1,50,000 ಮೊತ್ತದ ಬ್ರಾಸ್ಲೆಟ್ ಹಿಂದಿರುಗಿಸಿ ಪ್ರಾಮಾಣಿಕತೆ ಮೆರೆದ ಕಾರ್ಕಳದ ಆಶೀರ್ವಾದ್ ಮ್ಯಾಕ್ಸಿ ಕ್ಯಾಬ್‍ನ ಮಾಲಕರು – ಕಹಳೆ ನ್ಯೂಸ್
ಕುಕ್ಕುಂದೂರು ಜೋಡುರಸ್ತೆ ನಿವಾಸಿಗಳಾದ ಶ್ರೀ ಲಿಯೋ ಫೆನಾರ್ಂಡಿಸ್ ಇವರು ಚಲಾಯಿಸುತ್ತಿರುವ ವಾಹನ ಮ್ಯಾಕ್ಸಿ ಕ್ಯಾಬ್ ನಲ್ಲಿ ಕಾರ್ಕಳ ನಕ್ರೆಯಿಂದ ಅಲಂಗಾರ್‍ಗೆ ಮದುವೆ ದಿಬ್ಬಣ ಕರೆದುಕೊಂಡು ಹೋಗಿ ಬರುವ ಸಂದರ್ಭದಲ್ಲಿ, ವಿಲ್ಸನ್ ಡಿಸೋಜ ನಕ್ರೆ ಕಾರ್ಕಳ ಇವರು ಸುಮಾರು ರೂ.1,50,000 ಮೊತ್ತದ ಬ್ರಾಸ್ಲೆಟ್ ಕಳೆದುಕೊಂಡಿರುತ್ತಾರೆ.
ಆಶೀರ್ವಾದ್ ಮ್ಯಾಕ್ಸಿ ಕ್ಯಾಬ್‍ನ ಚಾಲಕರು ಹಾಗೂ ಮಾಲಕರಿಗೆ ಅದು ಸಿಕ್ಕಿದ್ದು ಅದನ್ನು ಪ್ರಾಮಾಣಿಕವಾಗಿ ಕಾರ್ಕಳ ನಗರ ಪೆÇಲೀಸ್ ಠಾಣೆಯಲ್ಲಿ ಹಿಂದಿರುಗಿಸಿದ್ದಾರೆ. ಈ ಸಂದರ್ಭ ಕಾರ್ಕಳ ನಗರ ಠಾಣಾಧಿಕಾರಿಗಳಾದ ಮಧು,ಬಿ,ಇ ಯವರು ಟ್ಯಾಕ್ಸಿ ಚಾಲಕರಿಗೆ ಅಭಿನಂದನೆ ಸಲ್ಲಿಸಿದರು. ಈ ಸಂದರ್ಭ ಆಟೋರಿಕ್ಷಾ ಚಾಲಕರ ಸಂಘಗಳ ಒಕ್ಕೂಟ ಉಡುಪಿ ಜಿಲ್ಲೆ ಇದರ ಕಾರ್ಯಾಧ್ಯಕ್ಷರಾದ ಸಂತೋμï ರಾವ್, ಟ್ಯಾಕ್ಸಿ ಚಾಲಕರ ಸಂಘ ಕಾರ್ಕಳ ತಾಲೂಕು ಇದರ ಅಧ್ಯಕ್ಷರಾದ ದೀಪಕ್ ಹೆಗಡೆ, ಆಟೋರಿಕ್ಷಾ ಚಾಲಕ ಮಾಲಕರ ಸಂಘ ಕಾರ್ಕಳ ತಾಲೂಕು ಇದರ ಕಾರ್ಯದರ್ಶಿ ಶ್ರೀ ಅಣ್ಣಿ ಮಡಿವಾಳ, ಟ್ಯಾಕ್ಸಿ ಚಾಲಕ ಶ್ರೀ ಗಣೇಶ್ ಹಾಗೂ ಇತರ ಟ್ಯಾಕ್ಸಿ ಚಾಲಕರು ಉಪಸ್ಥಿತರಿದ್ದರು.
