೀರಾತು

ಬಾಹ್ಯಾಕಾಶ ನಿಲ್ದಾಣಕ್ಕೆ ಸುನಿತಾ ಹೋಗಿದ್ಯಾಕೆ ಗೊತ್ತಾ..?

ಜಾಹೀರಾತು

ಜಾಹೀರಾತು

ಜಾಹೀರಾತು

ನಾಸಾದ ಸಹಭಾಗಿತ್ವದಲ್ಲಿ ಬೋಯಿಂಗ್ ರೂಪಿಸಿದ್ದ ಸ್ಟಾರ್‌ಲೈನರ್ ಬಾಹ್ಯಾಕಾಶ ನೌಕೆಯ ಮೊದಲ ಮಾನವ ಸಹಿತ ಪರೀಕ್ಷಾರ್ಥ ಪ್ರಯಾಣದ ಭಾಗವಾಗಿ ಉಪಗ್ರಹ ಉಡಾವಣೆ ಮಾಡಲಾಗಿತ್ತು. ಸುನಿತಾ ಮತ್ತು ಬುಚ್ ಇಬ್ಬರೂ ಗಗನಯಾತ್ರಿಗಳು ಜೂ.5 ರಂದು ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣಕ್ಕೆ ಹೋಗಿದ್ದರು. ಎಂಟು ದಿನಗಳ ಕಾಲ ಅಲ್ಲಿದ್ದು ಜೂ.14 ರಂದು ಸ್ಟಾರ್‌ಲೈನರ್ ಮೂಲಕವೇ ಭೂಮಿಗೆ ವಾಪಸ್ ಆಗಬೇಕಿತ್ತು. ಆದರೆ, ತಾಂತ್ರಿಕ ಸಮಸ್ಯೆಗಳ ಕಾರಣದಿಂದ ಅವರು ಬಾಹ್ಯಾಕಾಶದಲ್ಲೇ ಉಳಿಯುವಂತಾಗಿತ್ತು.

9 ತಿಂಗಳ ಅವಧಿಯಲ್ಲಿ ಏನು ಮಾಡಿದರು?

ಸುನಿತಾ ವಿಲಿಯಮ್ಸ್ 9 ತಿಂಗಳ ಸುದೀರ್ಘ ಅವಧಿಯಲ್ಲಿ ವಿವಿಧ ಕಾರ್ಯಗಳಲ್ಲಿ ಸಕ್ರಿಯರಾಗಿದ್ದರು. ಬಾಹ್ಯಾಕಾಶ ನಿಲ್ದಾಣದ ನಿರ್ವಹಣೆ ಮತ್ತು ಶುಚಿಗೊಳಿಸುವಿಕೆಯಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಫುಟ್ಬಾಲ್ ಮೈದಾನದ ಗಾತ್ರದಲ್ಲಿರುವ ಈ ನಿಲ್ದಾಣಕ್ಕೆ ನಿರಂತರ ನಿರ್ವಹಣೆ ಅಗತ್ಯ. ಅವರು ಅಲ್ಲಿರುವ ಹಳೆಯ ಉಪಕರಣಗಳನ್ನು ಬದಲಾಯಿಸಲು ಸಹಾಯ ಮಾಡಿದರು. ಜೊತೆಗೆ ಒಂದಷ್ಟು ವೈಜ್ಞಾನಿಕ ಪ್ರಯೋಗಗಳನ್ನು ನಡೆಸಿದರು.

62 ಗಂಟೆ ಕಾಲ ಕಾಲ 9 ಬಾರಿ ಬಾಹ್ಯಾಕಾಶ ನಡಿಗೆ

ಓಂSA ನೀಡಿರುವ ಮಾಹಿತಿ ಪ್ರಕಾರ, ಸುನಿತಾ ವಿಲಿಯಮ್ಸ್ ಮತ್ತು ಅವರ ತಂಡ 900 ಗಂಟೆಗಳ ಸಂಶೋಧನೆ ಪೂರ್ಣಗೊಳಿಸಿದೆ. 150ಕ್ಕೂ ಹೆಚ್ಚು ಪ್ರಯೋಗಗಳನ್ನು ನಡೆಸಿ ಹೊಸ ದಾಖಲೆ ಬರೆದಿದ್ದಾರೆ. ಬಾಹ್ಯಾಕಾಶದಲ್ಲಿ ಹೆಚ್ಚು ಕಾಲ ಕಳೆದ ಮಹಿಳೆ ಎಂಬ ದಾಖಲೆಗೂ ಪಾತ್ರರಾಗಿದ್ದಾರೆ. ಬಾಹ್ಯಾಕಾಶ ನಿಲ್ದಾಣದ ಹೊರಗೆ 62 ಗಂಟೆ 9 ನಿಮಿಷಗಳನ್ನು ಕಳೆದಿದ್ದಾರೆ. 9 ಬಾರಿ ಬಾಹ್ಯಾಕಾಶ ನಡಿಗೆ ಮಾಡಿದ್ದಾರೆ.

ಲ್ಯಾಂಡಿಂಗ್ ಪ್ರವರ ಸುನಿತಾ ವಿಲಿಯಮ್ಸ್, ಬುಚ್ ವಿಲ್ಮೋರ್ ಮತ್ತು ಇಬ್ಬರು ಗಗನಯಾನಿಗಳನ್ನು ಹೊತ್ತ ಕ್ರ‍್ಯೂ ಡ್ರ‍್ಯಾಗನ್ ಕೋನಾಕಾರದ ಕ್ಯಾಪ್ಸೂಲ್ (ಕೋಶ) ಅಮೆರಿಕದ ಫ್ಲಾರಿಡಾದ ಕರಾವಳಿ ಪ್ರದೇಶದಲ್ಲಿ ಲ್ಯಾಂಡ್ ಆಗಿದೆ.

ಭೂಮಿಯ ವಾತಾವರಣವನ್ನು ಪ್ರವೇಶಿಸಿದ ಬಳಿಕ ಸಾವಿರಾರು ಕಿ.ಮೀ ವೇಗವನ್ನು ತಗ್ಗಿಸುವ ಕೆಲಸವನ್ನು ಕ್ಯಾಪ್ಸೂಲ್‌ನಲ್ಲಿನ ಪುಟ್ಟ ಪುಟ್ಟ ರಾಕೆಟ್‌ಗಳು ಮಾಡುತ್ತವೆ. ನಂತರ ಕ್ಯಾಪ್ಸೂಲ್‌ನಲ್ಲಿನ ಪ್ಯಾರಾಶ್ಯೂಟ್ ತೆರೆದುಕೊಳ್ಳುತ್ತದೆ. ಅದರ ಸಹಾಯದಿಂದ ಕ್ಯಾಪ್ಸೂಲ್ ಸುರಕ್ಷಿತವಾಗಿ ಸಮುದ್ರಪ್ರದೇಶದ ಮೇಲೆ ಬಿದ್ದಿದೆ.

ಈ ರೀತಿ ಕ್ಯಾಪ್ಸೂಲ್ ನೀರಿಗೆ ಬಿದ್ದ ಬಳಿಕ ನಾಸಾ ಮತ್ತು ಸ್ಪೇಸ್ ಎಕ್ಸ್ ಬಾಹ್ಯಾಕಾಶ ಸಂಸ್ಥೆಯ ಸಿಬ್ಬಂದಿ ಕ್ಯಾಪ್ಸೂಲ್‌ನಿಂದ ಗಗನಯಾನಿಗಳನ್ನು ರಕ್ಷಿಸಿ ಹ್ಯೂಸ್ಟನ್‌ನಲ್ಲಿರುವ ನಾಸಾದ ಜಾನ್ಸನ್ ಅಂತರಿಕ್ಷ ಕೇಂದ್ರಕ್ಕೆ ಸ್ಥಳಾಂತರಿಸಲಾಗುತ್ತೆ. ಅಲ್ಲಿ ಗಗನಯನಿಗಳು ಕಠಿಣ ವೈದ್ಯಕೀಯ ತಪಾಸಣೆ, ಮಿಷನ್ ಕುರಿತು ವಿಸ್ತೃತ ಸಮಾಲೋಚನೆ ಸೇರಿದಂತೆ ಅವರು ಭೂಮಿಯ ವಾತಾವರಣಕ್ಕೆ ಹೊಂದಿಕೊಳ್ಳಲು ಬೇಕಿರುವ ಅಗತ್ಯ ಕ್ರಮಗಳಿಗೆ ಒಳಗಾಗಿದ್ದಾರೆ.

ವಿಮಾನನಿಲ್ದಾಣಗಳಲ್ಲಿಎಷ್ಟರ ಮಟ್ಟಿಗಿನ ಹೈಸೆಕ್ಯುರಿಟಿ ಇರುತ್ತದೆ ಎನ್ನುವುದರ ಅರಿವು ನಮ್ಮೆಲ್ಲರಿಗೂ ಇದ್ದೇ ಇರುತ್ತೆ. ವಿದೇಶಗಳಿಂದ ಕಾನೂನುಬಾಹಿರವಾಗಿ ವಸ್ತುಗಳ ಸಾಗಣೆ ತಡೆಗಟ್ಟುವುದು ಇದರ ಉದ್ದೇಶ. ಇನ್ನು ಅಂತರಿಕ್ಷದಿAದ ಬರುವ ಗಗನಯಾನಿಗಳನ್ನು ಸುಮ್ಮನೆ ಬಿಡುವುದುಂಟೇ ? ಅಂತರಿಕ್ಷದಿAದ ಬರುವ ಗಗನಯಾನಿಗಳನ್ನು ವಾರಗಳ ಕಾಲ, ಕೆಲವೊಮ್ಮೆ ತಿಂಗಳುಗಳ ಕಾಲ ಕ್ವಾರಂಟೈನ್‌ನಲ್ಲಿಇರಿಸಿ ತಪಾಸಣೆ ನಡೆಸಲಾಗುತ್ತೆ. ಅನ್ಯಗ್ರಹ ಅಥವಾ ಅಂತರಿಕ್ಷದಿAದ ಸಂಗ್ರಹಿಸಿ ತರಲಾದ ಧೂಳು, ಕಲ್ಲುಗಳಿಗೂ ಇದೇ ಗತಿ. ಮನುಷ್ಯನ ಜ್ಞಾನ, ಕಲ್ಪನೆಗೂ ಮೀರಿದ ಸೂಕ್ಷ್ಮಾಣುಜೀವಿಗಳು ಹಾಗೂ ಇತರೆ ಅಪಾಯಗಳಿಂದ ರಕ್ಷಣೆ ಪಡೆದುಕೊಳ್ಳುವುದು ಗಗನಯಾನಿಗಳನ್ನು ಕ್ವಾರಂಟೈನ್‌ನಲ್ಲಿಡಲು ಕಾರಣ.

ಭಾರತೀಯ ಮೂಲದ ನಾಸಾ ಗಗನಯಾನಿ ಕಲ್ಪನಾ ಚಾವ್ಲಾ ಬಳಿಕ ಕೇವಲ ಭಾರತ ಮಾತ್ರವಲ್ಲದೆ ಜಗತ್ತಿನ ಕಣ್ಮಣಿಯಾಗಿದ್ದು ಗಗನಯಾನಿ ಮಹಿಳೆ ಸುನಿತಾ ವಿಲಿಯಮ್ಸ್ ಹೆಗ್ಗಳಿಕೆ. ಭಾರತೀಯ ಹೃದಯ ಸಿಂಹಾಸನಗಳಲ್ಲಿ ಸುನಿತಾ ಯಾರೂ ಏರದ ಎತ್ತರಕ್ಕೆ ಏರಲಿರುವುದರಲ್ಲಿ ಸಂಶಯವಿಲ್ಲ. ಇತಿಹಾಸ ಪುಟ ಸೇರಿರುವ ಅವರ ಸಾಹಸಗಾಥೆಯನ್ನು ಭಾರತ ಬಹುಕಾಲ ನೆನಪಿಟ್ಟುಕೊಳ್ಳಲಿದೆ. ಜಗತ್ತಿನ ಅಸಂಖ್ಯ ಮಹಿಳೆಯರಿಗೆ ಅವರು ಪ್ರೇರಣೆಯಾಗಲಿದ್ದಾರೆ.

ಇನ್ನು ಭೂಮಿಗೆ ಬಂದಿಳಿದ ಸುನಿತಾ ಅವರ ಆರೋಗ್ಯ ಸ್ಥಿತಿ ಹೇಗಿರುತ್ತೆ ಗೊತ್ತಾ..?

ಸುದೀರ್ಘ ವಿಮಾನ ಪ್ರಯಾಣದ ಬಳಿಕ ಜೆಟ್‌ಲ್ಯಾಗ್ ಉಂಟಾಗುವಂತೆಯೇ ಸುದೀರ್ಘ ಅಂತರಿಕ್ಷವಾಸದಿAದ ಸ್ಪೇಸ್ ಸಿಕ್‌ನೆಸ್ ಉಂಟಾಗುತ್ತೆ. ವಾಕರಿಕೆ, ತಲೆಸುತ್ತು, ತಲೆನೋವು ಮುಂತಾದ ಆರೋಗ್ಯ ಸಮಸ್ಯೆಗಳು ತಲೆದೋರುತ್ತವೆ. ದೈನಂದಿನ ಕೆಲಸಗಳಿಗೂ ನೆರವು ತರಬೇತಿಯನ್ನು ಅವರು ಪಡೆದುಕೊಳ್ಳುತ್ತಾರೆ.

ಇನ್ನು ಶೂನ್ಯ ಗುರುತ್ವಾಕರ್ಷಣೆ ಇರುವ ಅಂತರಿಕ್ಷದಲ್ಲಿ ಬರೋಬ್ಬರಿ 9 ತಿಂಗಳುಗಳ ಕಾಲ ಕಳೆದಿರುವ ಸುನಿತಾ ಮತ್ತು ಬುಚ್ ಅವರ ದೇಹ ಅಲ್ಲಿನ ಭಾರ ರಹಿತ ಸ್ಥಿತಿಗೆ ಒಗ್ಗಿಕೊಂಡಿರುತ್ತೆ. ಎಷ್ಟರ ಮಟ್ಟಿಗೆ ಎಂದರೆ ಭೂಮಿ ಮೇಲೆ ಒಂದು ಚಿಕ್ಕ ಪೆನ್ಸಿಲ್ ಕೈಗೆತ್ತಿಕೊಳ್ಳುವ ಪ್ರಕ್ರಿಯೆಯೂ ವೇಯ್ಟ್ ಲಿಫ್ಟಿಂಗ್‌ಗೆ ಸಮನಾಗಿರುತ್ತೆ.

ದೀರ್ಘ ಕಾಲಿಕ ಅಂತರಿಕ್ಷವಾಸದಿAದ ಸುನಿತಾ ಮತ್ತು ಬುಚ್ ಅವರ ಪಾದಗಳು ಮಗುವಿನಂತಾಗಿರುತ್ತವೆ. ಇದರಿಂದ ಭೂಮಿ ಮೇಲೆ ನಿಲ್ಲುವುದು, ನಡೆಯುವುದು, ತಿರುಗುವುದು ದೊಡ್ಡ ಸಾಹಸದ ಕೆಲಸವಾಗುತ್ತೆ.

ಫ್ರಾಕ್ಚರ್ ಅಪಾಯ
ದೀರ್ಘ ಕಾಲ ಅಂತರಿಕ್ಷದಲ್ಲಿದ್ದರೆ ಮೂಳೆಗಳ ಸಾಂದ್ರತೆ ಕಡಿಮೆಯಾಗುತ್ತೆ. ಅದರಿಂದಾಗಿ ಭೂಮಿಗೆ ಮರಳಿದ ಬಳಿಕ ಫ್ರಾಕ್ಚರ್‌ಗೆ ತುತ್ತಾಗುವ ಸಾಧ್ಯತೆ ಬಹಳವೇ ಇರುತ್ತೆ. ಅವರ ಮೂಳೆಗಳು ವೀಕ್ ಆಗಿರುತ್ತವೆ.

ವಿಕಿರಣಗಳ ಸಂಕಷ್ಟ
ಅಂತರಿಕ್ಷದಲ್ಲಿ ವಿಕಿರಣಗಳು ಹೆಚ್ಚಿನ ಪ್ರಮಾಣದಲ್ಲಿರುತ್ತೆ. ಅವುಗಳಿಂದ ರಕ್ಷಣೆ ಇರುವುದಿಲ್ಲವಾದ್ದರಿಂದ ಅವುಗಳಿಗೆ ಒಡ್ಡಿಕೊಳ್ಳುವುದರಿಂದ ಗಗನಯಾನಿಗಳು ದೀರ್ಘ ಕಾಲದಲ್ಲಿ ಕ್ಯಾನ್ಸರ್ ಮತ್ತು ಇತರೆ ಕಾಯಿಲೆಗಳಿಗೆ ಸಾಧ್ಯತೆ ಇರುತ್ತದೆ.

ತೊದಲುವ ನಾಲಗೆ
ಮಾತನಾಡುವ ಪ್ರಕ್ರಿಯೆಯಲ್ಲಿ ನಾಲಗೆಪಾತ್ರವನ್ನು ಮತ್ತೊಮ್ಮೆ ಖಚಿತಪಡಿಸಿಕೊಳ್ಳಲು ಅಂತರಿಕ್ಷಯಾನ ಮಾಡಬೇಕು. ಏಕೆಂದರೆ ಅಂತರಿಕ್ಷದ ಭಾರರಹಿತ ಪರಿಸರದಲ್ಲಿಇದ್ದ ಭೂಮಿಗೆ ಬಂದಾಗ ನಾಲಗೆ ಕೂಡಾ ಭಾರ ಎನಿಸತೊಡಗುತ್ತೆ. ಅದರಿಂದಾಗಿ ಮಾತನಾಡಲು ಗಗನಯಾನಿಗಳಿಗೆ ಕೊಂಚ ಕಾಲಾವಕಾಶ ತಗುಲುತ್ತೆ.

ಹೃದಯದ ವಿಷಯ

ಅಂತರಿಕ್ಷದ ಶೂನ್ಯ ಗುರುತ್ವದಲ್ಲಿ ಹೆಚ್ಚು ಕಾಲವಿದ್ದಾಗ ಗಗನಯಾನಿಗಳ ಹೃದಯ ಅಲ್ಲಿನ ವಾತಾವಾರಣಕ್ಕೆ ತಕ್ಕಂತೆ ತನ್ನ ಕಾರ್ಯಾಚರಣೆ ವ್ಯವಸ್ಥೆಯನ್ನು ಒಗ್ಗಿಸಿಕೊಂಡಿರುತ್ತೆ. ಭೂಮಿಯ ಪರಿಸರಕ್ಕೆ ಬಂದ ಬಳಿಕ ಮತ್ತೆ ಸಹಜ ಕಾರ್ಯಾಚರಣೆಗೆ ಮರಳುವುದು ಹೃದಯಕ್ಕೆ ದೊಡ್ಡ ಸವಾಲು.
ಇದು ಸುನಿತಾ ವಿಲಿಯಮ್ಸ್ ಅವರ ಸಾಹಸ ಕಥೆ. ಇನ್ನು ಇವರಿಗೆ ಸಿಕ್ಕ ವೇತನ ಸುಮಾರು 1 ಕೋಟಿ ಅಂತ ಕೂಡಾ ಹೇಳಲಾಗುತ್ತಿದೆ. ಅದೇನೆ ಆಗ್ಲಿ ಸುನಿತಾ ಅವರ ಸಾಧನೆ ನಮ್ಮ ಭಾರತಕ್ಕೆ ಹೆಮ್ಮೆ.