ಅನಂತಮಹಿಮ ಜನಾರ್ದನ|
ವಿಷ್ಣುಮೂರ್ತಿಯ ಪ್ರಿಯವದನ||
ಮೋಹನ ನಿವನು ಅನಂತಶಯನ|
ಕಾಮಿತ ಫಲವೀವ ಹರಿಚರಣ||೧||
ಸರಸಿಜನಿವನು ಶ್ರೀ ಕಾಂತ|
ಈ ಧರೆಗಿಳಿದಿಹ ಭಗವಂತ|
ಕಮಲಜನಾಭ ಪರಮ ಪವಿತ್ರ |
ಆಲಯದೊಳಗೆ ನೆಲೆನಿಂತ ||೨||
ಜಾಹೀರಾತು
ಜಾಹೀರಾತು
ಜಾಹೀರಾತು
ದೇಗುಲವಿರುತಿಹ ನೆಲೆಯಲ್ಲಿ|
ಸೇರಿಹೋಗಿದೆ ಇತಿಹಾಸದಲಿ||
ಮಂಗಳ ಮಂಜುಳ ನಾದದಲಿ|
ಸುಲಲಿತ ಸುಮನಸ ನಂದನವಿಲ್ಲಿ||೩||
ಜಾಹೀರಾತು
ಜಾಹೀರಾತು
ಜಾಹೀರಾತು
ತುಳಸೀ ದಳವ ಅರ್ಪಿಸೆ ನಿನಗೆ|
ಕಷ್ಟಗಳೆಲ್ಲವು ಅತಿದೂರ||
ತುಳಸೀ ಹಾರದ ಹೂವಿನ ಸೇವೆಗೆ|
ಸಕಲ ಪಾಪದ ಪರಿಹಾರ||೪||
ಪಂಚಭಕ್ಷ್ಯಗಳ ಕೊಟ್ಟರು ಬೇಡ|
ಹಿಡಿ ಅವಲಕ್ಕಿಯೆ ಸಾಕೆಂದ||
ಹಾಲುಪಾಯಸದ ಸವಿಯು ಕೂಡ|
ಶ್ರೀ ವಾಸುದೇವ ಗೋವಿಂದ|೫||
ನಿರ್ಮಲ ಜಲವಿಹ ಕೆರೆಯಿಹುದು|
ಉಜ್ವಲ ಸೊಬಗಿನ ತೊರೆಯಹುದು||
ಶೈಲಿ ಪುರಾತನ ಅನಿಸುವುದು|
ಶ್ರೀ ಹರಿವಾರಿಧಿ ಪೂಜಿತವಹುದು||೬||
ಪುಣ್ಯ ಜಲವಿದೂ ತಿಳಿಗೊಳದಾ|
ತಿಳಿಗೊಳಿಸು ತಲಿದೆ ಶುಭಮನದಾ||
ಸತ್ಯಧರ್ಮಗಳು ನಲಿನಲಿದಾಡಿ|
ಶ್ರೀ ಹರಿಕ್ಷೇತ್ರವೆ ಈ ಜಗದಿ||೭||
