ತಾಯೆ ಬಾರೆ ಮೊಗವ ತೋರೆ ಭವ್ಯ ಭಾರತಿ|
ಇಡಿಯ ಜಗಕೆ ವಿಶ್ವ ಗುರುವು ದಿವ್ಯ ಸಂಸ್ಕೃತಿ||
ಜಾತಿ ಮತದ ಭೇಧಭಾವ ಇರದ ಮಾತೆಯೆ|
ಮಕ್ಕಳೆಲ್ಲ ಸರಿಸಮಾನ ಅದೆಂಥ ಮಮತೆಯೆ||
ಜಾಹೀರಾತು
ಜಾಹೀರಾತು
ಜಾಹೀರಾತು
ಸಪ್ತಸಾಗರದೊಡತಿ ನೀನು ಸುಪ್ತ ಜಗದೊಳು|
ಸಪ್ತಮಾತೃಕೆಯಂತೆ ಇಹರು ಗುಪ್ತಗಾಮಿನಿಯರು||
ಅಂಗವಂಗ ನಂದ ಕದಂಬ ಚಾಲುಕ್ಯರಧಿಪತಿ|
ಸೂರ್ಯವಂಶ ಚಂದ್ರ ವಂಶಕೆ ಕಲಶಕೀರುತಿ||
ಜಾಹೀರಾತು
ಜಾಹೀರಾತು
ಜಾಹೀರಾತು
ಕಂಗು ತೆಂಗು ತಾಳೆ ಬಾಳೆ ಮರುಗ ಮಲ್ಲಗೆ|
ಅತ್ತಿ ಇತ್ತಿ ಬಿಲ್ಪ ಪತ್ರೆ ಕೃಷ್ಣ ತುಳಸಿ ಸಂಪಿಗೆ||
ತಿಳಿಗೊಳದಾ ಪಾತ್ರೆ ನಡುವೆ ತುಂಬಿ ತುಳುಕಿ ನೈದಿಲೆ|
ಬಳುಕು ಬಳ್ಳಿಯಂತ ಕುವರಿ ನೀನು ಕೋಮಲೆ||
ನಾಗನನ್ನು ದೇವರೆಂದ ಸತ್ಯಧರ್ಮ ನೀತಿಯು|
ಕುವರಿಯನ್ನು ದೇವಿಯೆಂದ ಜಗದ ಒಡತಿಯು||
ಧರ್ಮದಲ್ಲಿ ತೂಗುತಿಹೆ ನೀ ಜಗದ ತೊಟ್ಟಿಲು|
ಮುಷ್ಠಿ ಅನ್ನ ಉಣ್ಣುವಂತ ಹೊನ್ನ ಬಟ್ಟಲು||
ಸಾಹಿತಿಗಳ ಒಡಲೊಳಿಟ್ಟ ಕಾವ್ಯಕನ್ನಿಕೆ|
ನಾಟ್ಯರಾಣಿ ಶಾಂತಲೆಯ ಚೈತ್ರ ಚಂದ್ರಿಕೆ||
ಮೂಗನಾದ ಕಾಳಿದಾಸಗೆ ಸಂಗೀತ ಕಲಿಸಿದೆ|
ಆ ಕುಮಾರ ವ್ಯಾಸನಿಂದ ಕಾವ್ಯ ಬರೆಸಿದೆ||
