Breaking News : ಉಪ್ಪಿನಂಗಡಿ ಆರ್.ಕೆ ಜ್ಯುವೆಲ್ಲರಿ ಅಂಗಡಿ ಕಳ್ಳತನ ಪ್ರಕರಣ ; ಮೂವರು ಅಂತರಾಜ್ಯ ಕಳ್ಳರ ಬಂಧಿಸಿ ಹೆಡೆಮುರಿಕಟ್ಟಿದ ಸೂಪರ್ ಕಾಪ್ ನಂದಕುಮಾರ್ – ಕಹಳೆ ನ್ಯೂಸ್
ಉಪ್ಪಿನಂಗಡಿ : ಪುತ್ತೂರು ತಾಲೂಕು ಉಪ್ಪಿನಂಗಡಿ ಗ್ರಾಮದ ಉಪ್ಪಿನಂಗಡಿ ಪೇಟೆಯಲ್ಲಿರುವ ಆರ್.ಕೆ ಜ್ಯುವೆಲ್ಲರ್ ಎಂಬ ಚಿನ್ನದ ಅಂಗಡಿಗೆ ದಿನಾಂಕ 15/16-08-2019 ರಂದು ರಾತ್ರಿ ಸಮಯ ಯಾರೋ ಕಳ್ಳರು, ಅಂಗಡಿಯ ಮುಂಭಾಗದ ಕಬ್ಬಿಣದ ಶಟರ್‌ ನ್ನು ಗ್ಯಾಸ್ ಕಟ್ಟರ್ ಮೂಲಕ ತುಂಡರಿಸಿ, ಅಂಗಡಿಗೆ ಒಳಪ್ರವೇಶಿಸಿ, ಅಂಗಡಿಯಲ್ಲಿದ್ದ 650.69 ಗ್ರಾಂ ಚಿನ್ನದ ವಿವಿಧ ಬಗೆಯ ಆಭರಣ ಹಾಗೂ 7 ಕೆ.ಜಿ ತೂಕದ ವಿವಿಧ ಬೆಳ್ಳಿಯ ಆಭರಣಗಳನ್ನು (ಕಳವಾದ ಚಿನ್ನ ಮತ್ತು ಬೆಳ್ಳಿಯ ಒಟ್ಟು ಮೌಲ್ಯ 27,00,000 ರೂ ಆಗಬಹುದು) ಕಳವು ಮಾಡಿಕೊಂಡು ಹೋಗಿರುವ ಬಗ್ಗೆ ಘಟನೆ ಸಂಭವಿಸಿದ್ದು, ಸದ್ರಿ ಘಟನೆಗೆ ಸಂಬಂದಿಸಿದಂತೆ, ಆರ್.ಕೆ ಜ್ಯುವೆಲ್ಲರಿ ಮಾಲಕ ಸಿರಾಜ್ ಎಂಬವರು ನೀಡಿದ ದೂರಿನ ಆಧಾರದಲ್ಲಿ ಉಪ್ಪಿನಂಗಡಿ ಪೊಲೀಸ್ ಠಾಣೆಯಲ್ಲಿ ಅ.ಕ್ರ 121/2019 ಕಲಂ 457, 380 ಭಾದಂಸಂ ಅಡಿಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.
ಸದ್ರಿ ಪ್ರಕರಣದಲ್ಲಿ ಆರೋಪಿ ಹಾಗೂ ಕಳವಾದ ಚಿನ್ನಾಭರಣಗಳ ಪತ್ತೆಗೆ ಪೊಲೀಸ್ ಅಧೀಕ್ಷಕರು ಹಾಗೂ ಹೆಚ್ಚುವರಿ ಪೊಲೀಸ್ ಅಧೀಕ್ಷಕರ ಆದೇಶದಂತೆ ಮೂರು ತಂಡಗಳನ್ನು ರಚಿಸಿ, ವಿವಿಧ ಆಯಾಮಗಳಲ್ಲಿ ಪತ್ತೆಗೆ ಶ್ರಮಿಸಲಾಗಿದ್ದು, ಅದರಂತೆ ಕಳ್ಳತನಕ್ಕೆ ಬಳಸಿದ ವಾಹನದ ಬಗ್ಗೆ ಸಿಕ್ಕ ಸುಳಿವಿನ ಆಧಾರದಲ್ಲಿ ಮೇಲಾಧಿಕಾರಿಗಳು ನೇಮಿಸಿದ ಅಧಿಕಾರಿ ಹಾಗೂ ಸಿಬ್ಬಂಧಿಗಳ ತಂಡವು ಮುಂಬಯಿ, ಗುಜರಾತ್, ಮದ್ಯ ಪ್ರದೇಶ, ರಾಜಸ್ಥಾನಕ್ಕೆ ತೆರಳಿ ಆರೋಪಿ ಹಾಗೂ ವಾಹನ ಪತ್ತೆಗೆ ಪ್ರಯತ್ನಿಸಿದ್ದು, ಈ ಸಮಯ ದಿನಾಂಕ 04-07-2019 ರಂದು ಅಪರಾಧ ಪತ್ತೆ ತಂಡಕ್ಕೆ ದೊರೆತ ಮಾಹಿತಿಯಲ್ಲಿನ ವಾಹನವಾದ ಈಚರ್ ಲಾರಿ ಯನ್ನು ಗುಜರಾತ್ ರಾಜ್ಯದ ದಾಹೋಡ್ ನ ಕತ್ವಾರ ಎಂಬಲ್ಲಿ ಪತ್ತೆ ಮಾಡಿ, ನಂತರ ಮೂವರು ಆರೋಪಿಗಳನ್ನು ಗುಜರಾತ್ ಹಾಗೂ ರಾಜಸ್ಥಾನದಲ್ಲಿ ಬಂಧಿಸಿದ್ದಾರೆ.
ಸದ್ರಿಯವರ ವಿವರ ಈ ಕೆಳಗಿನಂತಿದೆ,
1] ಭಗವಾನ್ ಸಿಂಗ್ @ ಭಗವಾನ್ ಸಿಂಗ್ ರಮೇಶ್ ಭಾಯ್ ಸಿಸೋಡಿಯಾ @ ಪ್ರಾಯ 32 ವರ್ಷ ತಂದೆ: ರಮೇಶ್ ಭಾಯ್ ಸಿಸೋಡಿಯಾ ವಾಸ: ಮನೆ ನಂಬ್ರ 1-58 ಸಾಂಸಿವಾಡಿ ರಲಿಯಾಟಿ, ಅರ್‍ಬನ್ ಆಸ್ಪತ್ರೆ ಹತ್ತಿರ, ದಾಹೋಡ್ ಅಂಚೆ, ದಾಹೋಡ್ ಜಿಲ್ಲೆ ಗುಜರಾತ್ ರಾಜ್ಯ
2] ಸುನೀಲ್ @ ಸಂದೀಪ್ ಪ್ರಾಯ 27 ವರ್ಷ ತಂದೆ: ಪನ್ನಲಾಲ್‌ ಬಾನ್ ವಾಸ: ಸಾಂಸಿವಾಡಿ ರಲಿಯಾಟಿ, ಅರ್‍ಬನ್ ಆಸ್ಪತ್ರೆ ಹತ್ತಿರ, ದಾಹೋಡ್ ಅಂಚೆ, ದಾಹೋಡ್ ಜಿಲ್ಲೆ ಗುಜರಾತ್ ರಾಜ್ಯ
3] ಜಮೀಲ್ @ ಚಾಚಾ ಪ್ರಾಯ 60 ವರ್ಷ ತಂದೆ: ಮೊಹಮ್ಮದ್ ವಾಸ: ಡೊಂಗ್ರಿ ಮನೆ, ಗುರುದ್ವಾರ ಮಂದಿರದ ಹಿಂಭಾಗ, ಗುಂಡಾಲಿಯಾ ಬೈಪಾಸ್‌ ರಸ್ತೆ, ಬೂಂದಿ ಜಿಲ್ಲೆ ರಾಜಸ್ಥಾನ ರಾಜ್ಯ
ಆರೋಪಿಗಳೆಲ್ಲರೂ ತಾವು ಕಳವು ಮಾಡಿದ ಸೊತ್ತುಗಳನ್ನು ಪರಸ್ಪರ ಹಂಚಿಕೊಂಡಿದ್ದು, ವಶಕ್ಕೆ ಪಡೆದ ಮೂವರು ಆರೋಪಿಗಳಲ್ಲಿದ್ದ ಒಟ್ಟು 185.590 ಗ್ರಾಂ ತೂಕದ ಚಿನ್ನಾಭರಣ, ಇದರ ಒಟ್ಟು ಮೌಲ್ಯ ರೂ 7,05,242.00 ಬೆಳ್ಳಿಯ ಒಟ್ಟು ತೂಕ 3972.060 ಗ್ರಾಂ , ಇದರ ಒಟ್ಟು ಮೌಲ್ಯ ರೂ 2,26,407.00 ಹಾಗೂ ಕೃತ್ಯಕ್ಕೆ ಬಳಸಿದ ಈಚರ್ ಲಾರಿ ಯನ್ನು (ಈಚರ್ ರಾರಿಯ ಅಂದಾಜು ಮೌಲ್ಯ ರೂ. 23,00,000.00 ) ವಶಪಡಿಸಿಕೊಳ್ಳಲಾಗಿದೆ. ವಶಪಡಿಸಿಕೊಂಡ ಈಚರ್ ಲಾರಿ ಹಾಗೂ ಚಿನ್ನಾಭರಣಗಳ ಒಟ್ಟು ಮೌಲ್ಯ 32,31,649.00 ರೂ ಆಗಬಹುದು.
ಈಚಲ್ ಲಾರಿಯ ಚಾಲಕನಾದ ಭಗವಾನ್ ಸಿಂಗ್ @ ಭಗವಾನ್ ಸಿಂಗ್ ರಮೇಶ್ ಭಾಯ್ ಸಿಸೋಡಿಯಾ ಎಂಬಾತನು ತನ್ನ ಬಾಬ್ತು ಈಚರ್ ಲಾರಿ ನೇದರಲ್ಲಿ ಸುನೀಲ್ @ ಸಂದೀಪ್ , ಜಮೀಲ್ @ ಹಾಗೂ ಜೊತೆಯಲ್ಲಿ ಬಂದಿದ್ದ ರಾಜಸ್ಥಾನ ರಾಜ್ಯ ಹಾಗೂ ಗುಜರಾತ್ ನ 05 ಜನ ಹೀಗೆ ಒಟ್ಟು 08 ಜನ ಸೇರಿಕೊಂಡು, ಈಚರ್ ಲಾರಿಯಲ್ಲಿ ಬೆಂಗಳೂರಿಗೆ ಬಾಡಿಗೆ ಬಂದು, ಅಲ್ಲಿಂದ ಹೊರಟ ನಂತರ ಒಂದು ಚಿನ್ನಾಭರಣದ ಅಂಗಡಿಯನ್ನು ಕಳವು ಮಾಡುವ ಬಗ್ಗೆ ತೀರ್ಮಾನಿಸಿ, ಬೆಂಗಳೂರು-ಮಂಗಳೂರು ರಾಷ್ಟ್ರೀಯ ಹೆದ್ದಾರಿಯ ಸಮೀಪ ಉಪ್ಪಿನಂಗಡಿಯ ಆರ್.ಕೆ ಜುವೆಲ್ಲರಿ ಅಂಗಡಿಯಿಂದ ದಿನಾಂಕ 15/16-08-2019 ರ ರಾತ್ರಿ ಚಿನ್ನ ಹಾಗೂ ಬೆಳ್ಳಿಯ ಆಭರಣಗಳನ್ನು ಕಳವು ಮಾಡಿದ್ದು, ಅಲ್ಲದೇ ಕಳವು ಮಾಡಿದ್ದ ಆರೋಪಿಗಳೆಲ್ಲರೂ ಚಿನ್ನಾಭರಣಗಳನ್ನು ಪಾಲು ಮಾಡಲಾಗಿರುತ್ತದೆ. ತಲೆಮರೆಸಿಕೊಂಡಿರುವ ರಾಜಸ್ಥಾನ ಹಾಗೂ ಗುಜರಾತ್ ನ ಐವರು ಆರೋಪಿಗಳ ದಸ್ತಗಿರಿ ಬಗ್ಗೆ ಬಾಕಿ ಇರುತ್ತದೆ.
ಸದ್ರಿ ಕಳ್ಳತನ ಮಾಡಿದ ತಂಡವು ರಾಜಸ್ಥಾನ ಹಾಗೂ ಗುಜರಾತ್ ರಾಜ್ಯದ ಕುಖ್ಯಾತ ಕಳ್ಳರನ್ನು ಒಳಗೊಂಡ ತಂಡವಾಗಿದ್ದು, ಸದ್ರಿ ಕಳ್ಳತನ ತಂಡವು ಗುಜರಾತ್ ಹಾಗೂ ರಾಜಸ್ಥಾನವನ್ನು ಹೊರತುಪಡಿಸಿದ ಹೊರ ರಾಜ್ಯಕ್ಕೆ ವಿವಿಧ ಕೆಲಸಕ್ಕೆ ಭೇಟಿ ಮಾಡಿ, ಹಿಂತಿರುಗುವ ಸಮಯ ರಾಷ್ಟ್ರೀಯ ಹೆದ್ದಾರಿ ಬದಿಯಲ್ಲಿ ಕಾವಲುಗಾರರು, ಸಿಸಿ ಕ್ಯಾಮಾರ ಇಲ್ಲದ ಚಿನ್ನದ ಅಂಗಡಿಗಳನ್ನು ಹಗಲು ಸಮಯ ನೋಡಿ, ಬಳಿಕ ಕಳ್ಳತನಕ್ಕೆ ಹೊಂಚು ಹಾಕಿ ರಾತ್ರಿ ಸಮಯ ಕಳ್ಳತನ ಮಾಡಿ, ಹಿಂತಿರುಗುವ ತಂಡವಾಗಿದ್ದು, ಕಳ್ಳರ ವಾಸ ಸ್ಥಳವಾದ ಗುಜರಾತ್ ನ ರಲಿಯಾಟಿ, ಹಾಗೂ ರಾಜಸ್ಥಾನದ ದಿವೋಲಿ ವಠಾರದಲ್ಲಿ ಕುಖ್ಯಾತ ಕಳ್ಳರೇ ವಾಸ ಮಾಡಿಕೊಂಡಿರುವ ಗ್ರಾಮವಾಗಿರುತ್ತದೆ. ಸದ್ರಿ ಗ್ರಾಮಕ್ಕೆ ತೆರಳಿ, ಖಚಿತ ಮಾಹಿತಿ ಮೇರೆಗೆ ಪ್ರಕರಣ ಭೇಧಿಸಿದ ತಂಡಕ್ಕೆ ಇಲಾಖಾ ಮೇಲಾಧಿಕಾರಿಗಳು ಪ್ರಶಂಶಿಸಿರುತ್ತಾರೆ.
ಸದ್ರಿ ಪ್ರಕರಣದ ಪತ್ತೆಯ ಕಾರ್ಯಾಚರಣೆಯಲ್ಲಿ ದ.ಕ ಜಿಲ್ಲಾ ಪೊಲೀಸ್ ಅಧೀಕ್ಷಕರಾದ ಲಕ್ಷ್ಮೀ ಪ್ರಸಾದ್ ಐ.ಪಿ.ಎಸ್‌ ಮತ್ತು ಹೆಚ್ಚುವರಿ ಪೊಲೀಸ್ ಅಧೀಕ್ಷಕರಾದ ಶ್ರೀ ಡಾ| ವಿಕ್ರಮ್ ಅಮಟೆ ರವರ ಮಾರ್ಗದರ್ಶನದಲ್ಲಿ, ಪುತ್ತೂರು ಉಪವಿಭಾಗದ ಪೊಲೀಸ್ ಉಪಾಧೀಕ್ಷಕರಾದ ಶ್ರೀ ದಿನಕರ ಶೆಟ್ಟಿ ರವರ ನಿರ್ದೇಶನದಲ್ಲಿ ಅಪರಾಧ ಪತ್ತೆ ತಂಡದಲ್ಲಿ ಪುತ್ತೂರು ಗ್ರಾಮಾಂತರ ವೃತ್ತ ನಿರೀಕ್ಷಕರಾದ ನಾಗೇಶ್ ಕದ್ರಿ ಹಾಗೂ ಉಪ್ಪಿನಂಗಡಿ ಠಾಣಾ ಪಿಎಸ್‌ಐ ನಂದಕುಮಾರ್ ಎಂಎಂ, ಸಿಬ್ಬಂಧಿಗಳಾದ ಪುತ್ತೂರು ನಗರ ಠಾಣಾ ಎಎಸ್‌ಐ ಚಿದಾನಂದ ರೈ, ಡಿಸಿಐಬಿ ಘಟಕದ ಪ್ರವೀಣ್‌ ದೇವಾಡಿಗ, ಪ್ರವೀಣ್‌ ರೈ, ಉಪ್ಪಿನಂಗಡಿ ಠಾಣೆಯ ಹರೀಶ್ಚಂದ್ರ, ಇರ್ಷಾದ್‌, ಪುತ್ತೂರು ಸಂಚಾರ ಠಾಣೆಯ ಸ್ಕರಿಯ, ಬೆಳ್ತಂಗಡಿ ಸಂಚಾರ ಠಾಣೆಯ ಮನೋಹರ, ಪುತ್ತೂರು ಗ್ರಾಮಾಂತರ ಠಾಣೆಯ ಆದ್ರಾಂ, ವಿನಯ್‌, ಬಂಟ್ವಾಳ ಸಂಚಾರ ಠಾಣೆಯ ಪ್ರಶಾಂತ್ ರೈ, ವಿಟ್ಲ ಠಾಣೆ ಪ್ರಸನ್ನ, ಪುತ್ತೂರು ಗ್ರಾಮಾಂತರ ವೃತ್ತ ಕಛೇರಿ ಜಗದೀಶ್, ಗಣಕಯಂತ್ರ ವಿಭಾಗದ ಸಂಪತ್, ದಿವಾಕರ್ ರವರು ಸದ್ರಿ ಪ್ರಕರಣದ ಪತ್ತೆ ಕಾರ್ಯದಲ್ಲಿ ಭಾಗಿಯಾಗಿರುತ್ತಾರೆ.
