ಪ್ರಸಕ್ತ ರಾಜಕೀಯ ಸ್ಥಿತಿ ಬಗ್ಗೆ ಹಾಗೂ ಬಿಜೆಪಿ ಅಭೂತಪೂರ್ವ ಗೆಲುವಿನ ಹಿನ್ನೆಲೆ ನವರಸ ನಾಯಕ ಜಗ್ಗೇಶ್ ಇಂದು ಮಾಜಿ ಸಿಎಂ ಹಾಗೂ ರಾಜ್ಯ ಬಿಜೆಪಿ ಅಧ್ಯಕ್ಷ ಬಿಎಸ್ ಯಡಿಯೂರಪ್ಪ ಅವರನ್ನು ಭೇಟಿ ಮಾಡಿದ್ದಾರೆ. ನಂತರ ಮಾತನಾಡಿದ ಅವರು, ವಾಡಿಕೆಯಂತೆ ರಾಷ್ಟ್ರದ ಚುನಾವಣೆ ಬಗ್ಗೆ ನಾವು 2 ತಿಂಗಳ ನಡಾವಳಿ ಗಮನಿಸುತ್ತಿದ್ದೇವೆ. ದೇಶದಲ್ಲಿ ನರೇಂದ್ರ ಮೋದಿಯನ್ನ ಮಣಿಸಿ ಎಲ್ಲಾ ಒಗ್ಗಾಟ್ಟಾಗಿ ಬೇರೆ ಸಂದೇಶ ನೀಡಲು ಮುಂದಾಗಿದ್ದರು. ತೋತಾಪುರಿ, ಪ್ರೀಮಿಯರ್ ಪದ್ಮಿನಿ ಶೂಟಿಂಗ್ ಹೋಗಿದ್ದಾಗ ಗ್ರಾಮೀಣ ಜನರನ್ನ ಮಾತನಾಡಿಸುತ್ತಿದ್ದೆ. ಅಲ್ಲಿ ಜನ್ರು ಮೋದಿ ಆಡಳಿತದ ಬಗ್ಗೆ ಸಂತೋಷ ವ್ಯಕ್ತ ಪಡಿಸಿದ್ರು. ಜನ್ರು ನೀವು ಎಷ್ಟೇ ಸುಳ್ಳು ಹೇಳಿದ್ರು ನಗ್ತಾರೆ.
ಇನ್ನು ಕೆಲವರು ದುಡ್ಡು ಕೊಟ್ರೆ ಬರ್ತಾರೆ. ಆದರೆ ತಮ್ಮ ಬೆರಳನ್ನ ಸತ್ಯದ ಕಡೆಗೆ ಎತ್ತುತ್ತಾರೆ. ಕೆಲ ಜ್ಯೋತಿಷ್ಯದವರು ಸ್ಪಾನ್ಸರ್ ಥರಾ ಇದ್ದರು. ಅವರೇ ಈಗ ಸದ್ಯ ಮನವರಿಕೆ ಮಾಡಿಕೊಳ್ಳಬೇಕು. ಇಷ್ಟು ಚಿಂತನೆಯ ವ್ಯಕ್ತಿ ಯಡಿಯೂರಪ್ಪಗೆ ವಿಶೇಷ ಶಕ್ತಿ ಬೇಕು ಅಂದುಕೊಂಡಿದ್ದೆ. ಶೇ.23 ರಷ್ಟು ತಮಗೆ ಬರುವ ಕೆಲಸವನ್ನ ನಮ್ಮ ಕಾರ್ಯಕರ್ತ ಸೈನಿಕರು ಮಾಡಿದ್ದಾರೆ. ಈಗ ದೇಶ ಗೆದ್ದಿದೆ. ಅಭಿವೃದ್ದಿ ಪಥದತ್ತ ಸಾಗುತ್ತದೆ.
ನಾವು ಒಂದು ಮನೆಗೆ ಪೆಯಿಂಟ್ ಮಾಡಲು ಸಮಯ ಬೇಕು. ಅದರಂತೆ ಮೋದಿ ದೇಶವನ್ನ ಕ್ಲೀನ್ ಮಾಡಬೇಕಿತ್ತು. ಆ ಎಲ್ಲಾ ಜೇಡರ ಬಲೆಯನ್ನ ಕ್ಲೀನ್ ಮಾಡಿ ಹಾಕಿದ್ದಾರೆ. ಈ ಬಾರಿ ಒಳ್ಳೆಯ ಪೇಂಟ್ ಮಾಡ್ತಾರೆ ಅಂತಾ ಹೇಳಿಕೆ ನೀಡಿದ್ದಾರೆ.
