‘ಬಿಗ್ ಬಾಸ್’ ಮನೆಯಲ್ಲಿ ಹೊಸ ಸದಸ್ಯರೊಬ್ಬರ ಎಂಟ್ರಿ ಆಗಿದೆ. ವೈಲ್ಡ್ ಕಾರ್ಡ್ ಎಂಟ್ರಿ ಮೂಲಕ ನಟಿ ರಕ್ಷಾ ಸೋಮಶೇಖರ್ ‘ಬಿಗ್ ಬಾಸ್’ ಮನೆಗೆ ಪ್ರವೇಶಿಸಿದ್ದಾರೆ.
ಅವರಿಗೆ ಸೀಕ್ರೆಟ್ ಟಾಸ್ಕ್ ನೀಡಲಾಗಿದೆ. ಅದೇ ರೀತಿ ಕಿಶನ್ ಗೆ ಸೀಕ್ರೆಟ್ ಟಾಸ್ಕ್ ನೀಡಲಾಗಿದ್ದು, ರಕ್ಷಾ ಅವರನ್ನು ಮಾಜಿ ಪ್ರೇಮಿ ಎನ್ನುವಂತೆ ಎಲ್ಲರಿಗೂ ನಂಬಿಸಬೇಕು. ಇದನ್ನು ಯಾರಿಗೂ ಹೇಳಬಾರದು ಎಂದು ಕಿಶನ್ ಗೆ ತಿಳಿಸಲಾಗಿದೆ. ಅಂತೆಯೇ ‘ಬಿಗ್ ಬಾಸ್’ ಮನೆಯಲ್ಲಿ ರಕ್ಷಾ ಮತ್ತು ಕಿಶನ್ ಪ್ರೇಮಿಗಳ ರೀತಿಯಲ್ಲೇ ಕಾಣಿಸಿಕೊಂಡಿದ್ದಾರೆ.
ಇನ್ನು ಕ್ಯಾಪ್ಟನ್ ಚಟುವಟಿಕೆಗೆ ನೀಡಲಾಗಿದ್ದ ಟಾಸ್ಕ್ ನಲ್ಲಿ ಹೆಚ್ಚು ಕಲ್ಲಂಗಡಿ ಹಣ್ಣು ತಿನ್ನುವ ಮೂಲಕ ಕುರಿ ಪ್ರತಾಪ್ ಆಯ್ಕೆಯಾಗಿದ್ದಾರೆ. ಈ ವಾರ ನಾಮಿನೇಟ್ ಮಾಡಲು ಸದಸ್ಯರಿಗೆ ಅಂಕಗಳನ್ನು ನೀಡಲು ತಿಳಿಸಲಾಗಿತ್ತು. 19 ಅಂಕ ಪಡೆದ ಚಂದನ್ ಆಚಾರ್ ನಾಮಿನೇಟ್ ಆಗಿದ್ದಾರೆ. ಪೃಥ್ವಿ 16, ಭೂಮಿ ಶೆಟ್ಟಿ 8 ಮತ್ತು 5 ಅಂಕ ಪಡೆದ ಕಿಶನ್ ನಾಮಿನೇಟ್ ಆಗಿದ್ದಾರೆ.
ರಾಜು ತಾಳಿಕೋಟೆ ಅವರನ್ನು ಮನೆಯಿಂದ ಹೊರಹೋದ ಸುಜಾತಾ ನೇರ ನಾಮಿನೇಟ್ ಮಾಡಿದ್ದು, ಕ್ಯಾಪ್ಟನ್ ಕುರಿ ಪ್ರತಾಪ್ ಅವರು ಶೈನ್ ಶೆಟ್ಟಿ ಅವರನ್ನು ನೇರ ನಾಮಿನೇಟ್ ಮಾಡಿದ್ದಾರೆ.
