ಕಲ್ಮಕಾರು: ಹೊಸ ಯೋಜನೆ ಡಿಜಿಟಲ್ ಇಂಡಿಯಾ ಅಂತ ಬಿಎಸ್‌ಎನ್‌ಎಲ್ ಹೇಳಿಕೊಳ್ಳುತ್ತಿದೆ. ಆದರೆ ಸುಳ್ಯ ತಾಲೂಕು ಕಲ್ಮಕಾರು ಎಂಬಲ್ಲಿ ನೆಟ್ವರ್ಕ್ ಸೇವೆಗೆ ಜನಸಾಮಾನ್ಯರು ಪರದಾಡುವಂತಾಗಿದೆ. ಈ ಪ್ರದೇಶದಲ್ಲಿ ಕರೆಂಟ್ ಹೋದರೆ ನೆಟ್ವರ್ಕ್ ಕೂಡ ಸಿಗೋದಿಲ್ಲ.
ಈ ಊರಿನಲ್ಲಿ ಒಬ್ಬರು ನಿಧನ ಹೊಂದಿದರು ಸಾವಿನ ವಾರ್ತೆಯನ್ನು ಸಂಬಂಧ ಪಟ್ಟವರಿಗೆ ತಿಳಿಸಲಾಗದೆ ಪರದಾಡಿದ್ದಾರೆ. ನಂತರ ಬಿಎಸ್‌ಎನ್‌ಎಲ್ ಕಚೇರಿಗೆ ಡೀಸಿಲ್ ನೀಡಿ ಜನರೇಟರ್ ಚಾಲು ಮಾಡಿ. ಸಂಬಂಧ ಪಟ್ಟವರಿಗೆ ತಿಳಿಸಿದ ಘಟನೆ ನಡೆದಿದೆ. ಈ ಘಟನೆಯಿಂದಾಗಿ ಹರಿಹರ ಹಾಗು ಕಲ್ಮಕಾರು ಭಾಗದ ಜನರು ಆಕ್ರೋಶಗೊಂಡಿದ್ದಾರೆ.
ಸಂಬಂಧಪಟ್ಟ ಬಿಎಸ್‌ಎನ್‌ಎಲ್ ಅಧಿಕಾರಿಗಳು ಜನಸಾಮಾನ್ಯರ ಜೀವನದ ಜೊತೆಗೆ ಚೆಲ್ಲಾಟ ಆಡುತಿದ್ದರೆ ಎಂದು ಸಾರ್ವಜನಿಕರು ಆಡಿಕೊಳ್ಳುತ್ತಿದ್ದಾರೆ. ಈ ಭಾಗದ ಸಮಸ್ಯೆ ಬಗ್ಗೆ ಈ ಗ್ರಾಮದ ಜನರು ಹೋರಾಟ ಮಾಡಿದರು ಸುಳ್ಯ ತಹಶೀಲ್ದಾರರು ಭರವಸೆ ನೀಡಿದರು ಆದರೂ ಏನೂ ಪ್ರಯೋಜನ ಆಗಿಲ್ಲ. ಈ ಕುರಿತು ನಿರ್ಲಕ್ಷ ತೋರಿದ ಬಿಎಸ್‌ಎನ್‌ಎಲ್ ಅಧಿಕಾರಿಗಳ ವಿರುದ್ಧ ಶಿಸ್ತಿನ ಕ್ರಮ ಜರಗಿಸಬೇಕು ಎಂದು ಗ್ರಾಮಸ್ಥರು ಆಗ್ರಹಿಸುತಿದ್ದಾರೆ.
