ಗುಜರಾತ್: ಪಾಕಿಸ್ತಾನದ ಮೀನುಗಾರಿಕೆಯ ಅಲ್-ಮದೀನ ಬೋಟ್ನ ಭಾರತೀಯ ಕೋಸ್ಟ್ ಗಾರ್ಡ್ ಗುಜರಾತ್ನ ಜಾಖಾ ಕೋಸ್ಟ್ ಬಳಿ ವಶಕ್ಕೆ ಪಡೆದಿದೆ. ಬೋಟ್ನಲ್ಲಿ ಅಕ್ರಮವಾಗಿ 194 ಪ್ಯಾಕೆಟ್ ಡ್ರಗ್ ಮಾದರಿಯ ನಾರ್ಕೋಟಿಗ್ ವಸ್ತುವನ್ನು ಸಾಗಿಸಲಾಗುತ್ತಿತ್ತು. ಅಲ್ಲದೇ 26/11/2008 ರ ಮುಂಬೈ ಮಾದರಿ ದಾಳಿಯಲ್ಲಿ ಕಸಬ್ ಅಂಡ್ ಗ್ಯಾಂಗ್ ರೀತಿ ಮತ್ತೆ ಉಗ್ರರೇನಾದರೂ ಬರ್ತಿರಬಹುದಾ? ಅನ್ನೋ ಆತಂಕಕ್ಕೂ ಈ ಬೋಟ್ ಕಾರಣವಾಗಿತ್ತು.
ಈ ಹಿನ್ನೆಲೆಯಲ್ಲಿ ತತ್ತಕ್ಷಣ ಕಾರ್ಯಪ್ರವೃತ್ತರಾದ ಭಾರತೀಯ ಕಡಲು ಗಡಿ ರಕ್ಷಣಾ ಪಡೆ ಯೋಧರು ಈ ಬೋಟನ್ನು ವಶಕ್ಕೆ ಪಡೆದಿದ್ದಾರೆ. ಅಲ್ಲದೇ, ಸದ್ಯ ನಾರ್ಕೋಟಿಕ್ ಪ್ಯಾಕೆಟ್ಗಳನ್ನು ವಶಕ್ಕೆ ಪಡೆಯಲಾಗಿದ್ದು, ಜೊತೆಗೆ ಬೋಟ್ನಲ್ಲಿದ್ದ 6 ಜನರನ್ನು ಬಂಧಿಸಲಾಗಿದೆ. ಈ ಬಗ್ಗೆ ಭಾರತೀಯ ಕೋಸ್ಟ್ ಗಾರ್ಡ್ ಈ ಬಗ್ಗೆ ಟ್ವಿಟರ್ನಲ್ಲಿ ಮಾಹಿತಿ ನೀಡಿದೆ. ಸದ್ಯ ಪ್ರಕರಣದ ತನಿಖೆ ನಡೆಸಲಾಗುತ್ತಿದ್ದು, ಹೆಚ್ಚಿನ ಮಾಹಿತಿ ಸದ್ಯದಲ್ಲೇ ಹೊರ ಬೀಳಲಿದೆ.
ಇದೀಗ ಬಂದಿರುವ ಮಾಹಿತಿ ಪ್ರಕಾರ, ವಶಕ್ಕೆ ಪಡೆಯಲಾಗಿದ್ದ ಬೋಟ್ನಲ್ಲಿ 100 ಕೆಜಿಯಷ್ಟು ಹೆರಾಯಿನ್ ಸಾಗಿಸಲಾಗುತ್ತಿತಂತೆ. ಸದ್ಯ ಅಧಿಕಾರಿಗಳು ಅಷ್ಟೂ ಮಾದಕ ವಸ್ತುವನ್ನು ವಶಕ್ಕೆ ಪಡೆದಿದ್ದಾರೆ.
