ಉಗ್ರರ ಬೇಟೆಯಲ್ಲಿ ಕೇಂದ್ರ ಸರ್ಕಾರ ಒಂದು ಹೆಜ್ಜೆ ಮುಂದು : ಯುಎಪಿಎ ತಿದ್ದುಪಡಿ ವಿಧೇಯಕಕ್ಕೆ ಸಂಸತ್ ಅಂಗೀಕಾರ ಮುದ್ರೆ – ಕಹಳೆ ನ್ಯೂಸ್

ಹೊಸದಿಲ್ಲಿ: ಭಯೋತ್ಪಾದನೆ ನಿಗ್ರಹ ಕಾಯ್ದೆ ತಿದ್ದುಪಡಿ ವಿಧೇಯಕವನ್ನು ಸಂಸತ್ತು ಶುಕ್ರವಾರ ಅನುಮೋದಿಸಿದೆ. ಇದರೊಂದಿಗೆ ಕೇಂದ್ರ ಸರಕಾರಕ್ಕೆ ವ್ಯಕ್ತಿಯೊಬ್ಬನನ್ನು ಭಯೋತ್ಪಾದಕ ಎಂದು ಘೋಷಿಸುವ ಹಾಗೂ ಆತನ ಸೊತ್ತುಗಳನ್ನು ಮುಟ್ಟುಗೋಲು ಹಾಕಿಕೊಳ್ಳುವ ಅಧಿಕಾರ ದೊರೆತಂತಾಗಿದೆ.

ಕಾನೂನುಬಾಹಿರ ಚಟುವಟಿಕೆಗಳ (ತಡೆ) ತಿದ್ದುಪಡಿ ವಿಧೇಯಕ 2019 ಅನ್ನು ಲೋಕಸಭೆ ಕಳೆದ ವಾರವೇ ಅಂಗೀಕರಿಸಿತ್ತು. 1967ರ ಅಕ್ರಮ ಚಟುವಟಿಕೆಗಳ (ತಡೆ) ಕಾಯ್ದೆಗೆ ತಿದ್ದುಪಡಿ ತರಲಾಗಿದ್ದು ಜುಲೈ 24ರಂದು ರಾಜ್ಯಸಭೆ ಇದನ್ನು ಅನುಮೋದಿಸಿತ್ತು.

ಜಾಹೀರಾತು

ಜಾಹೀರಾತು

ಜಾಹೀರಾತು

ವಿಧೇಯಕವನ್ನು ಆಯ್ದ ಸದಸ್ಯರ ಸಮಿತಿಯ ಪರಿಶೀಲನೆಗೆ ಒಪ್ಪಿಸಬೇಕೆಂಬ ಪ್ರತಿಪಕ್ಷದ ನಿರ್ಣಯವನ್ನು ರಾಜ್ಯಸಭೆ 104 ಮತಗಳಿಂದ ತಿರಸ್ಕರಿಸಿತ್ತು. ಪ್ರತಿಪಕ್ಷದ ನಿರ್ಣಯಕ್ಕೆ 85 ಮತಗಳು ಮಾತ್ರ ಬಿದ್ದಿದ್ದವು. ಸದನ ಈ ಕಾಯ್ದೆಯನ್ನು 147 ಮತಗಳಿಂದ ಅಂಗೀಕರಿಸಿತು. 42 ಮತಗಳು ಮಾತ್ರ ವಿರೋಧವಾಗಿ ಚಲಾವಣೆಯಾಗಿದ್ದವು.

ಜಾಹೀರಾತು

ಜಾಹೀರಾತು

ಜಾಹೀರಾತು

ತಿದ್ದುಪಡಿ ಕುರಿತ ಚರ್ಚೆಗೆ ಉತ್ತರಿಸಿದ ಗೃಹ ಸಚಿವ ಅಮಿತ್ ಶಾ, ತಿದ್ದುಪಡಿ ವಿಧೇಯಕದಲ್ಲಿ ನಾಲ್ಕು ಹಂತದ ರಕ್ಷಣೆ ಒದಗಿಸಲಾಗಿದ್ದು, ಯಾವುದೇ ಮಾನವ ಹಕ್ಕುಗಳ ಉಲ್ಲಂಘನೆಯಾಗುವುದಿಲ್ಲ ಎಂದು ಭರವಸೆ ನೀಡಿದರು.
ವ್ಯಕ್ತಿಗಳನ್ನು ಭಯೋತ್ಪಾದಕ ಎಂದು ಒಂದು ಸಂಸ್ಥೆಯನ್ನು ನಿಷೇಧಿಸಿದ ಬಳಿಕ ಬೇರೆ ಬೇರೆ ಹೆಸರುಗಳಲ್ಲಿ ಸಂಘಟನೆಗಳನ್ನು ಹುಟ್ಟುಹಾಕಿ ದೇಶದ್ರೋಹ ಮತ್ತು ಭಯೋತ್ಪಾದಕ ಕೃತ್ಯಗಳನ್ನು ನಡೆಸುವ, ಪ್ರೋತ್ಸಾಹಿಸುವ ವ್ಯಕ್ತಿಗಳನ್ನು ಭಯೋತ್ಪಾದಕನೆಂದು ಘೋಷಿಸುವುದು ಅಗತ್ಯವಾಗಿದೆ. ಉಗ್ರ ಕೃತ್ಯಗಳ ವಿಚಾರಣೆಗಳನ್ನು ತ್ವರಿತಗೊಳಿಸುವುದೂ ಈ ಕಾಯ್ದೆಯಲ್ಲಿ ಸೇರಿದೆ ಎಂದು ಅಮಿತ್ ಶಾ ನುಡಿದರು.

ಭಯೋತ್ಪಾದನೆಗೆ ಯಾವುದೇ ಧರ್ಮವಿಲ್ಲ. ಭಯೋತ್ಪಾದಕರು ಮಾನವೀಯತೆಗೆ ವಿರೋಧಿಗಳು ಎಂದ ಸಚಿವರು, ಭಯೋತ್ಪಾದನೆಯ ದಮನಕ್ಕೆ ಕಠಿಣ ಕಾನೂನು ತರಲಾಗುತ್ತಿದ್ದು ಇದಕ್ಕೆ ಎಲ್ಲರೂ ಬೆಂಬಲ ನೀಡಬೇಕೆಂದು ಕೋರಿದರು.
ಕಾಯ್ದೆಯ ದುರ್ಬಳಕೆಯಾಗಬಹುದೆಂಬ ಪ್ರತಿಪಕ್ಷದ ಆತಂಕಗಳಿಗೆ ಉತ್ತರಿಸಿದ ಸಚಿವರು, ಯಾವುದೇ ರೀತಿಯಲ್ಲೂ ಮಾನವ ಹಕ್ಕು ಉಲ್ಲಂಘನೆಗೆ ಅವಕಾಶವಿಲ್ಲ, ನಾಲ್ಕು ಹಂತದ ರಕ್ಷಣಾ ವ್ಯವಸ್ಥೆಯನ್ನು ಈ ಕಾಯ್ದೆಯಲ್ಲಿ ಅಳವಡಿಸಲಾಗಿದೆ. ಘೋಷಿತ ಭಯೋತ್ಪಾದಕರೆಂದು ಪರಿಗಣಿಸಲಾದ ವ್ಯಕ್ತಿಗಳಿಗೆ ಮೇಲ್ಮನವಿ ಸಲ್ಲಿಸಲು ಅವಕಾಶವಿದೆ ಎಂದು ತಿಳಿಸಿದರು.