ಸರಕಾರಿ ಉನ್ನತೀಕರಿಸಿದ ಹಿರಿಯ ಪ್ರಾಥಮಿಕಶಾಲೆ ಮೈರೋಳ್ತಡ್ಕ ಕ್ರೀಡಾಂಗಣದಲ್ಲಿ ಹೊನಲು ಬೆಳಕಿನ ವಾಲಿಬಾಲ್ ಪಂದ್ಯಾಟ-ಕಹಳೆ ನ್ಯೂಸ್
ಫ್ರೆಂಡ್ಸ್ ಮೈರೋಳ್ತಡ್ಕ ಇದರ ವತಿಯಿಂದ ಪ್ರಥಮ ವರ್ಷದ MVL – 2019 ಬಂದಾರು ಗ್ರಾಮ ಮಟ್ಟದ 08 ತಂಡಗಳ ಲೀಗ್ ಮಾದರಿಯ ಹೊನಲು ಬೆಳಕಿನ ವಾಲಿಬಾಲ್ ಪಂದ್ಯಾಟ 21/12/2019 ಸಂಜೆ 7.00 PMಗೆ ಸರಕಾರಿ ಉನ್ನತೀಕರಿಸಿದ ಹಿರಿಯ ಪ್ರಾಥಮಿಕ ಶಾಲಾ ಕ್ರೀಡಾಂಗಣ, ಮೈರೋಳ್ತಡ್ಕದಲ್ಲಿ ನಡೆಯಲಿದೆ.
ಸಿದ್ದಿ ವಿನಾಯಕ ದೇವಸ್ಥಾನ ಪೆರ್ಲದೈಪಾಡಿಯ ಪ್ರಧಾನ ಅರ್ಚಕರು ಪ್ರಶಾಂತ್ ಹೊಳ್ಳ ಕಾರ್ಯಕ್ರಮವನ್ನು ಉದ್ಘಾಟಿಸಲಿದ್ದಾರೆ. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ತಾಲೂಕು ಪಂಚಾಯತ್‍ನ ಮಾಜಿ ಅಧ್ಯಕರಾದ ಚಂದಪ್ಪ ಪೂಜಾರಿ ಬೊಲೋಡಿ ವಹಿಸಲಿದ್ದು, ರಘಪತಿ ಭಟ್ ಅನಾಬೆ ಕ್ರೀಡಾಂಗಣವನ್ನು ಉದ್ಘಾಟಿಸಲಿದ್ದಾರೆ.
ಮುಖ್ಯ ಅತಿಥಿಯಾಗಿ ಮೈರೋಳ್ತಡ್ಕ ಶೀನಪ್ಪ ಗೌಡ, ಪ್ರಗತಿ ಪರ ಕೃಷಿಕರಾದ ಕುಂಞ್ಞಣ್ಣ ಗೌಡ ನಿರುಂಬುಡ, ಇಳಂತಿಲ ಕ್ಷೇತ್ರ ಕೃಷ್ಣಯ್ಯ ಆಚಾರ್ಯ ಸೇರಿದಂತೆ ಅನೇಕರು ಭಾಗಿಯಾಗಲಿದ್ದಾರೆ. ಇನ್ನು ಹೊನಲು ಬೆಳಕಿನ ವಾಲಿಬಾಲ್ ಪಂದ್ಯಾಟ ಪ್ರಥಮ ಬಹುಮಾನ ವಿಜೇತರಿಗೆ 4,444 ಹಾಗೂ ಶಾಶ್ವತ ಫಲಕ. ದ್ವಿತೀಯ ಬಹುಮಾನ ವಿಜೇತರಿಗೆ 3,333 ಹಾಗೂ ಶಾಶ್ವತ ಫಲಕ. ತೃತೀಯ ಮತ್ತು ಚತುರ್ಥ ಬಹುಮಾನ ವಿಜೇತರಿಗೆ 1,111 ಹಾಗೂ ಶಾಶ್ವತ ಫಲಕ ಪಡೆಯಲಿದ್ದಾರೆ.
