ಅಮೇರಿಕಾದ ಅಧ್ಯಕ್ಷ ಪಟ್ಟಕ್ಕೇರಲಿರುವ ಶರಣ್..! ಪ್ರಥಮ ಮಹಿಳೆಯಾಗಿ ತುಪ್ಪದ ಬೆಡಗಿ ರಾಗಿಣಿ..- ಕಹಳೆ ನ್ಯೂಸ್

ಇದೇನಪ್ಪ ಟ್ರಂಪ್ ಅವರನ್ನು ಅಧ್ಯಕ್ಷ ಸ್ಥಾನದಿಂದ ಇಳಿಸಿ ಶರಣ್ ಅದ್ಯಾವಾಗ ಅಮೇರಿಕದ ಅಧ್ಯಕ್ಷ ಸ್ಥಾನ ಗಿಟ್ಟಿಸಿಕೊಂಡ್ರು..? ತುಪ್ಪದ ಹುಡುಗಿ ರಾಗಿಣಿ ಅಮೆರಿಕಾದ ಪ್ರಥಮ ಮಹಿಳೆಯಾಗಿ ಅದ್ಯಾವಾಗ ಪಟ್ಟಕ್ಕೇರಿದ್ರು. ಹೌದು, ಖ್ಯಾತ ಹಾಸ್ಯ ನಟ ಶರಣ್ ಈ ಹಿಂದೆ ಅಧ್ಯಕ್ಷ ಚಿತ್ರ ಮಾಡಿ ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆದಿದ್ರು. ಇದೀಗ ಅಧ್ಯಕ್ಷ ಇನ್ ಅಮೇರಿಕ’ ಚಿತ್ರ ಮಾಡಲಿದ್ದಾರೆ. ಇವರಿಗೆ ಜೋಡಿಯಾಗಿ ತುಪ್ಪದ ಬೆಡಗಿ ರಾಗಿಣಿ ಜೊತೆಯಾಗಲಿದ್ದಾರೆ.

ಜಾಹೀರಾತು

ಜಾಹೀರಾತು

ಜಾಹೀರಾತು

‘ಅಧ್ಯಕ್ಷ ಇನ್ ಅಮೇರಿಕ’ ಇದೊಂದು ಹಾಸ್ಯ ಪ್ರಧಾನ ಚಿತ್ರ. ಮಲಯಾಳಂನ ಬ್ಲಾಕ್‍ಬಸ್ಟರ್ ಚಿತ್ರ ‘2 ಕಂಟ್ರೀಸ್’ನ ರಿಮೇಕ್. ಶರಣ್ ಜೊತೆ ರಾಗಿಣಿ ಈ ಹಿಂದೆ ವಿಕ್ಟರಿ ಚಿತ್ರದ ಹಾಡೊಂದರಲ್ಲಿ ಹೆಜ್ಜೆ ಹಾಕಿದ್ದರು. ಈ ಚಿತ್ರದ ಮೂಲಕ ಮೊದಲ ಬಾರಿಗೆ ರಾಗಿಣಿ ಶರಣ್‍ಗೆ ನಾಯಕಿಯಾಗಿ ಅಭಿನಯಿಸಲಿದ್ದಾರೆ. ಯೋಗಾನಂದ ಮುದ್ದಣ್ಣ ಇವರ ನಿರ್ದೆಶನದಲ್ಲಿ ಮೂಡಿಬರಲಿರುವ ಈ ಸಿನಿಮಾಕ್ಕೆ ವಿ.ಹರಿಕೃಷ್ಣ ಅವರು ಸಂಗೀತ ನಿರ್ದೆಶನ ಮಾಡಲಿದ್ದಾರೆ.

ಜಾಹೀರಾತು

ಜಾಹೀರಾತು

ಜಾಹೀರಾತು

ಈ ಹಿಂದೆ ಬಂದಂತಹ ಶರಣ್ ಅಭಿನಯದ ‘ಅಧ್ಯಕ್ಷ’ ಚಿತ್ರ ಕೂಡ ತಮಿಳಿನ ‘ವರುತಪಡಾತ್ತ ವಾಲಿಬರ್ ಸಂಘಂ’ ಎಂಬ ಚಿತ್ರದ ರಿಮೇಕ್ ಆಗಿತ್ತು. ಮಲಯಾಳಂನ 2 ಕಂಟ್ರೀಸ್ ಸಿನಿಮಾದಲ್ಲಿ ನಾಯಕನಾಗಿ ದಿಲೀಪ್ ಹಾಗೂ ನಾಯಕಿಯಾಗಿ ಮಮ್ತಾ ಮೋಹನ್‍ದಾಸ್ ಕಾಣಿಸಿಕೊಂಡಿದ್ದು ಭರ್ಜರಿ ಯಶಸ್ಸನ್ನು ದಾಖಲಿಸಿತ್ತು. ಅದೇ ರೀತಿ ಅಧ್ಯಕ್ಷ ಇನ್ ಅಮೇರಿಕ ಚಿತ್ರ ಅಭಿಮಾನಿಗಳ ಮನಸನ್ನು ಗೆಲ್ಲುವಲ್ಲಿ ಯಶಸ್ವಿಯಾಗುತ್ತಾ..? ಅದಕ್ಕೆ ಚಿತ್ರ ಬಿಡುಗಡೆಯಾಗಿ ಚಿತ್ರ ಮಂದಿರಕ್ಕೆ ಬರಬೇಕು.