ಮೆಡಿಟೇರಿಯನ್ ಸಮುದ್ರದಲ್ಲಿ ಮುಳುಗಿದ ನೌಕೆ, 150ಕ್ಕೂ ಹೆಚ್ಚು ಅಕ್ರಮ ವಲಸಿಗರು ಜಲಸಮಾಧಿ – ಕಹಳೆ ನ್ಯೂಸ್
ಟ್ರಿಪೋಲಿ (ಲಿಬಿಯಾ) : ಮೆಡಿಟೇರಿಯನ್ ಸಮುದ್ರದ ಮೂಲಕ ಲಿಬಿಯಾದಿಂದ ಯೂರೋಪಿಗೆ ಅಕ್ರಮವಾಗಿ ನುಸುಳಲು ಎರಡು ನೌಕೆಗಳಲ್ಲಿ ತೆರಳುತ್ತಿದ್ದ 150ಕ್ಕೂ ಹೆಚ್ಚು ವಲಸಿಗರು ಜಲಸಮಾಧಿಯಾಗಿರುವ ದುರಂತ ಗುರುವಾರ ಸಂಭವಿಸಿದೆ.
ಬಿಯಾದ ಕರಾವಳಿ ನಗರಿ ಟ್ರಿಪೋಲಿಯಿಂದ 75 ಕಿ.ಮೀ. ದೂರವಿರುವ ಸಮುದ್ರದಲ್ಲಿ ಪ್ರತಿಕೂಲ ಹವಾಮಾನದಿಂದ ಈ ಎರಡು ದೋಣಿಗಳು ಮುಳುಗಿ 150ಕ್ಕೂ ಹೆಚ್ಚು ಅಕ್ರಮ ವಲಸಿಗರು ಜಲಸಮಾಧಿಯಾಗಿದ್ದಾರೆ ಎಂದು ಕರಾವಳಿ ರಕ್ಷಣಾ ಪಡೆಯ ವಕ್ತಾರ ಅಯೂಬ್‍ಗಸ್ಸಿಮ್ ತಿಳಿಸಿದ್ದಾರೆ. 137 ವಲಸಿಗರನ್ನು ರಕ್ಷಿಸಿ ಸುರಕ್ಷಿತವಾಗಿ ಲಿಬಿಯಾಗೆ ವಾಪಸ್ ಕರೆತರಲಾಗಿದೆ ಎಂದು ಅವರು ಮಾಹಿತಿ ನೀಡಿದ್ದಾರೆ.
ಜಾಹೀರಾತು
ಜಾಹೀರಾತು
ಜಾಹೀರಾತು
ನೌಕಾಯಾನಕ್ಕೆ ಯೋಗ್ಯವಲ್ಲದ ಎರಡು ದೋಣಿಗಳಲ್ಲಿ ಸುಮಾರು 300 ಮಂದಿ ವಲಸಿಗರು ಲಿಬಿಯಾದಿಂದ ಯೂರೋಪ್ ಖಂಡಕ್ಕೆ ಪಲಾಯನವಾಗುತ್ತಿದ್ದಾಗ ಈ ದುರಂತ ಸಂಭವಿಸಿದೆ. ಕಳೆದ ವರ್ಷ ಇದೇ ಮೆಡಿಟೇರಿಯನ್ ಸಮುದ್ರದಲ್ಲಿ ವಲಸಿಗರ ಅನೇಕ ನೌಕೆಗಳು ದುರಂತಕ್ಕೀಡಾಗಿ ನೂರಾರು ಮಂದಿ ಸಾವಿಗೀಡಾಗಿದ್ದರು.
ಜಾಹೀರಾತು
ಜಾಹೀರಾತು
ಜಾಹೀರಾತು
