ಚಿನ್ನಾರಿ ಮುತ್ತ ವಿಜಯ ರಾಘವೇಂದ್ರ ಅಭಿನಯದ ಬಹುನಿರೀಕ್ಷಿತ ಮಾಲ್ಗುಡಿ ಡೇಸ್ ಸಿನಿಮಾದ ಟ್ರೇಲರ್ ಬಿಡುಗಡೆ – ಕಹಳೆ ನ್ಯೂಸ್
ಚಿನ್ನಾರಿ ಮುತ್ತ ವಿಜಯ ರಾಘವೇಂದ್ರ ಅಭಿನಯದ ಬಹುನಿರೀಕ್ಷಿತ ಮಾಲ್ಗುಡಿ ಡೇಸ್ ಸಿನಿಮಾದ ಟ್ರೇಲರ್ ಬಿಡುಗಡೆಯಾಗಿದ್ದು ಸ್ಯಾಂಡಲ್ವುಡ್‍ನಲ್ಲಿ ಸಖತ್ ಸದ್ದು ಮಾಡುತ್ತಿದೆ.65ರ ವಯಸ್ಸಿನವರಂತೆ ವಿಜಯ್ ರಾಘವೇಂದ್ರ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಮಾಲ್ಗುಡಿ ಡೇಸ್ ಚಿತ್ರವು ವಿಭಿನ್ನ ಕಥಾಹಂದರ , ಇಂಪಾದ ಹಾಡುಗಳು ಮತ್ತು ಮೇಕಿಂಗ್ ನಿಂದ ಅಭಿಮಾನಿಗಳಲ್ಲಿ ಬಹಳ ನಿರೀಕ್ಷೆಯನ್ನು ಉಂಟು ಮಾಡಿದ್ದು ಚಿತ್ರದ ಟ್ರೇಲರ್ ಬಿಡುಗಡೆಯಾಗಿದೆ.
ಫೆಬ್ರವರಿ 7ರಂದು ತೆರೆಕಾಣಲಿರುವ ಈ ಸಿನಿಮಾದಲ್ಲಿ ವಿಜಯ ರಾಘವೇಂದ್ರ ಲೇಖಕನ ಪಾತ್ರ ಮಾಡಿದ್ದಾರೆ. ಸಣ್ಣ ವಯಸ್ಸಿನಲ್ಲೆ ಮುದುಕನ ಪಾತ್ರ ಮಾಡಿ ಕುತೂಹಲ ಮೂಡಿಸಿದ್ದು ಚಿತ್ರದ ಬಗ್ಗೆ ಕುತೂಹಲ ಇನ್ನಷ್ಟು ಹೆಚ್ಚಾಗಿದೆ.ಇನ್ನುಎಂಬ ನವನಾಯಕಿ ಈ ಚಿತ್ರದ ಮೂಲಕ ಸ್ಯಾಂಡಲ್‍ವುಡ್‍ಗೆ ಎಂಟ್ರಿ ಕೊಟ್ಟಿದ್ದಾರೆ.
ಇನ್ನು ಈ ಸಿನಿಮಾದ ವಿಶೇಷವೆಂದರೆ ಎರಡು ಗೆಟಪ್‍ನಲ್ಲಿ ವಿಜಯ ರಾಘವೇಂದ್ರ ಚಿತ್ರಕ್ಕೆ ಜಿವತುಂಬಿದ್ದಾರೆ. ‘ಮಾಲ್ಗುಡಿ ಡೇಸ್ ಎನ್ನುವುದು ಸಿನಿಮಾದಲಿ ್ಲಕಾಲ್ಪನಿಕ ಊರು. ಅದಕ್ಕೊಂದು ಭವ್ಯ ಇತಿಹಾಸವಿದೆ.
ಮಲೆನಾಡಿನ ಈ ಊರಿನಲ್ಲಿ ಲಕ್ಷ್ಮೀ ನಾರಾಯಣ ಮಾಲ್ಗುಡಿ ಎಂಬ 65ರ ವಯಸ್ಸಿನ ಲೇಖಕ. ಈ ಬರಹಗಾರ ಏಕಾಏಕಿ ತನ್ನ ಬರವಣಿಗೆ ನಿಲ್ಲಿಸಿ ನಿವೃತ್ತಿ ಘೋಷಿಸುತ್ತಾನೆ.
ಅನಂತರ ಅವನ ಜೀವನದಲ್ಲಿ ಹಲವು ಘಟನೆಗಳು ಎದುರಾಗುತ್ತವೆ. ಅವುಗಳನ್ನು ಆತ ಹೇಗೆ ಸ್ವೀಕರಿಸುತ್ತಾನೆ ಎನ್ನುವುದೇ ಸಿನಿಮಾದ ಒನ್ ಲೈನ್ ಸ್ಟೋರಿ
‘ಕಥಾನಾಯಕನ ಪಾತ್ರವೇ ಸಿನಿಮಾದ ಪ್ರಧಾನ ಪಾತ್ರವಾಗಿದ್ದು ಈಗಾಗಲೇ ಟ್ರೇಲರ್ ಮತ್ತು ಪೆÇೀಸ್ಟರ್ ನೋಡಿದ ಅನೇಕರು ಮೆಚ್ಚುಗೆ ಸೂಚಿಸಿದ್ದಾರೆ. ತುಳುವಿನಲ್ಲಿ ಶತದಿನ ಕಂಡ ‘ಅಪ್ಟೆ ಟೀಚರ್’ ಎಂಬ ಸಿನಿಮಾ ಮಾಡಿದ್ದ ಕಿಶೋರ್, ಈ ಚಿತ್ರದ ಮೂಲಕ ಕನ್ನಡ ಸಿನಿಮಾ ರಂಗಕ್ಕೂ ಪ್ರವೇಶ ಮಾಡಿ ಟೀಸರ್ ಮತ್ತು ಟ್ರೇಲರ್ ಮೂಲಕ ಭರವಸೆಯನ್ನೂ ಮೂಡಿಸಿದ್ದಾರೆ.
ಸ್ವಯಂಪ್ರಭ ಎಂಟರ್‍ಟೈನ್‍ಮೆಂಟ್ ಲಾಂಛನದಲ್ಲಿ ಕೆ.ರತ್ನಾಕರ್ ಕಾಮತ್ ಅವರು ನಿರ್ಮಿಸುತ್ತಿದ್ದಾರೆ. ಚಿತ್ರಕ್ಕೆ ಉದಯ್ ಲೀಲಾ ಅವರ ಛಾಯಾಗ್ರಹಣವಿದೆ. ಪ್ರದೀಪ್ ನಾಯಕ್ ಸಂಕಲನವಿರುವ ಈ ಚಿತ್ರಕ್ಕೆ ಗಗನ್ ಖಡೇರಿಯಾ ಸಂಗೀತ ನೀಡಿದ್ದಾರೆ.
ಇನ್ನು ಮೆಲೋಡಿಯಸ್ ಸಾಂಗ್ ಪ್ರಕೃತಿ ಸೌಂದರ್ಯದ ನಡುವೆ ವಿಭಿನ್ನ ಕಥಾ ಹಂದರದ ಸಿನಿಮಾ ಇದಾಗಿದ್ದು ಸ್ಯಾಂಡಲ್ವುಡ್‍ನಲ್ಲಿ ಶತದಿನ ಯಶಸ್ಸು ಕಾಣುವುದರಲ್ಲಿ ಅನುಮಾನವೇ ಇಲ್ಲ ಎನ್ನುವುದು ಸಿನಿ ಪ್ರಿಯರ ಅಭಿಪ್ರಾಯವಾಗಿದೆ.
