ಕಲ್ಲಡ್ಕ ಡಾ. ಪ್ರಭಾಕರ್ ಭಟ್ ಅಧ್ಯಕ್ಷತೆಯ ಪುತ್ತೂರಿನ ವಿವೇಕಾನಂದ ವಿದ್ಯಾಸಂಸ್ಥೆ | ಪರೇಶ್ ಮೇಸ್ತಾ ಹಾಗೂ ದೀಪಕ್ ರಾವ್ ಮನೆಗೆ ಅಮಿತ್ ಷಾ ಭೇಟಿ – ಕಹಳೆ ನ್ಯೂಸ್
ಮಂಗಳೂರು : ಮೂರು ದಿನಗಳ ಕಾಲ ರಾಜ್ಯಕ್ಕೆ ಭೇಟಿ ನೀಡಲಿರುವ ಭಾರತೀಯ ಜನತಾ ಪಕ್ಷದ ರಾಷ್ಟ್ರೀಯ ಅಧ್ಯಕ್ಷ ಅಮಿತ್ ಷಾ ಅವರು ಈ ಸಂದರ್ಭ ದಕ್ಷಿಣ ಕನ್ನಡ ಹಾಗೂ ಉಡುಪಿ ಜಿಲ್ಲೆಗೆ ಭೇಟಿ ನೀಡಲಿದ್ದಾರೆ.
ಪುತ್ತೂರಿನ ಡಾ. ಕಲ್ಲಡ್ಕ ಪ್ರಭಾಕರ್ ಭಟ್ ಅಧ್ಯಕ್ಷತೆಯ ವಿವೇಕಾನಂದ ವಿದ್ಯಾಸಂಸ್ಥೆಗೆ ಶಾ ಭೇಟಿ ನೀಡಿ, ವಿದ್ಯಾರ್ಥಿಗಳನ್ನುದ್ದೇಶಿಸಿ ಮಾತನಾಡಲಿದ್ದಾರೆ.
ನಂತರ ಕುಕ್ಕೆಸುಬ್ರಹ್ಮಣ್ಯ, ಧರ್ಮಸ್ಥಳ ಕ್ಷೇತ್ರಗಳ ಸಂದರ್ಶನ ಮಾಡಲಿದ್ದಾರೆ.
ಜನವರಿ 03 ರಂದು ಇಸ್ಲಾಮಿಕ್ ಜಿಹಾದಿಗಳಿಂದ ಹತ್ಯೆಯಾಗಿದ್ದ ಮಂಗಳೂರಿನ ದೀಪಕ್ ರಾವ್ ಕಾಟಿಪಳ್ಳ ಇವರ ಮನೆಗೆ ಇದೇ ಬರುವ ಫೆ. 19 ರಂದು ಭೇಟಿ ನೀಡಿ ದೀಪಕ್ ರಾವ್ ತಾಯಿಗೆ ಸಾಂತ್ವಾನ ಹೇಳಲಿದ್ದಾರೆ ಎಂದು ತಿಳಿದು ಬಂದಿದೆ.
ಫೆ.20ಕ್ಕೆ ಮೃತ ಪರೇಶ ಮನೆಗೆ ಭೇಟಿ ನೀಡಲಿರೋ ಶಾ..
ಫೆ 20ರಂದು ದಕ್ಷಿಣ ಕನ್ನಡದಿಂದ ಶಿರಸಿಗೆ ಪ್ರವೇಶಿಸಿಲಿರುವ ಶಾ ಹೊನ್ನಾವರದಲ್ಲಿ ಡಿ 8ರಂದು ಜಿಹಾದಿಗಳಿಂದ ಅನುಮಾನಾಸ್ಪದವಾಗಿ ಹತ್ಯೆಯಾದ ಪರೇಶ ಮೇಸ್ತಾ ಮನೆಗೆ ಭೇಟಿ ನೀಡಿ ಅವರ ಕುಟುಂಬಕ್ಕೆ ಧೈರ್ಯ ತುಂಬಲಿದ್ದಾರೆ.
ಬಿಜೆಪಿ ರಾಷ್ಟ್ರಾಧ್ಯಕ್ಷ ಅಮಿತ್ ಷಾ ರ ಮೂರು ದಿನಗಳ ಕರ್ನಾಟಕ ಭೇಟಿಯೂ ಫೆಬ್ರವರಿ 18 ರಿಂದ ಫೆ. 20 ರವರೆಗೆ ನಡೆಯಲಿದ್ದು ಅವರು ಈ ಸಂದರ್ಭ ಉಭಯ ಜಿಲ್ಲೆಗಳಾದ ದಕ್ಷಿಣ ಕನ್ನಡ ಹಾಗೂ ಉಡುಪಿಯ ವಿಶ್ವ ವಿಖ್ಯಾತ ದೇವಾಲಯಗಳಾದ ಕುಕ್ಕೆ ಸುಬ್ರಮಣ್ಯ ಹಾಗೂ ಉಡುಪಿಯ ಶ್ರೀ ಕೃಷ್ಣ ಮಠಕ್ಕೆ ಭೇಟಿ ನೀಡಲಿದ್ದಾರೆ.
ತಮ್ಮ ಮೂರೂ ದಿನಗಳ ಕರ್ನಾಟಕ ಭೇಟಿಯ ಸಂದರ್ಭ ಅಮಿತ್ ಷಾ ಅವರು ಬಿಜೆಪಿ ಕಾರ್ಯಕರ್ತರೊಂದಿಗೆ, ಕಾಲೇಜು ವಿದ್ಯಾರ್ಥಿಗಳೊಂದಿಗೆ, ನವಶಕ್ತಿ ಸಮಾವೇಶದಲ್ಲಿ, ಹಾಗೂ ಮಲ್ಪೆಯಲ್ಲಿ ಮೊಗವೀರ ಸಮುದಾಯದವರನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ.
ವರದಿ : ಕಹಳೆ ನ್ಯೂಸ್
