ಬೆಳ್ತಂಗಡಿ ತಾಲೂಕಿನ ಸರಕಾರಿ ಪ್ರೌಢಶಾಲೆ ಕರಾಯ ಇಲ್ಲಿ ಕನ್ನಡಭಾಷಾ ಸಹಶಿಕ್ಷಕರಾಗಿ ಸೇವೆಸಲ್ಲಿಸಿದ ಶ್ರೀಯುತ ನಾಗರಾಜ ಡಿ. ಯವರು ಶಿವಮೊಗ್ಗ ಜಿಲ್ಲೆಗೆ ವರ್ಗಾವಣೆ ಹೊಂದಿದ ಪ್ರಯುಕ್ತ ಬೀಳ್ಕೊಡುಗೆ ಸಮಾರಂಭವನ್ನು ಹಮ್ಮಿಕೊಳ್ಳಲಾಯಿತು.-ಕಹಳೆ ನ್ಯೂಸ್
ಬೆಳ್ತಂಗಡಿ : ಬೆಳ್ತಂಗಡಿ ತಾಲೂಕಿನ ಸರಕಾರಿ ಪ್ರೌಢಶಾಲೆ ಕರಾಯ ಇಲ್ಲಿ ಕನ್ನಡಭಾಷಾ ಸಹಶಿಕ್ಷಕರಾಗಿ ಸೇವೆಸಲ್ಲಿಸಿದ ಶ್ರೀಯುತ ನಾಗರಾಜ ಡಿ. ಯವರು ಶಿವಮೊಗ್ಗ ಜಿಲ್ಲೆಗೆ ವರ್ಗಾವಣೆ ಹೊಂದಿದ ಪ್ರಯುಕ್ತ ಬೀಳ್ಕೊಡುಗೆ ಸಮಾರಂಭವನ್ನು ಹಮ್ಮಿಕೊಳ್ಳಲಾಯಿತು.
ಸಮಾರಂಭದಲ್ಲಿ ಮುಖ್ಯ ಅತಿಥಿಗಳಾಗಿ ಬಂಟ್ವಾಳ ತಾಲೂಕಿನ ವೃತ್ತನಿರೀಕ್ಷಕರಾದ ಶ್ರೀ. ನಾಗರಾಜ ಟಿ. ಡಿ. ಉಪಸ್ಥಿತರಿದ್ದು 11 ವರ್ಷಗಳ ಸುದೀರ್ಘ ಸೇವೆಸಲ್ಲಿಸಿದ ತನ್ನ ಸ್ನೇಹಿತರಾದ ಶಿಕ್ಷಕ ನಾಗರಾಜ್ ರ ಭವಿಷ್ಯದ ವೃತ್ತಿಜೀವನಕ್ಕೆ ಶುಭಕೋರಿದರು ಹಾಗೂ ಕರಾಯ ಪ್ರೌಢಶಾಲೆ ಯ ನಿವೃತ್ತ ಮುಖ್ಯೋಪಾಧ್ಯಾಯರಾದ ಶ್ರೀ. ನೋಣಯ್ಯ ಗೌಡ ರವರು ತಮ್ಮೊಂದಿಗೆ ಸಹೋದ್ಯೋಗಿಯಾಗಿ ಕಳೆದ ದಿನಗಳನ್ನು ನೆನೆದು ಶುಭವನ್ನು ಹರಸಿದರು.
ಸಮಾರಂಭದ ಅಧ್ಯಕ್ಷತೆಯನ್ನು ಮುಖ್ಯಶಿಕ್ಷಕರಾದ ಶಿವುಬಾಳು ಎಸ್. ಹೆಚ್. ವಹಿಸಿ ಶಿಕ್ಷಕರ ಸೇವೆಯನ್ನು ಸ್ಮರಿಸಿ ಸಮಸ್ತರ ಪರವಾಗಿ ಸಕಲ ಗೌರವಗಳಿಂದ ಬೀಳ್ಕೊಟ್ಟರು. ಎಸ್ ಡಿ ಎಂ ಸಿ ಯ ಉಪಾಧ್ಯಕ್ಷರಾದ ಚಂದ್ರಹಾಸ ಭಂಡಾರಿ, ಸದಸ್ಯರಾದ ಜನಾರ್ಧನ ಆಚಾರ್ಯ , ಬೂದಪ್ಪ, ಹಳೆಯ ವಿದ್ಯಾರ್ಥಿ ಸಂಘದ ಪ್ರಮುಖರಾದ ಕೇಶವ ಗೌಡ, ನವಾಜ್, ಇಶ್ರತ್, ರೋನಿಕಾ ಹಾಗೂ ಇನ್ನಿತರರು, ಶಾಲೆಯ ಎಲ್ಲ ಬೋಧಕ/ಕೇತರ ವೃಂದದವರು,ವಿದ್ಯಾರ್ಥಿ ವೃಂದ, ಗ್ರಾಮಸ್ಥರು ಉಪಸ್ಥಿತರಿದ್ದು ಶುಭಕೋರಿದರು.
