ಯಶ್- ರಾಧಿಕಾ ಸ್ಯಾಂಡಲ್‍ವುಡ್‍ನಲ್ಲಿ ‘ರಾಕಿಂಗ್ ಜೋಡಿ’ ಅಂತಲೇ ಫೇಮಸ್. ಇಬ್ಬರದ್ದೂ ಅಪರೂಪದ ಜೋಡಿ. ಅದೆಷ್ಟೋ ಜೋಡಿಗಳಿಗೆ ಇಬ್ಬರೂ ಮಾದರಿಯಾಗಿದ್ದಾರೆ. ದಶಕದ ಲವ್‍ಸ್ಟೋರಿ ಬಳಿಕ ಯಶ್-ರಾಧಿಕಾ ವಿವಾಹವಾಗಿದ್ದರು. ಇದೀಗ ಮುದ್ದಾದ ಮಗುವಿನ ತಂದೆ-ತಾಯಿ ಆಗಿದ್ದಾರೆ. ‘ರಾಕಿಂಗ್ ಜೋಡಿ’ಗೆ ಮಗುವಾಗಿ ಆರು ತಿಂಗಳಾಗಿದೆ. ಆದರೆ ಯಶ್ ಮಗಳು ಹೇಗಿದ್ದಾಳೆ..? ಎಂಬ ಕುತೂಹಲಕ್ಕೆ ಮಾತ್ರ ಉತ್ತರ ಸಿಕ್ಕಿರಲಿಲ್ಲ. ಇದೀಗ ಅಕ್ಷಯ ತೃತೀಯದ ಸಂಭ್ರಮದಲ್ಲಿ ಯಶ್- ರಾಧಿಕಾ ಮಗಳ ಫೋಟೊ ರಿವೀಲ್ ಮಾಡೋಕೆ ಮುಂದಾಗಿದ್ದಾರೆ.
ಇನ್‍ಸ್ಟಾಗ್ರಾಂನಲ್ಲಿ ತಂದೆ- ಮಗಳು..!
ಮುದ್ದಿನ ಮಗಳ ಫೋಟೊನ ರಿವೀಲ್ ಮಾಡುವ ಕುರಿತು ರಾಧಿಕಾ ಇನ್‍ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ‘ಅಪ್ಪ- ಮಗಳ ಸಂಬಂಧ ಬೆಲೆ ಕಟ್ಟಲಾಗದ್ದು. ನಮ್ಮ ಮುದ್ದಿನ ಮಗಳನ್ನು ನೋಡೋಕೆ.. ನೀವೆಲ್ಲರೂ ಕಾತುರದಲ್ಲೀದ್ದೀರಾ.. ನಿಮ್ಮ ಆಸೆಗೆ ನಾವು ನಿರಾಶೆ ಮಾಡುವುದಿಲ್ಲ. ಇದೇ ಮೇ 7ರ ಅಕ್ಷಯ ತೃತೀಯದಂದು ಮಗಳ ಫೋಟೊ ರಿವೀಲ್ ಮಾಡ್ತೀವಿ’ ಅಂತಾ ಬರೆದುಕೊಂಡಿದ್ದಾರೆ. ಈ ಸಂಬಂಧ ಮೊದಲೇ ಯಶ್- ರಾಧಿಕಾ ಮಾತನಾಡಿದ್ದರು. ಮಗಳನ್ನು ಪರಿಚಯಿಸಲು ವಿಭಿನ್ನ ಐಡಿಯಾವನ್ನೂ ನಡೆಸಿದ್ದು, ಯಶ್ ಪುತ್ರಿ ನೋಡೋಕೆ ಅಭಿಮಾನಿಗಳೂ ಕಾತುರದಿಂದಿದ್ದಾರೆ. ಜೊತೆಗೆ ಮಗುವಿನ ಹೆಸರಿನ ಕುರಿತು ದೊಡ್ಡ ಚರ್ಚೆಯಾಗುತ್ತಿದೆ. ಅಂದೇ ಹೆಸರನ್ನು ಸಹ ರಿವೀಲ್ ಮಾಡಲಿದ್ದಾರಾ..? ಎಂಬ ಕುತೂಹಲವೂ ಇದೆ.
