ಮಹಿಳೆಯ ಖಾಸಗಿ ಕ್ಷಣಗಳ ವಿಡಿಯೋ ಇಟ್ಟುಕೊಂಡು ಬ್ಲಾಕ್ಮೇಲ್: ಮದ್ವೆಯಾಗೋದಾಗಿ ನಂಬಿಸಿ ಲೈಂಗಿಕ ದೌರ್ಜನ್ಯ-ಕಹಳೆ ನ್ಯೂಸ್
ಶ್ರೇಯಾ ಅವರನ್ನು ಮದುವೆ ಆಗೋದಾಗಿ ಇಸ್ಮಾಯಿಲ್ ಭರವಸೆ ಕೂಡಾ ನೀಡಿದ. ಆಕೆಯ ಜೊತೆಗೆ ದೈಹಿಕ ಸಂಪರ್ಕ ಬೆಳೆಸಿದ. ಶ್ರೇಯಾ ಅವರ ಫೋನ್‌ನಲ್ಲಿದ್ದ ಆಕೆಯ ಖಾಸಗಿ ವಿಡಿಯೋಗಳನ್ನು ಆಕೆಗೆ ಗೊತ್ತಾಗದ ರೀತಿಯಲ್ಲಿ ತನ್ನ ಮೊಬೈಲ್‌ಗೆ ಟ್ರಾನ್ಸ್‌ಫರ್ ಮಾಡಿಕೊಂಡ.
ಕೆಲ ದಿನಗಳ ಬಳಿಕ ಹೊಟೇಲ್‌ನ ಟೆರೇಸ್‌ಗೆ ಶ್ರೇಯಾ ಅವರನ್ನು ಕರೆದ ಇಸ್ಮಾಯಿಲ್, ತನ್ನ ಬಳಿ ಖಾಸಗಿ ಫೋಟೋ, ವಿಡಿಯೋ ಇರೋದಾಗಿ ಬೆದರಿಕೆ ಹಾಕಿದ. ಅದನ್ನು ಡಿಲೀಟ್ ಮಾಡಬೇಕೆಂದರೆ ದೈಹಿಕ ಸಂಪರ್ಕ ಬೆಳೆಸಬೇಕೆಂದು ಒತ್ತಾಯಿಸಿದ. ಅಷ್ಟೇ ಅಲ್ಲ, ಮದುವೆ ಆಗುವುದಾಗಿಯೂ ಭರವಸೆ ನೀಡಿದ. ಆತನ ಒತ್ತಾಯಕ್ಕೆ ಶ್ರೇಯಾ ಮಣಿಯಲೇ ಬೇಕಾಯ್ತು. ಆದ್ರೆ, ಕೆಲ ದಿನಗಳ ಬಳಿಕ ಇಸ್ಮಾಯಿಲ್ ಮದುವೆಯಾಗಲು ನಿರಾಕರಿಸುತ್ತಾ ಬಂದ. ಒಂದು ವೇಳೆ ಒತ್ತಾಯ ಮಾಡಿದರೆ ಇಬ್ಬರ ನಡುವೆ ದೈಹಿಕ ಸಂಬಂಧ ಇರೋದಾಗಿ ಎಲ್ಲರಿಗೂ ಹೇಳೋದಾಗಿ ಬೆದರಿಕೆ ಹಾಕಿದ. ಇದಾದ ಬಳಿಕ ಆಕೆ ಕೆಲಸ ಬಿಟ್ಟು ಹೋಗಲಿ ಅನ್ನೋ ಕಾರಣಕ್ಕೆ ಕೆಲಸದ ವಿಚಾರದಲ್ಲಿ ಕಿರುಕುಳ ಕೊಡಲು ಆರಂಭಿಸಿದ.
ಇಷ್ಟೆಲ್ಲಾ ಆದ ಬಳಿಕ ಆ ಹೊಟೇಲ್‌ನಲ್ಲಿ ಕೆಲಸ ಬಿಟ್ಟ ಶ್ರೇಯಾ, ವೈಟ್‌ಫೀಲ್ಡ್‌ನಲ್ಲಿ ಇರುವ ಹೊಟೇಲ್ ಒಂದರಲ್ಲಿ ಹೌಸ್‌ ಕೀಪಿಂಗ್ ಕೆಲಸಕ್ಕೆ ಸೇರಿದರು. ಆದ್ರೆ, ಇಸ್ಮಾಯಿಲ್ ಇಲ್ಲಿಯೂ ತನ್ನ ಕಿರುಕುಳ ಮುಂದುವರೆಸಿದ್ದ. ನಿನ್ನ ಖಾಸಗಿ ದೃಶ್ಯಗಳಿವೆ ಎಂದು ಬೆದರಿಕೆ ಹಾಕಿ ಲೈಂಗಿಕವಾಗಿ ಬಳಸಿಕೊಳ್ಳುತ್ತಿದ್ದ. ಇದರಿಂದ ಸಿಟ್ಟಿಗೆದ್ದ ಶ್ರೇಯಾ ತನ್ನ ಸಹೋದರನಿಗೂ ಈ ಬಗ್ಗೆ ತಿಳಿಸಿದರು. ಬಳಿಕ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದರು.
