ಮಲ್ಟಿ ಬ್ಯಾಂಕ್ ಮಾದರಿಯಲ್ಲಿ ಯುನಿಫೈಡ್ ಪೇಮೆಂಟ್ ಇಂಟರ್ ಫೇಸ್ (ಯುಪಿಐ) ಮೂಲಕ ಲೈವ್ ಹೋಗಲು ಈ ಸೇವೆ ರಾಷ್ಟ್ರೀಯ ಪಾವತಿ ನಿಗಮದಿಂದ (ಎನ್ ಪಿಸಿಐ) ಅನುಮೋದನೆಯನ್ನು ಪಡೆದನಂತರ ಜನಪ್ರಿಯ ಮೆಸೇಜಿಂಗ್ ಆಪ್ ವಾಟ್ಸಾಪ್ ಮೂಲಕ ನೀವು ಈಗ ಹಣ ಕಳುಹಿಸಲು ಬಹುದಾಗಿದೆ. ಎರಡು ವರ್ಷಗಳ ಪರೀಕ್ಷೆಯ ನಂತರ ಇದೀಗ ನೀವು ವಾಟ್ಸ್ ಆಪ್ ಮೂಲಕವೂ ಹಣ ವರ್ಗಾವಣೆ ಮಾಡಬಹುದಾಗಿದೆ.
ಈ ಕುರಿತಂತೆ ಮಾಹಿತಿ ಹಂಚಿಕೊಂಡಿರುವ ಫೇಸ್ ಬುಕ್ ಸಿಇಒ ಮಾರ್ಕ್ ಜುಕರ್ ಬರ್ಗ್ ಅವರು, ‘ನಾವು ಈ ಬಗ್ಗೆ ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾದೊಂದಿಗೆ ಕೆಲಸ ಮಾಡುತ್ತಿದ್ದೇವೆ. ಅವರು ಸುರಕ್ಷಿತ ಮತ್ತು ವಿಶ್ವಾಸಾರ್ಹ ಎಂಬುದನ್ನು ಖಚಿತಪಡಿಸಿಕೊಳ್ಳಲು ಎಲ್ಲವನ್ನೂ ಮೇಲ್ವಿಚಾರಣೆ ಮಾಡುತ್ತಾರೆ. ನಾವು ಇದನ್ನು ಭಾರತದ ಯುನಿಫೈಡ್ ಪೇಮೆಂಟ್ಸ್ ಇಂಟರ್ಫೇಸ್ ಬಳಸಲು ತಯಾರಿ ನಡೆಸಿದ್ದೇವೆ. ಇದು ಬೇರೆ ಬೇರೆ ಆಪ್ ಗಳಲ್ಲಿ ಪಾವತಿಗಳನ್ನು ತಕ್ಷಣವೇಗವಾಗಿ ಸ್ವೀಕರಿಸಲು ವಾಟ್ಸ್ ಆಪ್ ಬಳಕೆದಾರರಿಗೆ ಸುಲಭವಾಗುವಂತೆ ಮಾಡುತ್ತದೆ. ಜನರಿಗೆ ಉತ್ತಮ ಸೇವೆಗಳನ್ನು ಒದಗಿಸಲು ಕಂಪನಿಗಳು ಸುಲಭವಾಗುವಂತೆ ಮಾಡುತ್ತದೆ’ ಎಂದು ತಿಳಿಸಿದ್ದಾರೆ.
‘ಯುಪಿಐ ನೊಂದಿಗೆ ಭಾರತವು ನಿಜವಾಗಿಯೂ ವಿಶೇಷವಾದುದನ್ನು ಸೃಷ್ಟಿಸಿದೆ. ಭಾರತದ ಆರ್ಥಿಕತೆಯ ಬೆನ್ನೆಲುಬಾಗಿರುವ ಸೂಕ್ಷ್ಮ ಮತ್ತು ಸಣ್ಣ ಉದ್ಯಮಗಳಿಗೆ ಅವಕಾಶಗಳ ಪ್ರಪಂಚವನ್ನು ತೆರೆದಿಡುತ್ತಿದೆ. ಭಾರತ ಇಂತಹ ಕೆಲಸ ಮಾಡಿದ ಮೊದಲ ದೇಶ. ಈ ಪ್ರಯತ್ನಗಳನ್ನು ಬೆಂಬಲಿಸಲು ಮತ್ತು ಹೆಚ್ಚು ಡಿಜಿಟಲ್ ಇಂಡಿಯಾವನ್ನು ಸಾಧಿಸಲು ಸಹಾಯ ಮಾಡಲು ನಾವು ಒಟ್ಟಾಗಿ ಕೆಲಸ ಮಾಡಲು ಸಾಧ್ಯವಾಗಿದೆ. ಇದರಿಂದ ಸಂತೋಷವಾಗುತ್ತಿದೆ. ಇದನ್ನು ಸಾಧ್ಯವಾಗಿಸಿದ ನಮ್ಮ ಎಲ್ಲ ಪಾಲುದಾರರಿಗೆ ನಾನು ಧನ್ಯವಾದಗಳನ್ನು ಅರ್ಪಿಸಲು ಬಯಸುತ್ತೇನೆ’ ಎಂದು ಅವರು ಹೇಳಿದರು.
ಯುಪಿಐನಲ್ಲಿ ಗರಿಷ್ಠ 20 ಮಿಲಿಯನ್ ಬಳಕೆದಾರರನ್ನು ಹೊಂದಿರುವ ವಾಟ್ಸಾಪ್ ತನ್ನ ಯುಪಿಐ ಬಳಕೆದಾರರ ನೆಲೆಯನ್ನು ಗ್ರೇಡ್ ಆಗಿ ವಿಸ್ತರಿಸಬಹುದು ಎಂದು ಎನ್ ಪಿಸಿಐ ತಿಳಿಸಿದೆ.
ಫೇಸ್ ಬುಕ್ ಒಡೆತನದ ಖಾಸಗಿ ಮೆಸೇಜಿಂಗ್ ಸೇವೆಯು ಭಾರತದಲ್ಲಿ 400 ಮಿಲಿಯನ್ ಬಳಕೆದಾರರನ್ನು ಹೊಂದಿದೆ. ವಾಟ್ಸ್ ಆಪ್ ಡೇಟಾ ಸ್ಥಾನೀಕರಣದ ಅಗತ್ಯಗಳನ್ನು ಪೂರೈಸಿರುವುದಾಗಿ ಆಗಸ್ಟ್ ನಲ್ಲಿ ಎನ್ ಪಿಸಿಐ ಭಾರತೀಯ ರಿಸರ್ವ್ ಬ್ಯಾಂಕ್ ಗೆ ಮಾಹಿತಿ ನೀಡಿದ ನಂತರ ಈ ಕ್ರಮ ಕೈಗೊಳ್ಳಲಾಗಿದೆ. ಜೂನ್ ನಲ್ಲಿ ಬ್ರೆಜಿಲ್ ವಾಟ್ಸಾಪ್ ಪೇಮೆಂಟ್ ಸೇವೆಯನ್ನು ಆರಂಭಿಸಿದ ಮೊದಲ ದೇಶ ಎಂಬ ಹೆಸರು ಗಳಿಸುತ್ತದೆ. ಭಾರತದಲ್ಲಿ, ವಾಟ್ಸಾಪ್ ಪೇಮೆಂಟ್ ಸೇವೆಯು ಇತರ ಪ್ರಮುಖ ಸಂಸ್ಥೆಗಳಾದ ಗೂಗಲ್ ಪೇ ಮತ್ತು ಫೋನ್ ಪೇ ಗಳೊಂದಿಗೆ ಪೈಪೋಟಿ ನಡೆಸಲಿದೆ.
ವಾಟ್ಸಾಪ್ ಪೇ ಹತ್ತು ಪ್ರಾದೇಶಿಕ ಭಾರತೀಯ ಭಾಷೆಗಳಲ್ಲಿ ಲಭ್ಯವಿದ್ದು, ಐಓಎಸ್ ಮತ್ತು ಆಂಡ್ರಾಯ್ಡ್ ಬಳಕೆದಾರರು ಆಪ್ ನ ಇತ್ತೀಚಿನ ಆವೃತ್ತಿಗೆ ಅಪ್ ಡೇಟ್ ಮಾಡುವ ಮೂಲಕ ಇದನ್ನು ಬಳಸಬಹುದು.
