“ಅಮ್ಮ” ಈ ಶಬ್ಧ ಬರಿ ಬಾಯಿಮಾತಿಗಲ್ಲ. ಕೇಳಿದರೆ ಅತ್ಯಂತ ಹೆಚ್ಚು ಖುಷಿ ಕೊಡುವ, ಮುದ ನೀಡುವ, ಅತೀ ಸಂತೋಷಕಾರಿಯಾದ, ವರ್ಣಿಸಲಾಗದಂತಹ ಪದವೆಂದರೆ ತಪ್ಪಾಗಲಾರದು. ಸಮಾಜದಲ್ಲಿ ಯಾರನ್ನು ಹೆಚ್ಚು ಪ್ರೀತಿಸುತ್ತೀರಿ ಎಂದು ಕೇಳಿದರೆ ಎಲ್ಲರೂ ಸಾಮಾನ್ಯವಾಗಿ ಅಮ್ಮ ಅಂತಾನೆ ಹೇಳುತ್ತಾರೆ. ಇದು ಸಹಜ ಕೂಡ. ಅಮ್ಮ ತನಗೆ ಎಷ್ಟು ಮಕ್ಕಳಿದ್ದರೂ ಕೂಡ ಅವರನ್ನು ಸಮಾನವಾಗಿ ನೋಡುತ್ತಾಳೆ.
ಮಕ್ಕಳಿಗೆ ಒಳ್ಳೆ ಸಂಸ್ಕಾರ ಒಳ್ಳೆಯ ವಿಚಾರಗಳನ್ನು ತಿಳಿಸುವಲ್ಲಿ ತಾಯಿಯ ಪಾತ್ರ ಮಹತ್ವದ್ದಾಗಿರುತ್ತದೆ. ಅದು ಅವಳ ಕರ್ತವ್ಯವು ಕೂಡ.ಮಗು ತಪ್ಪು ಮಾಡಿದರೆ ತಾಯಿ ಅದನ್ನು ಅರಿತು ತಿದ್ದಿ ಬುದ್ದಿ ಹೇಳಿ ಸರಿದಾರಿಯಲ್ಲಿ ನಡೆಸಿದರೆ ಅವನ/ಅವಳ ಮುಂದಿನ ಜೀವನವು ಸುಗಮವಾಗುತ್ತದೆ.
ಪ್ರತಿಯೊಬ್ಬ ವ್ಯಕ್ತಿಯ ಮೇಲು ಅತ್ಯಂತ ಪ್ರಭಾವ ಬಿರುತ್ತಾಳೆ. “ತಾಯಿಯು ಕಣ್ಣಿಗೆ ಕಾಣುವ ದೇವರು”. ಯಾವತ್ತೂ ಅವಳು ತನ್ನ ಬಗ್ಗೆ ಯೋಚಿಸದೆ ತನ್ನ ಕುಟುಂಬದ ಏಳಿಗೆಗಾಗಿ ಸದಾ ಹಂಬಲಿಸುತ್ತಿರುತ್ತಾಳೆ ಮತ್ತು ತನ್ನ ನೋವು-ಕಷ್ಟಗಳನ್ನು ಯಾರೊಂದಿಗೂ ಹಂಚಿ ಕೊಳ್ಳದೆ ಎಲ್ಲರೊಂದಿಗೂ ಬೆರೆಯುತ್ತಾ ಸದಾ ಮಂದಹಾಸ ಬಿರುತ್ತಾಳೆ.
ಸಾಮಾನ್ಯವಾಗಿ ಅಮ್ಮ ಎನ್ನುವ ಪದ ಇನ್ನೊಬ್ಬ ವ್ಯಕ್ತಿಯ ಮೇಲೆ ಬಳಸಲು ಕಷ್ಟವಾಗುತ್ತದೆ. ಯಾಕೆಂದರೆ ತಾಯಿಯ ಸ್ಥಾನವನ್ನು ಬೇರೆಯವರು ತುಂಬುವುದು ಅತೀ ವಿರಳ ಅಂತಾನೆ ಹೇಳಬಹುದು. ಒಬ್ಬ ಒಳ್ಳೆ ತಾಯಿ ಮಾತ್ರ ದೇಶಕ್ಕೆ ಒಳ್ಳೆ ಪ್ರಜೆಯನ್ನು ಕೊಡಲು ಸಾಧ್ಯ. ತನ್ನ ಮಕ್ಕಳಿಗೋಸ್ಕರ ಏನನ್ನು ತ್ಯಾಗಮಾಡಲು ಸಿದ್ಧಳಿರುತ್ತಾಳೆ. ಎಲ್ಲ ಮಾತೆಯರಿಗೂ ಅಮ್ಮಂದಿರ ದಿನದ ಶುಭಾಶಯಗಳು…
ಕ್ಷಮಾ ಪಿ ರೈ
