ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಬಹುಭಾಷಾ ನಟ ಎಂಬುದು ನಮಗೆ ಗೊತ್ತೇ ಇದೆ. ಹಾಗೂ ಸುದೀಪ್‍ಗೆ ಬಾಲಿವುಡ್ ಏನೂ ಹೊಸದೇನಲ್ಲ. ಪೈಲ್ವಾನ್, ಕೋಟಿಗೊಬ್ಬ 3 ಶೂಟಿಂಗ್ ನಂತರ ಸುದೀಪ್ ಬಾಲಿವುಡ್ ಬ್ಯಾಡ್ ಬಾಯ್ ಸಲ್ಮಾನ್ ಖಾನ್ ನಟನೆಯ ‘ದಬಾಂಗ್ 3’ ಚಿತ್ರೀಕರಣಕ್ಕೆ ಹಾಜರಾಗಿದ್ದರು. ಸುದೀಪ್ ಇಲ್ಲಿ ಸಲ್ಮಾನ್‍ಗೆ ವಿಲನ್ ಆಗಿ ಅಭಿನಯಿಸುತ್ತಿದ್ದಾರೆ.
ಮೊನ್ನೆ ತಾನೆ ದಬಾಂಗ್ ಸೆಟ್‍ನಿಂದ ಸಲ್ಲು ಜೊತೆ ಫೊಟೋ ಒಂದಕ್ಕೆ ಫೋಸ್ ನೀಡಿ ಅಭಿಮಾನಿಗಳ ಸಂತಸಕ್ಕೆ ಕಾರಣವಾಗಿದ್ದರು ಸುದೀಪ್. ಆದರೆ ಇದೀಗ ಅದೇ ‘ದಬಾಂಗ್ 3’ ಸೆಟ್‍ನಲ್ಲಿ ಸಲ್ಲು ಜೊತೆ ಕನ್ನಡದ ನಿರ್ದೇಶಕ ಪ್ರೇಮ್ ನಿಂತುಕೊಂಡ ಫೊಟೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಪ್ರೇಮ್ ಹಂಚಿಕೊಂಡಿದ್ದರು ತನ್ನ ಆತ್ಮೀಯ ಸುದೀಪ್‍ರ ದಬಾಂಗ್ ಸೆಟ್‍ನಲ್ಲಿ ಸಲ್ಮಾನ್ ಭೇಟಿಯಾಗಿರುವ ಖುಷಿಯನ್ನು ಉಲ್ಲೇಖ ಮಾಡಿದ್ದರು. ಆದರೆ ಯಾವ ಕಾರಣಕ್ಕಾಗಿ ಪ್ರೇಮ್ ಸಲ್ಮಾನ್ ಅನ್ನು ಭೇಟಿ ಮಾಡಿದ್ದಾರೆಂದು ತಿಳಿದು ಬಂದಿಲ್ಲ.
ಕೆಲವರು ಪ್ರೇಮ್ ಮಹತ್ವಾಕಾಂಕ್ಷಿ, ಭಾರತದ ಹೈ ಬಜೆಟ್ ಚಿತ್ರ ಎಂದೆಲ್ಲಾ ಹೇಳಿಕೊಂಡಿರುವ ಇನ್ನೂ ಹೆಸರಿಡದ ಆರು ಜನ ಹೀರೋಗಳ ಸಿನೆಮಾಗಾಗಿ ಸಲ್ಮಾನ್ ಅನ್ನು ಭೇಟಿಯಾಗಿದ್ದಾರೆ ಎನ್ನಲಾಗಿದೆ. ಆದರೆ ಪ್ರೇಮ್ ಅಧಿಕೃತವಾಗಿ ಹೇಳುವ ನೊದಲು ಯಾವುದನ್ನೂ ಅಂತಿಮಗೊಳಿಸಲು ಆಗಲ್ಲ ಎಂಬುದು ಸತ್ಯ.
