ಹುಬ್ಬಳ್ಳಿ: ಇಲ್ಲಿನ ಹಳೇಹುಬ್ಬಳ್ಳಿ ಕಾರವಾರ ರೋಡ ಬ್ರಿಜ್ ಹತ್ತಿರದ ಎಸ್.ಆರ್.ಎಸ್ ಟ್ರಾವೆಲ್ಸ್ ಹತ್ತಿರದ ಸರ್ವಿಸ್ ರಸ್ತೆಯ ಮೇಲೆ ಅನಧಿಕೃತ ಗಾಂಜಾ ಸಾಗಾಟ ಮಾಡುತ್ತಿದ್ದವರನ್ನು ಬಂಧಿಸಿ 1 ಲಕ್ಷ ರೂ ಬೆಲೆಯ 14 ಕೆ.ಜಿ ಗಾಂಜಾವನ್ನು ಪೋಲಿಸರು ವಶಪಡಿಸಿಕೊಂಡಿದ್ದಾರೆ.
ಖಚಿತ ಮಾಹಿತಿ ಮರೆಗೆ ಹು-ಧಾ ಪೋಲಿಸ್ ಆಯುಕ್ತ ಎಮ್.ಎನ್.ನಾಗರಾಜ, ಡಿ.ಸಿ.ಪಿ ರವೀಂದ್ರ ಗಡಾದ, ಬಿ.ಎಸ್.ನೇಮಗೌಡ ನೇತೃತ್ವದಲ್ಲಿ ದಾಳಿ ನಡೆಸಿ ಗಾಂಜಾ ಸಾಗಾಟ ಮಾಡುತ್ತಿದ್ದ ರೋಶನ್ ಮಿರಯಾಲಾ (24), ಸಚಿನ ಹೆಬ್ಬಳಿ (22) , ಅಜಯ ದಿಕ್ಷೀತ (25), ಕಾಳಪ್ಪ ನಗಣ್ಣವರ (26), ಮಹಬೂಬಸುಭಾನಿ ಪಾಟೀಲ (48) ಎಂಬುವರನ್ನು ಬಂಧಿಸಿ ವಿಚಾರಿಸಿದಾಗ ಆಂಧ್ರಪ್ರದೇಶದಿಂದ ತರಲಾಗಿದೆ ಎಂದು ತಿಳಿಸಿದ್ದಾರೆ.
ಈ ಕುರಿತು ದಾಳಿ ನಡೆಸಿದ ಇನ್ಸ್ಪೆಕ್ಟರ್ ಮಾರುತಿ ಗುಳ್ಳಾರಿ , ಸಿಸಿಬಿ ವಿನೋದ ಮುಕ್ತೇದಾರ, ಸಿಬ್ಬಂದಿಗಳಾದ ಪಿ.ಬಿ.ಕಾಳೆ, ಎಮ್.ಜಿ.ಹಿರೇಮಠ, ಎನ್.ಎ.ಕೆಂಚಣ್ಣವರ, ಎಚ್.ಬಿ.ನಂದೇರ, ಗುರು ಮೆಣಸಿನಕಾಯಿ, ಐ.ಎಮ್.ಕವಳಿಕಾಯಿ ಮತ್ತು ಹಳೇಹುಬ್ಬಳ್ಳಿ ಪೋಲಿಸ್ ಠಾಣೆಯ ಸಿಬ್ಬಂದಿಗಳಿಗೆ ಪೋಲಿಸ್ ಆಯುಕ್ತ ಎಮ್.ಎನ್.ನಾಗರಾಜ 10,000 ರೂ ನಗದು ಘೋಷಣೆ ಮಾಡಿದ್ದಾರೆ.
