ರಸ್ತೆ ಅಪಘಾತ: ಕರ್ನಾಟಕಕ್ಕೆ 4ನೇ ಸ್ಥಾನ, ರಾಷ್ಟ್ರೀಯ ಹೆದ್ದಾರಿಗಳಲ್ಲೇ ಹೆಚ್ಚು ಆಕ್ಸಿಡೆಂಟ್- ಕಹಳೆ ನ್ಯೂಸ್
ದೇಶದಲ್ಲಿ ಅತೀ ಹೆಚ್ಚು ಅಪಘಾತ ಸಂಭವಿಸುವ ರಾಜ್ಯಗಳಲ್ಲಿ ಕರ್ನಾಟಕಕ್ಕೆ ನಾಲ್ಕನೇ ಸ್ಥಾನವಿದೆ.
ಅಂದರೆ ಪ್ರತೀ ತಿಂಗಳಿಗೆ ಸರಾಸರಿ 30 ಮಂದಿ ರಸ್ತೆಯಲ್ಲಿ ಜೀವ ಕಳೆದುಕೊಳ್ಳುತ್ತಾರೆ. ದೇಶದ ರಸ್ತೆ ಅಪಘಾತ ಸಾವಿನಲ್ಲಿ ಉತ್ತರ ಪ್ರದೇಶ ಅಗ್ರ ಸ್ಥಾನದಲ್ಲಿದ್ದು, ವರ್ಷಕ್ಕೆ 38,783 ಅಪಘಾತದಲ್ಲಿ 20,124ಮಂದಿ ಬಲಿಯಾಗಿದ್ದಾರೆ.
ರಸ್ತೆ ಅಪಘಾತ: ಕರ್ನಾಟಕಕ್ಕೆ 4ನೇ ಸ್ಥಾನ, ರಾಷ್ಟ್ರೀಯ ಹೆದ್ದಾರಿಗಳಲ್ಲೇ ಹೆಚ್ಚು ಆಕ್ಸಿಡೆಂಟ್…
ಮಂಗಳೂರು: ದೇಶದಲ್ಲಿ ಅತೀ ಹೆಚ್ಚು ಅಪಘಾತ ಸಂಭವಿಸುವ ರಾಜ್ಯಗಳಲ್ಲಿ ಕರ್ನಾಟಕಕ್ಕೆ ನಾಲ್ಕನೇ ಸ್ಥಾನವಿದೆ. ಅಂದರೆ ಪ್ರತೀ ತಿಂಗಳಿಗೆ ಸರಾಸರಿ 30 ಮಂದಿ ರಸ್ತೆಯಲ್ಲಿ ಜೀವ ಕಳೆದುಕೊಳ್ಳುತ್ತಾರೆ. ದೇಶದ ರಸ್ತೆ ಅಪಘಾತ ಸಾವಿನಲ್ಲಿ ಉತ್ತರ ಪ್ರದೇಶ ಅಗ್ರ ಸ್ಥಾನದಲ್ಲಿದ್ದು, ವರ್ಷಕ್ಕೆ 38,783 ಅಪಘಾತದಲ್ಲಿ 20,124ಮಂದಿ ಬಲಿಯಾಗಿದ್ದಾರೆ.
ದ್ವಿತೀಯ ಸ್ಥಾನ ತಮಿಳುನಾಡು (65,562 ಅಪಘಾತ, 16,157ಸಾವು) ಮೂರನೇ ಸ್ಥಾನ ಮಹಾರಾಷ್ಟ್ರ (35,853 ಅಪಘಾತ 12,264ಮೃತ್ಯು) ಮತ್ತು ನಾಲ್ಕನೇ ಸ್ಥಾನದಲ್ಲಿ ಕರ್ನಾಟಕವಿದೆ. ರಾಜ್ಯದಲ್ಲಿ ವರ್ಷದಲ್ಲಿ 43,542 ಅಪಘಾತದಲ್ಲಿ 10,609ಮಂದಿ ಜೀವ ಕಳೆದುಕೊಳ್ಳುತ್ತಿದ್ದಾರೆ. ಮುಂದಿನ ಸ್ಥಾನಗಳಲ್ಲಿ ಕ್ರಮವಾಗಿ ರಾಜಸ್ತಾನ, ಮಧ್ಯಪ್ರದೇಶ, ಆಂಧ್ರ ಪ್ರದೇಶ, ಗುಜರಾತ್‌, ತೆಲಂಗಾಣ, ಪಶ್ಚಿಮ ಬಂಗಾಳ, ಬಿಹಾರ, ಹರ್ಯಾಣ, ಒಡಿಸ್ಸಾ, ಪಂಜಾಬ್‌ ರಾಜ್ಯಗಳಿವೆ.
ಜಾಹೀರಾತು
ಜಾಹೀರಾತು
ಜಾಹೀರಾತು
ಪ್ರಮುಖ ಕಾರಣಗಳು
ರಾಜ್ಯದಲ್ಲಿ ಸಂಭವಿಸುವ ಅಪಘಾತಗಳಿಗೆ ಪ್ರಮುಖ ಕಾರಣ ವೇಗದ ಚಾಲನೆಯಾಗಿದ್ದು, ಇದರಿಂದ ಶೇ. 66.7ರಷ್ಟು ಸಾವುಗಳು ಸಂಭವಿಸುತ್ತಿವೆ. ಮದ್ಯಪಾನ, ಡ್ರಗ್ಸ್‌ ಸೇವಿಸಿ ವಾಹನ ಚಾಲನೆ ಮಾಡಿ ಸಾವಿಗೀಡಾದವರ ಸಂಖ್ಯೆ ಶೇಕಡಾ 3.2ರಷ್ಟಾಗಿದ್ದು, ಚಾಲನೆ ಸಂದರ್ಭ ಮೊಬೈಲ್‌ ಸೇರಿದಂತೆ ನಾನಾ ಸಂವಹನ ಮಾಧ್ಯಮಗಳನ್ನು ಬಳಕೆ ಮಾಡುವುದರಿಂದ ಶೇ.2ರಷ್ಟು ಮಂದಿ ಮೃತಪಡುತ್ತಿದ್ದಾರೆ.
ಜಾಹೀರಾತು
ಜಾಹೀರಾತು
ಜಾಹೀರಾತು
ಪ್ರಯಾಣಿಕರ ಸುರಕ್ಷತೆಗಾಗಿ ರಸ್ತೆ ನಿಯಮ ಪಾಲಿಸಿ
ರಾಷ್ಟ್ರೀಯ ಹೆದ್ದಾರಿಗಳಲ್ಲಿಅಧಿಕ
ರಾಜ್ಯದ ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಅತೀ ಹೆಚ್ಚು ಅಂದರೆ, ಶೇ. 36ರಷ್ಟು ರಸ್ತೆ ಅಪಘಾತಗಳು ಸಂಭವಿಸುತ್ತವೆ. ಉಳಿದ ಅಪಘಾತಗಳು ರಾಜ್ಯ ಹೆದ್ದಾರಿ ಮತ್ತು ಇನ್ನಿತರ ರಸ್ತೆಗಳಲ್ಲಿಉಂಟಾಗುತ್ತವೆ. ರಾಜ್ಯದ ನಗರಗಳಲ್ಲಿ ಅಪಘಾತಗಳ ಪ್ರಮಾಣಗಳು ಇಳಿಮುಖವಾಗುತ್ತಿದ್ದು, ನಗರ ಹೊರ ಪ್ರದೇಶಗಳಲ್ಲಿಏರಿಕೆಯಾಗುತ್ತಿದೆ. ದ್ವಿಚಕ್ರ ವಾಹನಗಳು ಅತೀ ಹೆಚ್ಚು ಅಪಘಾತಕ್ಕೆ ಒಳಗಾಗುತ್ತಿವೆ.
ನಿಯಂತ್ರಣಕ್ಕೆ ಏನು ಕ್ರಮ?
- – ವೇಗ ನಿಯಂತ್ರಣ, ಚಾಲನೆ ಸಂದರ್ಭ ಹೆಚ್ಚು ಲಕ್ಷ್ಯ ವಹಿಸುವುದು
- – ನಿದ್ದೆಯ ಮಂಪರಿನಲ್ಲಿ ಡ್ರೈವಿಂಗ್‌ ಮಾಡದಿರುವುದು.
- – ಅಮಲು ಪದಾರ್ಥ ಸೇವಿಸಿ ಚಾಲನೆ ನಿಷೇಧ
- – ವಾಹನಗಳನ್ನು ಸುಸ್ಥಿತಿಯಲ್ಲಿಟ್ಟುಕೊಳ್ಳುವುದು
- – ರಸ್ತೆ ನಿಯಮಗಳನ್ನು ಪಾಲಿಸುವುದು
- – ಸ್ಥಳೀಯಾಡಳಿತ ಸಂಸ್ಥೆಗಳು ಸೂಕ್ತ ಮೂಲಭೂತ ಸೌಕರ್ಯ ಒದಗಿಸುವುದು.
- – ಪಾದಾಚಾರಿಗಳ ಬಗ್ಗೆ ಗಮನ ಹರಿಸುವುದು.
- – ಪ್ರತಿಯೊಬ್ಬರ ಜೀವ ಅಮೂಲ್ಯ ಎಂಬ ಚಿಂತನೆ ಬೆಳೆಸಿಕೊಳ್ಳುವುದು.
