ಶ್ರೀರಾಮಚಂದ್ರ ಕರುಣಾಚಂದಿರ ಅನುಪಮ ಗುಣನಿಥಿ ಶ್ರೀವಾರಿಧಿ |
ಅಮಿತಾನಂದ ಅಮರಾರವಿಂದ ಅಗಣಿತಗುಣಮಾನ್ಯ ಶ್ರೀಶರಧಿ ||
ದಯಾಮೂರುತಿ ಅಸದಳ ಕೀರುತಿ ನೀಲಾಂಬರಧರ ದಯಾಸಾಗರ |
ಕರುಣಾಸಿಂಧು ಹೇ ದೀನಬಂಧು ವಿಶ್ವವ ವ್ಯಾಪಿಪ ವಿಶ್ವಂಭರ || ೧ ||
ಜಾಹೀರಾತು
ಜಾಹೀರಾತು
ಜಾಹೀರಾತು
ಅಂದು ರಾವಣನ ಗರ್ವವ ಮುರಿದು ನುಡಿದೆ ವಿಭೀಷಣಗೆ ನೀತಿಯನು |
ಅಶೋಕವನದಿ ಹನುಮನೊಳುಂಗುರವಿತ್ತು ತೋರಿಪ್ರೀತಿಯ ಸೀತೆಯೊಳು ||
ರಾಜಸಭೆಯೊಳು ಮುರಿದು ಬಿಲ್ಲನು ಸಂತಸಗೊಳಿಸಿದೆ ಜನಕನನು |
ಹದಿನಾಲ್ಕು ವರುಷದ ವನವಾಸದಲಿ ಗಳಿಸಿದೆ ಮಾತಾ ಮಮತೆಯನು || ೨ ||
ಜಾಹೀರಾತು
ಭರತಗೆ ಪಾದುಕೆ ನೀಡಿದ ರಾಮ ರಘುಕುಲ ತಿಲಕ ಶ್ರೀ ಪರಮ |
ನಿರ್ಮಲ ಚಿತ್ತನು ಹನುಮನ ಮಿತ್ರನು ಪರಮಪಾವನ ಶ್ರೀರಾಮ ||
ಉತ್ತಮ ಮಹಿಮರ ಚಿತ್ತದಿ ನೆಲೆಸಿಹ ಸಕಲಗುಣಾರ್ಣವ ಘನಮಹಿಮ |
ಮನುಜರೂಪದಿ ಬಂದ ಜಾನಕಿರಮಣ ದಶರಥನಂದನ ಜಯರಾಮ || ೩ ||
