ಮನೆಯಲ್ಲಿರೋರು 9 ಮಂದಿ, ಕೇವಲ 5 ವೋಟ್ ಬಂದಿದೆ ಎಂದು ಅಭ್ಯರ್ಥಿ ಕಣ್ಣೀರು..! – ಕಹಳೆ ನ್ಯೂಸ್
ಜಲಂಧರ್: ನಿನ್ನೆ ಹೊರಬಿದ್ದ ಸಾರ್ವತ್ರಿಕ ಚುನಾವಣೆಯ ಫಲಿತಾಂಶದಲ್ಲಿ ಒಂದೆಡೆ ಘಟಾನುಘಟಿ ನಾಯಕರು ಮಂಡಿಯೂರಿದ್ರೆ, ಇನ್ನೂ ಹಲವಾರು ನಾಯಕರು ಲಕ್ಷ ಲಕ್ಷ ಮತಗಳ ಅಂತರದಿಂದ ಗೆದ್ದು ಬೀಗಿದ್ದಾರೆ. ಆದ್ರೆ ಪಂಜಾಬ್ನ ಅಭ್ಯರ್ಥಿಯೊಬ್ಬರು ತನಗೆ ಕೇವಲ 5 ವೋಟ್ಗಳನ್ನ ಬಂದಿದೆ ಎಂದು ಶಾಕ್ಗೆ ಒಳಗಾಗಿದ್ದರು.
ಜಲಂಧರ್ನಿಂದ ಪಕ್ಷೇತರ ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದ ನೀತು ಶುತ್ತೇರ್ನ್ವಾಲಾ, ನಿನ್ನೆ ಮೊದಲ ಸುತ್ತಿನ ಕೌಂಟಿಂಗ್ ವೇಳೆ ಕೇವಲ 5 ವೋಟ್ಗಳು ಬಂದಿರೋದು ನೋಡಿ ಶಾಕ್ ಆಗಿದ್ರು. ಕುಟುಂಬದಲ್ಲಿ 9 ಸದಸ್ಯರಿದ್ದರೂ ಕೂಡ ನನಗೆ ಬಂದಿರೋ ವೋಟ್ ಕೇವಲ 5 ಎಂದು ಮಾಧ್ಯಮವೊಂದರ ಮುಂದೆ ಅಳಲು ತೋಡಿಕೊಂಡ್ರು.
ಪಂಜಾಬ್ನ ಜಗ್ಬಾನಿ ಅನ್ನೋ ಮಾಧ್ಯಮವೊಂದು ನೀತು ಅವರ ಸಂದರ್ಶನ ಮಾಡಿತು. ಈ ವೇಳೆ ಕ್ಯಾಮೆರಾ ಮುಂದೆಯೇ ಅಳಲು ಶುರು ಮಾಡಿದ ನೀತು, ನನಗೆ ಕೇವಲ 5 ಮತಗಳು ಬಂದಿವೆ, ನನ್ನ ಕುಟುಂಬಸ್ಥರೇ ನನಗೆ ದ್ರೋಹ ಮಾಡಿದ್ದಾರೆ ಅಂತ ದುಃಖಿಸಿದ್ರು. ಕುಟುಂಬಸ್ಥರನ್ನ ದೂಷಿಸುವುದರ ಜೊತೆಗೆ ನೀತು ಇವಿಎಂ ಮಷೀನ್ಗಳ ಟ್ಯಾಂಪರಿಂಗ್ ಆಗಿದೆ ಅಂತ ಕೂಡ ಆರೋಪ ಮಾಡಿದ್ರು. ಈ ವೇಳೆ ವರದಿಗಾರ, ನಿಮ್ಮ ಕುಟುಂಬಸ್ಥರೇ ನಿಮಗೆ ಸಪೋರ್ಟ್ ಮಾಡದಿರುವಾಗ, ಬೇರೆಯವರು ನಿಮಗೆ ವೋಟ್ ಹಾಕ್ತಾರೆ ಅಂತ ಹೇಗೆ ನಿರೀಕ್ಷಿಸುತ್ತೀರಿ ಅಂತ ಪ್ರಶ್ನಿಸಿದರು.
ಇನ್ನು ನಿರೀಕ್ಷೆಯಂತೆಯೇ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಆಗುತ್ತಿದ್ದಂತೆ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಈ ವ್ಯಕ್ತಿಗೆ ಮನೆಯವರೇ ವೋಟ್ ಹಾಕಲಿಲ್ವಲ್ಲ ಅಂತ ಜನ ಕಮೆಂಟ್ ಮಾಡ್ತಿದ್ದಾರೆ. ಆದ್ರೆ ಮುಂದಿನ ಸುತ್ತಿನ ಮತ ಎಣಿಕೆ ವೇಳೆ ನೀತು ಅವರ ವೋಟ್ ಕೌಂಟ್ ಜಾಸ್ತಿಯಾಗಿದೆ. ಒಟ್ಟಾರೆ ಅವರು 856 ವೋಟ್ಗಳನ್ನ ಪಡೆದಿದ್ದಾರೆ ಎಂದು ವರದಿಯಾಗಿದೆ.
