ಬಿಸಿರೋಡು ಕೊಟ್ಟಿಗೆಹಾರ ರಸ್ತೆ ಅಗಲೀಕರಣದಲ್ಲಿ ಭೂ ಮಾಲೀಕರ ತಕರಾರು: ಅರ್ಜಿ ಪರಿಶೀಲನೆ – ಕಹಳೆ ನ್ಯೂಸ್
ಬಂಟ್ವಾಳ: ರಾಷ್ಟ್ರೀಯ ಹೆದ್ದಾರಿ 73 ರ ಬಿಸಿರೋಡಿನಿಂದ ಕೊಟ್ಟಿಗೆಹಾರ 19.800 ನಿಂದ 75.709 ವರೆಗೆ ರಸ್ತೆಯನ್ನು 2 ಲೇನ್‌ಗಾಗಿ ಅಗಲಗೊಳಿಸುವ ಉದ್ದೇಶದಿಂದ ಭೂಸ್ವಾಧೀನ ಪ್ರಕ್ರಿಯೆ ಆರಂಭಗೊಂಡಿದೆ.
ಈ ಹಿನ್ನಲೆಯಲ್ಲಿ ಭೂಮಿ ಮಾಲೀಕರು ರಸ್ತೆ ಅಗಲೀಕರಣಕ್ಕೆ ತಕರಾರುಗಳಿವೆ ಎಂದು ನೀಡಿದ ದೂರು ಅರ್ಜಿಗಳ ಬಗ್ಗೆ ಪರಿಶೀಲನೆ ಕಾರ್ಯ ಬಂಟ್ವಾಳ ಪ್ರವಾಸಿ ಮಂದಿರದಲ್ಲಿ ನಡೆಯಿತು.
ರಸ್ತೆ ಅಗಲೀಕರಣದ ಬಗ್ಗೆ ದಿನ ಪತ್ರಿಕೆಯಲ್ಲಿ ವಿವರಗಳನ್ನು ಪ್ರಕಟಗೊಂಡ ಬಳಿಕ ಸಂಬಂಧಿಸಿದ ಜಮೀನು ಮಾಲಕರು ತಕರಾರು ಮಾಡಿದ್ದರಿಂದ ಬಂಟ್ವಾಳ ಪ್ರವಾಸಿ ಮಂದಿರದಲ್ಲಿ ಬೆಂಗಳೂರು ವಿಶೇಷ ಭೂ ಸ್ವಾಧೀನಧಿಕಾರಿಗಳು ಪರಿಶೀಲನೆ ನಡೆಸಿ ಅವರಿಗೆ ಸೂಕ್ತವಾದ ಮಾಹಿತಿ ನೀಡಲಾಯಿತು.
ಇನ್ನು ನೀಡದೆ ಇರುವ ತಕರಾರು ದೂರು ಅರ್ಜಿಯನ್ನು ಸ್ಥಳದಲ್ಲಿ ಪಡೆದುಕೊಂಡು ಅವರಿಗೆ ಬೇಕಾದ ಎಲ್ಲಾ ವಿಷಯಗಳ ಬಗ್ಗೆ ಮಾಹಿತಿ ನೀಡಿದರು. ಇದೇ ಸಂಧರ್ಭದಲ್ಲಿ ನಾವೂರು ಗ್ರಾಮ ಪಂಚಾಯತ್ ವ್ಯಾಪ್ತಿಯ ಸಾರ್ವಜನಿಕರು ಮನವಿ ನೀಡಿದರು.
ಸುಮಾರು 36 ಜನರ ವರ್ಗ ಸ್ಥಳವು ರಸ್ತೆಗೆ ತಾಗಿಕೊಂಡಿದೆ, ಈ ಜಮೀನಿನ ಬಗ್ಗೆ ಸರಿಯಾದ ವೈಜ್ಞಾನಿಕ ರೀತಿಯಲ್ಲಿ ಸರ್ವೆ ಕಾರ್ಯ ನಡೆಸಿ ಫಲಾನುಭವಿಗಳಿಗೆ ನ್ಯಾಯೋಚಿತ ಪರಿಹಾರ ನೀಡುವಂತೆ ತಿಳಿಸಿದ್ದಾರೆ.
