ತುಳು ಚಿತ್ರರಂಗದ ಬಹುನಿರೀಕ್ಷಿತ ಸಿನೆಮಾ ‘2 ಎಕ್ರೆ’ ನಾಟ್ ಫಾರ್ ಸೇಲ್ ಮೊದಲ ನೋಟ ಬಿಡುಗಡೆಗೊಂಡಿದ್ದು ತುಳು ಸಿನಿಪ್ರೇಮಿಗಳಿಂದ ಮೆಚ್ಚುಗೆಗ ಪಾತ್ರವಾಗಿದೆ.
ಒನ್ ಲೈನ್ ಸಿನಿಮಾ ಬ್ಯಾನರ್‍ ನಡಿಯಲ್ಲಿ ಸಂದೇಶ್ ರಾಜ್ ಬಂಗೇರ ಮತ್ತು ರೋಹನ್ ಕೋಡಿಕಲ್ಲ್ ನಿರ್ಮಾಣದ ‘2 ಎಕ್ರೆ’ ಸಿನಿಮಾದ ಆಫೀಷಿಯಲ್ ಪೋಸ್ಟರ್ ನಿನ್ನೆ ಸ್ನೇಹ ಸದನ ಕೈಕಂಬದ ವಿಶೇಷ ವಿದ್ಯಾರ್ಥಿಗಳು ಬಿಡುಗಡೆಗೊಳಿಸಿದರು.
ಈ ಸಂದರ್ಭದಲ್ಲಿ ಚಿತ್ರದ ನಿರ್ಮಾಪಕರಾದ ಸಂದೇಶ್ ರಾಜ್ ಬಂಗೇರ, ರೋಹನ್ ಕೊಡಿಕಲ್, ಚಿತ್ರದ ನಿರ್ದೇಶಕರಾದ ವಿಸ್ಮಯ ವಿನಾಯಕ್, ಕೋಸ್ಟಲ್ ವುಡ್‍ನ ಸ್ಟಾರ್ ನಿರ್ದೇಶಕ ಕೆ. ಸೂರಜ್ ಶೆಟ್ಟಿ, ಚಿತ್ರದ ನಾಯಕ ನಟ ಪೃಥ್ವಿ ಅಂಬಾರ್, ಪ್ರಕಾಶ್ ತೂಮಿನಾಡ್, ಲಿಟ ಮೊಂತೆರೋ, ಖ್ಯಾತ ಪೋಸ್ಟರ್ ಡಿಸೈನರ್ ದೇವಿ ರೈ. ಕಲಾ ನಿರ್ದೇಶಕ ಮಹೇಶ್ ಎಣ್ಮೂರ್ , ರಾಕೇಶ್ ಕದ್ರಿ, ವಿಕ್ರಮ್ ರಾವ್ ಹಾಗೂ ಕಾರ್ತಿಕ್ ರೈ ಉಪಸ್ಥಿತರಿದ್ದರು.
ಮೊದಲ ನೋಟದಲ್ಲಿ ಕುಸಲ್ದರಸೆ ನವೀನ್ ಡಿ ಪಡೀಲ್ ಮತ್ತು ವಿಸ್ಮಯ ವಿನಾಯಕ್ ಪ್ರಕಾಶ್ ತುಮಿನಾಡ್ ಅವರನ್ನು ಎತ್ತಿ ಹಿಡಿದಿರುವ ದೃಶ್ಯವಿದೆ. ಹಾಗೂ ಹಿನ್ನಲೆಯಲ್ಲಿ ಖಾಲಿ ಬಿದ್ದ ಜಾಗವಿರುವುದು ಚಿತ್ರದ ಶೀರ್ಷಿಕೆಯನ್ನು ಸೂಚಿಸುತ್ತದೆ. ಚಿತ್ರವು ಆಗಸ್ಟ್ ನಲ್ಲಿ ತೆರೆಗೆ ಬರಲು ಸಜ್ಜಾಗಿದೆ.
