ಹೌದು ‘ಬುದ್ಧಿವಂತ 2’ ಚಿತ್ರ ಬರಲಿದೆ. ಉಪೇಂದ್ರ ನಟನೆಯ ಬುದ್ಧಿವಂತ ಸಿನೆಮಾ ಅಂದು ಸೂಪರ್ ಹಿಟ್ ಆಗಿತ್ತು. ಇದೀಗ ಸ್ಯಾಂಡಲ್‍ವುಡ್‍ನ ಯಶಸ್ವಿ ನಿರ್ಮಾಪಕ ಟಿ.ಆರ್.ಚಂದ್ರಶೇಖರ್ ಜೊತೆಗೆ ಉಪ್ಪಿ ಮಾಡುತ್ತಿರುವ ಸಿನೆಮಾಗಿ ಅಂತಿಮವಾಗಿ ‘ಬುದ್ಧಿವಂತ 2’ ಎಂದು ಟೈಟಲ್ ಫಿಕ್ಸ್ ಆಗಿದೆ.
ಪ್ರತಿಭಾವಂತ ನವ ನಿರ್ದೇಶಕ ಮೌರ್ಯ ನಿರ್ದೇಶನದಲ್ಲಿ ಉಪೇಂದ್ರ ಎರಡನೇ ಬಾರಿ ಬುದ್ಧಿವಂತನಾಗಲು ರೆಡಿಯಾಗಿದ್ದಾರೆ. ಇದು ಈ ಮೊದಲ ಬುದ್ಧಿವಂತನ ಮುಂದುವರಿದ ಭಾಗವೇನಲ್ಲ ಆದರೆ ನಿರ್ದೇಶಕ ಮೌರ್ಯ ಮಾಡಿಕೊಂಡಿರುವ ಕಥೆಯು ಬುದ್ಧಿವಂತನನ್ನು ಹೋಲುವುದರಿಂದ, ‘ಬುದ್ಧಿವಂತ 2’ ಎಂದು ನಾಮಕರಣ ಮಾಡಿದ್ದಾರೆ ಚಿತ್ರತಂಡ.
ಉಪೇಂದ್ರ ಇಲ್ಲಿ ದ್ವಿ ಪಾತ್ರದ ಮೂಲಕ ಮಿಂಚಲಿದ್ದಾರೆ. ಇಂದು ರಿಲೀಸ್ ಆಗಿರುವ ಎರಡು ಫಸ್ಟ್ ಲುಕ್‍ಗಳು ವಿಭಿನ್ನವಾಗಿದ್ದು. ಇವೆರಡೂ ಪ್ರತ್ಯೇಕವಾದ ಪಾತ್ರಗಳೇ ಎಂಬ ಕುತೂಹಲ ಮೂಡುತ್ತಿದೆ. ಇನ್ನು ಉಪ್ಪಿಯ 2 ಪಾತ್ರಗಳಿಗೆ ಅನುಗುಣವಾಗಿ ಇಬ್ಬರು ನಾಯಕಿಯರು ಚಿತ್ರತಂಡವನ್ನು ಸೇರಿಕೊಳ್ಳಲಿದ್ದಾರೆ.
ಅವರ್ಯಾರೆಂದರೆ ಸೋನಲ್ ಮೊಂತೆರೋ ಮತ್ತು ಮೇಘನಾ ರಾಜ್.
ಬುದ್ಧಿವಂತನಿಗೆ ಸಂಗೀತ ನೀಡಲಿದ್ದಾರೆ ಎವರ್‍ ಗ್ರೀನ್ ಮ್ಯೂಸಿಕ್ ಮಾಂತ್ರಿಕ ಗರುಕಿರಣ್. ಒಟ್ಟಿನಲ್ಲಿ ಈ ಕಾಂಬಿನೇಷನ್ ಮೋಡಿ ಮಾಡುತ್ತಾ ಅಂತಾ ಕಾದುನೋಡೋಣ.
ಭಾರವಿ ಫಿಲ್ಮ್ ಬ್ಯೂರೋ, ಕಹಳೆ ನ್ಯೂಸ್
