ಕಾರ್ಕಳ: ತುಳುನಾಡ ಪೊರ್ಲು ಸೇವಾ ಟ್ರಸ್ಟ್(ರಿ.) ಸಂಸ್ಥೆ. ಆಗಸ್ಟ್ 14ಕ್ಕೆ ಯಶಸ್ವೀಯಾಗಿ ಮೂರನೇ ವರ್ಷವನ್ನು ನಿಸ್ವಾರ್ಥ ಸೇವೆಯ ಮೂಲಕ ಪೂರೈಸಿದೆ.
ಸಂಸ್ಥೆಯು ಜನ ಸೇವೆಯೇ ಜನಾರ್ದನ ಸೇವೆ ಎಂಬ ಉದ್ದೇಶವನ್ನಿಟ್ಟುಕೊಂಡು ಕಳೆದ ಮೂರು ವರ್ಷಗಳಿಂದ ಸಮಾಜ ಮುಖಿ ಕಾರ್ಯ ಮಾಡುತ್ತಾ ಬಂದಿದೆ. 3ನೇ ವರ್ಷದ ಸಂಭ್ರಮಾಚರಣೆಯನ್ನು ಆಗಸ್ಟ್ 15ನೇ ಗುರುವಾರ ಕಟೀಲು ಕ್ಷೇತ್ರಕ್ಕೆ ಭೇಟಿ ನೀಡಿ ಕಾರ್ಕಳ ಸಮೀಪದ ಆನೇಕೆರೆಯ ಚೇತನಾ ವಿಶೇಷ ಶಾಲೆಯಲ್ಲಿ ಅನ್ನದಾನದ ವ್ಯವಸ್ಥೆ ಜರುಗಲಿದೆ.
3ನೇ ವರುಷದ ಪ್ರಯುಕ್ತ ಸಂಸ್ಥೆಯ ಹೊಸ ಲೋಗೋ ಅನಾವರಣಗೊಳ್ಳಲಿದೆ. ಸಂಸ್ಥೆಯ ಅಧ್ಯಕ್ಷರಾದ ನವೀನ್ ಪಿ ಮಿಜಾರು ಇವರ ಮಾರ್ಗದರ್ಶನದಿಂದ, ನೀತು ಪೂಜಾರಿ ಅಜಿಲಮೊಗರು ಸಾಹಿತ್ಯದ, ಲಲಿತ್ ಕುಳಾಯಿ ಇವರ ಸಿರಿ ಕಂಠದಲ್ಲಿ ಸಂಸ್ಥೆಯ ಸಂಪೂರ್ಣ ಸಹಕಾರದೊಂದಿಗೆ “ಒಂದೇ ಜಾತಿ ಒಂದೇ ಧರ್ಮ” ಎನ್ನುವ ಮಧುರ ಗೀತೆ ಮೂಡಿಬರಲಿದೆ. ಇನ್ನು ಫೇಸ್ ಬುಕ್ ಡಿ.ಪಿ ಪ್ರೇಮ್ ಇನ್ನಿತ್ತರ ಕಾರ್ಯ ವೈಖರಿಯ ಬಗ್ಗೆ ಮಾಹಿತಿಯು ಸಂಸ್ಥೆಯ ಸಾಮಾಜಿಕ ಜಾಲತಾಣವಾದ ಫೇಸ್‍ಬುಕ್, ವಾಟ್ಸಪ್ಪ್, ಯುಟ್ಯೂಬ್, ಮತ್ತು ಇನ್ಸ್ಟಾಗ್ರಾಮ್ ನಲ್ಲಿ ಅನಾವರಣಗೊಳ್ಳಲಿದೆ.
