ರೈ ಎಸ್ಟೇಟ್ಸ್ ಎಜ್ಯಕೇಶನಲ್ ಚಾರಿಟೇಬಲ್ ಟ್ರಸ್ಟ್ ವತಿಯಿಂದ ಕಟ್ಟಡ ಕಾರ್ಮಿಕರಿಗೆ ಗುರುತಿನ ಚೀಟಿ ವಿತರಣೆ – ಕಹಳೆ ನ್ಯೂಸ್
ಪುತ್ತೂರು: ಉದ್ಯಮಿ ಅಶೋಕ್ ಕುಮಾರ್ ರೈ ಕೋಡಿಂಬಾಡಿಯವರ ನೇತ್ರತ್ವದ ರೈ ಎಸ್ಟೇಟ್ಸ್ ಎಜ್ಯಕೇಶನಲ್ ಚಾರಿಟೇಬಲ್ ಟ್ರಸ್ಟ್ ನ ವತಿಯಿಂದ ನಡೆಯುವ ಸಮಾಜ ಸೇವಾ ಕಾರ್ಯಗಳಲ್ಲೊಂದಾದ ಕಟ್ಟಡ ಕಾರ್ಮಿಕರಿಗೆ ಗುರುತಿನ ಚೀಟಿಯನ್ನು ವಿತರಿಸುವ ಕಾರ್ಯಕ್ರಮವು ಫೆ.2 ರಂದು ದರ್ಭೆ ಆರ್ ಇ ಬಿ ಕಂಫರ್ಟ್‍ನ ಕಛೇರಿಯಲ್ಲಿ ನಡೆಯಿತು.
ಗುರುತಿನ ಚೀಟಿ ವಿತರಿಸಿ ಮಾತನಾಡಿದ ಟ್ರಸ್ಟ್ ನ ಪ್ರವರ್ತಕ ಅಶೋಕ್ ಕುಮಾರ್ ರೈ ಕೋಡಿಂಬಾಡಿರವರು ಟ್ರಸ್ಟ್ ನ ಮುಖಾಂತತರ ಸುಮಾರು 2,733 ಮಂದಿ ಕಾರ್ಮಿಕರಿಗೆ ಈಗಾಗಲೇ ಗುರುತಿನ ಚೀಟಿ ವಿತರಿಸಲಾಗಿದೆ.
ಕಾರ್ಮಿಕರಿಗೆ ನೀಡುವ ಚೀಟಿಯನ್ನು ಪ್ರತೀ ವರ್ಷ ನವೀಕರಣ ಮಾಡಬೇಕಾಗುತ್ತದೆ. ಕಾರ್ಮಿಕರಿಗೆ ನೇರವಾಗಿ ಮಾಡುವುದು ಕಷ್ಟದ ಕೆಲಸ. ಅದಕ್ಕಾಗಿ ಟ್ರಸ್ಟ್ ನ ಮುಖಾಂತರ ಉಚಿತವಾಗಿ ಮಾಡಿಕೊಡಲಾಗುವುದು.
ಕಾರ್ಮಿಕರು ಕಾರ್ಡ್ ಅವದಿ ಮುಗಿದ ಕೂಡಲೇ ತಮ್ಮ ಮಾಹಿತಿ ಹಾಗೂ ಕಾರ್ಡನ್ನು ಕಛೇರಿಗೆ ತಂದು ಕೊಟ್ಟಲ್ಲಿ ಉಚಿತವಾಗಿ ನವೀಕರಣ ಮಾಡಿಕೊಡಲಾಗುವುದು.
ಈ ಕಾರ್ಡ್‍ನ ಮೂಲಕ ಕಾರ್ಮಿಕರ ಮಕ್ಕಳಿಗೆ ವಿದ್ಯಾರ್ಥಿ ವೇತನ, ವಿವಾಹ ಸಹಾಯಧನ, ಹೆರಿಗೆಗೆ ಧನ ಸಹಾಯ ಸೇರಿದಂತೆ ಹಲವು ಸೌಲಭ್ಯಗಳನ್ನು ಪಡೆದುಕೊಳ್ಳಲು ಸಹಕಾರಿಯಾಗಲಿದ್ದು,ಸರಕಾರದಿಂದ ಕಟ್ಟಡ ಕಾರ್ಮಿಕರಿಗಾಗಿಯೇ ನೀಡುವ ಸವಲತ್ತುಗಳನ್ನು ಸಮರ್ಪಕವಾಗಿ ಬಳಸಿಕೊಳ್ಳಬೇಕು ಎಂದರು.
ಸುಮಾರು 30 ಮಂದಿ ಕಾರ್ಮಿಕರಿಗೆ ಕಾರ್ಡ್ ವಿತರಿಸಲಾಯಿತು. ಟ್ರಸ್ಟ್ ನ ಸಿಬ್ಬಂದಿಗಳಾದ ಭಾರತಿ ಕಜೆಕ್ಕಾರು ಸ್ವಾಗತಿಸಿ, ಸ್ವಾತಿ ಪಾಂಗ್ಲಾಯಿ ವಂದಿಸಿದರು.
