ವಿಶ್ವ ಹಿಂದೂ ಪರಿಷತ್ ಭಜರಂಗದಳ ಪಿಲಿಗೂಡು ಘಟಕ ಇದರ ವತಿಯಿಂದ ಹುತಾತ್ಮ ವೀರ ಯೋಧರಿಗೆ ನುಡಿ ನಮನ -ಕಹಳೆ ನ್ಯೂಸ್
ಚೀನಾದ ಕುತಂತ್ರದ ವಿರುದ್ಧ ಎದೆಯೊಡ್ಡಿ ನಿಂತು ರಾಷ್ಟ್ರದ ರಕ್ಷಣೆಗಾಗಿ ಹೋರಾಡಿ ಹುತಾತ್ಮರಾದ ಭಾರತೀಯ ಸೇನೆಯ ವೀರ ಯೋಧರಿಗೆ ಹಾಗೂ ಹೃದಯಾಘಾತ ದಿಂದ ಸಾವಿಗೀಡಾದ ಯೋಧ ಸಂದೇಶ್ ಶೆಟ್ಟಿ ಅಲಿಂಗಿರ ಇವರಿಗೆ ವಿಶ್ವ ಹಿಂದೂ ಪರಿಷತ್ ಭಜರಂಗದಳ ಪಿಲಿಗೂಡು ಇದರ ವತಿಯಿಂದ ಬಾರ್ಯ ಪಿಲಿಗೂಡು ಶ್ರೀ ರಾಮಾಂಜನೇಯ ಸಭಾಭವನದಲ್ಲಿ ನುಡಿನಮನ ಸಲ್ಲಿಸಲಾಯಿತು.
ಭಾರತೀಯ ಸೇನಾ ನಿವೃತ್ತ ಹವಾಲ್ದಾರ್ ಶ್ರೀಯುತ ರೋಹಿತ್ ಸುಣ್ಣಾಜೆ ಇವರು ನುಡಿ ನಮನ ಸಲ್ಲಿಸಿದರು. ಕಾರ್ಯಕರ್ತ ಬಂಧುಗಳು ಮತ್ತು ಸಜ್ಜನ ರಾಷ್ಟ್ರ ಭಕ್ತ ಬಂಧುಗಳು ಪುಷ್ಪಾರ್ಚನೆಗೈದು ನಮನ ಸಲ್ಲಿಸಿದರು.
ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಪ್ರಮುಖರಾದ ರವಿ ಇಲಂತಿಲ , ವಿಶ್ವ ಹಿಂದೂ ಪರಿಷತ್ ಜಿಲ್ಲಾ ಕಾರ್ಯದರ್ಶಿ ಭಾಸ್ಕರ ಧರ್ಮಸ್ಥಳ, ಬೆಳ್ತಂಗಡಿ ಪ್ರಖಂಡ ವಿಶ್ವ ಹಿಂದೂ ಪರಿಷತ್ ಕಾರ್ಯದರ್ಶಿ ನವೀನ್ ನೆರಿಯ, ಧಾರ್ಮಿಕ ಮುಂದಾಳು ಮನೋಹರ್ ಶೆಟ್ಟಿ,ಉಪನ್ಯಾಸಕರು ದಾಮೋದರ್ ಪಂಜೀಕ್ಕು, ಗುಣಾಕರ ಅಗ್ನಡಿ ಹಾಗೂ ಹಲವಾರು ರಾಷ್ಟ ಭಕ್ತ ಬಂಧುಗಳು ಮತ್ತು ಪಿಲಿಗೂಡು ಘಟಕದ ಎಲ್ಲಾ ಸದಸ್ಯರುಗಳು ಉಪಸ್ಥಿತರಿದ್ದರು…
