ರಾಜ್ಯ ಮಟ್ಟದ ಅಂತರ್‍ಕಾಲೇಜು ಫುಟ್‍ಬಾಲ್ ಪಂದ್ಯಾಟ ಸಂತ ಫಿಲೋಮಿನಾ ಕಾಲೇಜಿಗೆ ಪ್ರಶಸ್ತಿ_ಕಹಳೆ ನ್ಯೂಸ್
ಪುತ್ತೂರು: ಮೈಸೂರಿನ ಮೈಸೂರ್ ಇನ್‍ಸ್ಟಿಟ್ಯೂಟ್ ಆಫ್ ಕಾಮರ್ಸ್ ಮತ್ತು ಆರ್ಟ್ ಕಾಲೇಜಿನ ಆಶ್ರಯದಲ್ಲಿ ರಾಜ್ಯ ಮಟ್ಟದ ಅಂತರ್‍ಕಾಲೇಜು ಮೈಕಾ ಫುಟ್‍ಬಾಲ್ ಚಾಂಪಿಯನ್‍ಶಿಪ್‍ನಲ್ಲಿ ಪುತ್ತೂರಿನ ಸಂತ ಫೀಲೋಮಿನಾ ಕಾಲೇಜು ತಂಡವು ಪ್ರಶಸ್ತಿಯನ್ನು ಮುಡಿಗೇರಿಸಿದ ಸಾಧನೆ ಮಾಡಿದೆ.
ಸುಮರು 40 ತಂಡಗಳು ಭಾಗವಹಿಸಿದ್ದ ಈ ಪ್ರತಿಷ್ಠಿತ ಪಂದ್ಯಾವಳಿಯಲ್ಲಿ ಸಂತ ಫಿಲೋಮಿನಾ ಕಾಲೇಜು ತಂಡವು ಫೈನಲ್ ಕಾದಾಟದಲ್ಲಿ ಮೈಸೂರಿನ ಎನ್.ಐ.ಇ. ಕಾಲೇಜು ತಂಡವನ್ನು 5-0 ಅಂತರದಲ್ಲಿ ಮಣಿಸಿ, ಪ್ರಶಸ್ತಿ ಜಯಿಸಿತು. ಇದಕ್ಕೂ ಮೊದಲು ನಡೆದ ಸೆಮಿಫೈನಲ್‍ನಲ್ಲಿ ಫಿಲೋಮಿನಾ ತಂಡವು ಮೈಸೂರಿನ ಸೇಪಿಯಂಟ್ ತಂಡವನ್ನು 11-10 ಗೋಲುಗಳ ರೋಮಾಂಚಕ ಕಾದಾಟದಲ್ಲಿ ಸೋಲಿಸಿತು.
ಈ ಚಾಂಪಿಯನ್‍ಶಿಪ್‍ನಲ್ಲಿ ಒಟ್ಟಾಗಿ 8 ಗೋಲುಗಳನ್ನು ದಾಖಲಿಸಿದ ಫಿಲೋಮಿನಾದ ಪಾಂಡ್ಯನ್ ಎಮ್ ಇವರು ಉತ್ತಮ ಆಟಗಾರ ಪ್ರಶಸ್ತಿಗೆ ಭಾಜನರಾದರು.
ತಂಡದ ಸದಸ್ಯರು: ಕಿಸು ಎಚ್ ಆರ್(ನಾಯಕ), ಪಾಂಡ್ಯನ್ ಎಮ್, ಚಿಕ್ಕೇ ಗೌಡ, ಅರವಿಂದ ಎಸ್, ಪವನ್ ಪಿ.ಆರ್, ಮಹಮ್ಮದ್ ಜುನೈದ್, ತನ್ವೀರ್ ಪಿ.ಎ ಮತ್ತು ಅರ್ಜುನ್ ನಾಯರ್.
