ಪುತ್ತೂರು: ಇಲ್ಲಿನ ವಿವೇಕಾನಂದ ಕಾಲೇಜು ಆವರಣದಲ್ಲಿರುವ ನಿವೇದಿತಾ ಶಿಶುಮಂದಿರದಲ್ಲಿ ಸಾಮೂಹಿಕ ಹುಟ್ಟುಹಬ್ಬ ಕಾರ್ಯಕ್ರಮ ಆಚರಿಸಲಾಯಿತು. ಮುಖ್ಯ ಅತಿಥಿಯಾಗಿ ಆಗಮಿಸಿದ ಶರವತಿ ರವಿನಾರಾಯಣ ಇವರು ದೀಪ ಬೆಳಗಿಸಿ ಕಾರ್ಯಕ್ರಮ ಉದ್ಘಾಟಿಸಿ ಮಕ್ಕಳಿಗೆ ಚಿಕ್ಕಂದಿನಲ್ಲಿಯೇ ಸಂಸ್ಕಾರವನ್ನು ನೀಡಿದಾಗ ಮುಂದೆಅವರು ಸಮಾಜದಲ್ಲಿ ಉತ್ತಮ ವ್ಯಕ್ತಿಯಾಗಲು ಸಾಧ್ಯ. ಮಕ್ಕಳಲ್ಲಿ ದೇಶಪ್ರೇಮವನ್ನು ಬೆಳಗಿಸಬೇಕು. ಚುನಾವಣೆಯ ಮಹತ್ತವವನ್ನು ಈಗಿನಿಂದಲೇ ಮಕ್ಕಳಲ್ಲಿ ಬೆಳೆಸಬೇಕು ಎಂದರು.
ಸಾಮೂಹಿಕ ಹುಟ್ಟುಹಬ್ಬ ಆಚರಣೆಯ ಅಂಗವಾಗಿ ಮಕ್ಕಳಿಗೆ ಪೋಷಕರು ತಿಲಕವಿರಿಸಿ ಅಕ್ಷತೆ ಹಾಕಿ ಆರತಿ ಬೆಳಗಿ ಸಿಹಿ ತಿನಿಸಿದರು. ನಂತರ ನೂತನವಾದ ಪಾದ ಪ್ರಜಾ ಕಾರ್ಯಕ್ರಮ ಜರುಗಿತು.
ಪುಟಾಣಿಗಳು ಪೋಷಕರ ಪಾದವನ್ನು ಪೂಜಿಸಿದರು. ನಚಿತರ ಭಾರತ ಮಾತ ಪೂಜನ ಕಾರ್ಯಕ್ರಮ ನಡೆಯಿತು. ಭಾರತ ಮಾತೆಯ ಭಾವಚಿತ್ರಕ್ಕೆ ಮಕ್ಕಳು ದೀಪ ಬೆಳಗಿಸಿದರು.
ಶಿಶುಮಂದಿರದ ಅಧ್ಯಕ್ಷ ರಘುನಾಥ ಬಿ ಇವರು ಸ್ವಾಗತ ಪರಿಚಯ ಕಾರ್ಯಕ್ರಮ ನಡೆಸಿಕೊಟ್ಟರು. ಶಿಶುಮಂದಿರದ ಕಾರ್ಯದರ್ಶಿ ಶ್ರೀಧರ್ ಕುಂಜಾರು ಕಾರ್ಯಕ್ರಮದಲ್ಲಿ ವಂದಿಸಿದರು. ಶಾಂತಿಮಂತ್ರದೊಂದಿಗೆ ಸಭಾಕಾರ್ಯಕ್ರಮ ಮುಕ್ತಾಯವಾಯಿತು.
ಭಾರತಿ ಶಶಿಧರ್, ಲಕ್ಷಿ್ಮೀ ವಿ ಜಿ ಭಟ್ ಇವರು ಕಾರ್ಯಕ್ರಮ ನಿರೂಪಿಸಿದರು. ಸಭಾಕಾರ್ಯಕ್ರಮದಲ್ಲಿ ಮೊದಲಿಗೆ ಪುಟಾಣಿಗಳಿಂದ ಪ್ರಾರ್ಥನೆ ನಡೆಯಿತು.ಮಕ್ಕಳು ಸುಭಾಷಿತ, ಏಕಾತ್ಮಕ ಶ್ಲೋಕ ಹೇಳಿದರು.
