ಪುತ್ತೂರು: ಟೀಮ್ ರಾಗ್ ಸ್ಪರ್ಶಂ ಪ್ರಸ್ತುತಪಡಿಸುತ್ತಿದೆ ಮುತ್ತಿನ ನಗರಿ ಪುತ್ತೂರಿಗೊಂದು ಮುತ್ತಿನಂಥಾ ಸಂಸ್ಥೆ; ಧನ್ಯಾ- ದಿ ಮ್ಯೂಸಿಕಲ್ ಹಬ್ ರೆಕಾರ್ಡಿಂಗ್ ಸ್ಟುಡಿಯೋ ನಾಳೆ ಶುಭಾರಂಭ- ಕಹಳೆ ನ್ಯೂಸ್
ಪುತ್ತೂರು: ಕಳೆದ ಹಲವು ವರ್ಷಗಳಿಂದ ಕನ್ನಡ ಹಾಗೂ ಪರಭಾಷಾ ಚಿತ್ರರಂಗದ ಹಲವು ಸಂಗೀತ ನಿರ್ದೇಶಕರೊಂದಿಗೆ ಕೆಲಸ ಮಾಡಿದ ಅನುಭವವಿರುವ ಹಾಗೂ ಸ್ವತಃ ಅದ್ಭುತ ಸಂಗೀತ ನಿರ್ದೇಶನವನ್ನೂ ಮಾಡಿರುವ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅಭಿನಯದ “ನಟ ಸಾರ್ವಭೌಮ” ಚಿತ್ರದ ಪ್ರೋಮೋ ಹಾಡಿನ ಮೂಲಕ ಕರ್ನಾಟಕದಾದ್ಯಂತ ಖ್ಯಾತಿ ಗಳಿಸಿದ ಯುವ ಸಂಗೀತ ನಿರ್ದೇಶಕ-ತಂತ್ರಜ್ಞ ಸಂಗೀತ್ ಕೆ.ಸಿ ಮತ್ತು ಕಳೆದ ಹಲವಾರು ವರ್ಷಗಳಿಂದ ಕಲಾವಿದರಾಗಿ, ಆಡಿಯೋ ಆಲ್ಬಂ ನಿರ್ಮಾಪಕರಾಗಿ ಪುತ್ತೂರಿಗರಿಗೆ ಚಿರಪರಿಚಿತರಾಗಿರುವ “ಶಿವ ಆರ್ಟ್ಸ್” ಸಂಸ್ಥೆಯ ಶಿವಪ್ರಸಾದ್ ಹೆಗ್ಡೆಯವರ ಜಂಟಿ ಸಾರಥ್ಯದಲ್ಲಿ ಪುತ್ತೂರಿಗರಿಗೆ ಚಲನಚಿತ್ರಗಳ ಗುಣಮಟ್ಟದ ಆಡಿಯೋ ರೆಕಾರ್ಡಿಂಗ್ ಸೌಲಭ್ಯ ಒದಗಿಸುವ ನಿಟ್ಟಿನಲ್ಲಿ ವಿನೂತನವಾದ “ಧನ್ಯಾ-ದ ಮ್ಯೂಸಿಕಲ್ ಹಬ್” ರೆಕಾರ್ಡಿಂಗ್ ಸ್ಟುಡಿಯೋ ಇದೇ ಫೆಬ್ರವರಿ 7, ಶುಕ್ರವಾರದಂದು ಬೆಳಿಗ್ಗೆ ಪುತ್ತೂರಿನ ಬೊಳುವಾರಿನಲ್ಲಿರುವ ಆರ್ ಕೆ ವಾಣಿಜ್ಯ ಸಂಕೀರ್ಣದ ನೆಲಮಹಡಿಯಲ್ಲಿ ಶುಭಾರಂಭಗೊಳ್ಳಲಿದೆ.
ಚಲನಚಿತ್ರದ ಗುಣಮಟ್ಟದ ಸಂಗೀತ ತಂತ್ರಜ್ಞರು ಕರಾವಳಿಯ ಜಿಲ್ಲೆಗಳಲ್ಲಿ ಬೆರಳೆಣಿಕೆಯಷ್ಟೇ ಇರುವಂತಹ ಈ ಸಂದರ್ಭದಲ್ಲಿ ಅಂತಹ ಅದ್ಭುತ ಆಡಿಯೋ ತಂತ್ರಜ್ಞರಾದ ಸಂಗೀತ್ ಕೆ ಸಿಯವರು ಪುತ್ತೂರಿನಲ್ಲಿ ಈ ಒಂದು ಸ್ಟುಡಿಯೋ ತೆರೆಯುತ್ತಿರುವುದು ನಿಜಕ್ಕೂ ಖುಷಿಯ ಸಂಗತಿ. ಇಲ್ಲಿ ಹಾಡುಗಳನ್ನು, ಪ್ರಕಟಣೆಗಳನ್ನು, ಇತ್ಯಾದಿ ಆಡಿಯೋ ರೆಕಾರ್ಡಿಂಗ್ ಗಳನ್ನು ಅತ್ಯಂತ ಉತ್ತಮ ಗುಣಮಟ್ಟದೊಂದಿಗೆ ಸ್ಪರ್ಧಾತ್ಮಕ ದರದಲ್ಲಿ ಮಾಡಿಕೊಡಲಾಗುವುದು.
