ಬೆಂಗಳೂರು: ನಟ ಯಶ್ ನಿನ್ನೆಯಷ್ಟೇ ಯೋಗರಾಜ್ ಭಟ್ ನಿರ್ದೇಶನದ ‘ಪಂಚತಂತ್ರ’ ಸಿನಿಮಾ ಟ್ರೇಲರ್ ಲಾಂಚ್ ಮಾಡಿದರು. ಈ ಲಾಂಚ್ ಬಳಿ ಮಾತನಾಡಿರುವ ನಟ ಯಶ್ ಮತ್ತೊಮ್ಮೆ ಯೋಗರಾಜ್ ಭಟ್ ಅವರ ಜೊತೆ ಸಿನಿಮಾ ಮಾಡುವ ಇಂಗಿತವನ್ನು ಹೊರ ಹಾಕಿದ್ದಾರೆ.
ಮತ್ತೆ ಗೊಂಬೆಯಾಡಿಸ್ತಾರ ಯಶ್ – ಭಟ್.?
ನ್ಯಾಷಿನಲ್ ಸ್ಟಾರ್ ಅಂತಾನೇ ಹೆಸರು ಪಡೆದ ನಟ ರಾಕಿಂಗ್ ಸ್ಟಾರ್ ಯಶ್. ‘ಕೆಜಿಎಫ್’ ಸಿನಿಮಾ ಬಂದ ಮೇಲಂತೂ ಈ ನಟನ ಇಮೇಜ್ ಇಂಟರ್ ನ್ಯಾಷಿನಲ್ ಲೆವೆಲ್ ನಲ್ಲಿ ಹೋಗಿದೆ. ಸದ್ಯ ಈ ನಟ ಇದೀಗ ಕೆಜಿಎಫ್ 2 ನಲ್ಲಿ ಬ್ಯುಸಿಯಾಗಲಿದ್ದಾರೆ. ಇದರ ನಡುವೆ ಯೋಗರಾಜ್ ಭಟ್ ಜೊತೆ ಸಿನಿಮಾ ಮಾಡುತ್ತಾರಂತೆ.
ಒಳ್ಳೆಯ ಸ್ಕ್ರಿಟ್ ಬಂದರೆ ಸಿನಿಮಾ ಪಕ್ಕಾ
ಹೌದು, ಯೋಗರಾಜ್ ಭಟ್ ಹಾಗೂ ಯಶ್ ಕಾಂಬಿನೇಷನ್ ಸಿನಿಮಾ ಡ್ರಾಮ ಈಗಾಗಲೇ ಸಕ್ಕತ್ ಸೌಂಡ್ ಮಾಡಿದ ಸಿನಿಮಾ. ವಿಭಿನ್ನ ಕಥೆ ಹಾಡುಗಳು, ಅಂಬಿಯ ವಿಭಿನ್ನ ಪಾತ್ರ ಹೀಗೆ ಎಲ್ಲವೂ ಈ ಸಿನಿಮಾದ ವೀಶೇಷತೆಗಳು.
ಇದಾದ ನಂತರ ಈ ಇಬ್ಬರ ಕಾಂಬಿನೇಷನ್ ಸಿನಿಮಾಗಳು ಬಂದೇ ಇಲ್ಲ. ಇದೀಗ ಅಭಿಮಾನಿಗಳು ಕೂಡ ಕಾಯ್ತಾ ಇರೋದುಂಟು. ಹಾಗಾಗಿ ನಟ ಯಶ್ ಕೂಡ ಒಳ್ಳೆಯ ಕಥೆ ಬಂದರೆ ಖಂಡಿತ ನಮ್ಮ ಕಾಂಬಿನೇಷನ್ ಸಿನಿಮಾ ಬರಲಿದೆ ಎಂದಿದ್ದಾರೆ.
