ಲವ್ – ಡೌವ್ ಎಂದು ಕುರುಚಲು ಗಡ್ಡ, ಒಟ್ಟೆ ಬೈಕ್ ಹಿಡಿದು ತಿರುಗುವ ಯುವಕ ಮಧ್ಯೆ ಮಾನವೀಯತೆ ಮೆರೆದ ಕಲ್ಲೇಗ ಮಂಜಲ್ಪಡ್ಪುವಿನ ಯುವಕರು ; ಈ ಹುಡುಗರು ಮಾಡಿದ್ದೇನು ಗೊತ್ತಾ..? – ಕಹಳೆ ನ್ಯೂಸ್
ಪುತ್ತೂರು : ವಾಟ್ಸಾಪ್, ಫೇಸ್ಬುಕ್, ಲವ್ – ಡೌವ್ ಎಂದು ತಿರುಗಾಡುವ ಹುಡುಗರ ಮಧ್ಯೆ ಇಲ್ಲೊಂದು ಯುವಕರ ತಂಡ ಮಾದರಿ ಎಂಬುವ ಕೆಲಸ ಮಾಡಿದೆ. ರಸ್ತೆ ಬದಿಯಲ್ಲಿ ಭಿಕ್ಷೆ ಬೇಡುತ್ತಿರುವ ಭಿಕ್ಷುಕರನ್ನ ಕಂಡರೆ ಮಾರುದ್ದ ಓಡುತ್ತಾರೆ. ಅಷ್ಟ ಅಲ್ಲದೆ ಯಾವುದೇ ಅಪರಿಚಿತ ವ್ಯಕ್ತಿ ದಿಕ್ಕಿಲ್ಲದೆ, ಒಪತ್ತಿನ ಊಟಕ್ಕೂ ಪರದಾಡುವಂತಿದ್ದರೆ ಅವನತ್ತ ಕಣ್ಣಾಯಿಸುವವರೆ ಕಡಿಮೆ. ಆದ್ರೆ ಕಲ್ಲೇಗ ಮತ್ತು ಮಂಜಲ್ಪಡ್ಪುವಿನ ಯುವಕರ ತಂಡವೊಂದು ಈ ಎಲ್ಲಾ ವಿಚಾರಗಳಿಗೂ ಸಡ್ಡು ಹೊಡೆದು ನಿಂತಿದ್ದಾರೆ.
ಅಪರಿಚಿತ ವ್ಯಕ್ತಿಯಾದ ಕೇರಳ ಮೂಲದ ಬಾಬು ಎಂಬವರು ಹಲವಾರು ವರ್ಷದಿಂದ ನೆಹರೂ ನಗರ ಪರಿಸರದಲ್ಲಿ ಅಲೆದಾಡುತ್ತಿದ್ದರು. ಈ ಅಪರಿಚಿತ ವ್ಯಕ್ತಿಗೆ ಕಲ್ಲೇಗ ಮತ್ತು ಮಂಜಲ್ಪಡ್ಪುವಿನ ಚಿರ ಯುವಕರ ತಂಡ ನೆರವಾಗಿದ್ದು, ಬಾಬು ಎಂಬವರಿಗೆ ಊಟ ನೀಡಿ, ಕೂದಲು ಗಡ್ಡ ಕತ್ತರಿಸಿ, ಸ್ನಾನ ಮಾಡಿಸಿ, ಹೊಸ ಬಟ್ಟೆ ಕೊಡಿಸಿ, ಉಪಚರಿಸಿದ್ದಾರೆ.
ಹೆತ್ತ ತಂದೆ ತಾಯಿಯರನ್ನ ಅನಾಥಶ್ರಮಕ್ಕೆ ಸೇರಿಸಿ, ಹಾಯಾಗಿ ಕೈ ತೊಳೆದು ಕೊಳ್ಳುವ ಇಂದಿನ ಸ್ಪರ್ಥ ಜನರ ಮುಂದೆ, ಈ ಯುವಕರ ತಂಡ ಮಾನವೀಯತೆ ಮೆರೆದು ಇಡೀ ಸಮಾಜಕ್ಕೆ ಮಾದರಿಯಾಗಿದ್ದಾರೆ.
