ಶಾಲಾ ಬಾಲಾಕಿಗೆ ಸ್ಟ್ರೇ ಸಿಂಪಡಿಸಿ ಪರಾರಿಯಾದ ಅಪರಿಚಿತರು; ರಸ್ತೆಯಲ್ಲಿ ಪ್ರಜ್ಞೆ ತಪ್ಪಿ ಬಿದ್ದ ಬಾಲಕಿಯನ್ನು ಆಸ್ವತ್ರೆಗೆ ದಾಖಲಿಸಿದ ಸ್ಥಳೀಯರು-ಕಹಳೆ ನ್ಯೂಸ್
ಸುಳ್ಯ: ಸುಳ್ಯ ತಾಲೂಕಿನ ಅಮರಮುಡ್ನೂರು ಗ್ರಾಮದ ಕುಕ್ಕುಜಡ್ಕದ ಆನೆಕಾರ್ ಎಂಬಲ್ಲಿನ ಶಾಲಾ ಬಾಲಕಿಯೊಬ್ಬಳಿಗೆ ಬೈಕ್‍ನಲ್ಲಿ ಬಂದ ಅಪರಿಚಿತರು ಸ್ಟ್ರೇ ಸಿಂಪಡಿಸಿದ ಘಟನೆ ನಡೆದಿದೆ.
ರಾಗಿಯಡ್ಕದ ಬಾಲಕಿ ಕುಕ್ಕುಜಡ್ಕ ಶಾಲೆಗೆ ಮಧ್ಯಾಹ್ನ ಬರುತ್ತಿದ್ದಾಗ ಅಪರಿಚಿತರು ಸ್ಟ್ರೇ ಸಿಂಪಡಿಸಿದರು. ಇದರಿಂದಾಗಿ ಬಾಲಕಿ ರಸ್ತೆಯಲ್ಲಿ ಪ್ರಜ್ಞೆ ತಪ್ಪಿ ಬಿದ್ದಿದ್ದಳು, ಹಾಗಾಗಿ ಸ್ಥಳೀಯರು ಬಾಲಕಿಯನ್ನು ಗಮನಿಸಿ ಆಸ್ವತ್ರೆಗೆ ದಾಖಲಿಸಿದ್ದಾರೆ. ರಸ್ತೆಯಲ್ಲಿ ಬೇರೆ ವಾಹನ ಬರುವ ಶಬ್ಧ ಕೇಳಿ ಅಪರಿಚಿತರು ಬಾಲಕಿಯನ್ನು ಬಿಟ್ಟು ಅಪರಿಚಿತರು ಹೋದರೆಂದು ಹೇಳಲಾಗುತ್ತಿದೆ. ಅದೇ ದಾರಿಯಲ್ಲಿ ರಿಕ್ಷಾವೊಂದು ಬರುವಾಗ ಬಾಲಕಿ ಪ್ರಜ್ಞೆ ತಪ್ಪಿ ಮಾರ್ಗದಲ್ಲಿ ಬಿದ್ದಿರುವುದನ್ನು ಗಮನಿಸಿದ ರಿಕ್ಷಾದಲ್ಲಿದ್ದವರು ಸುಳ್ಯ ಆಸ್ವತ್ರೆಗೆ ಕರೆತಂದು ದಾಖಲಿಸಿದ್ದಾರೆ. ಆಸ್ವತ್ರೆಯಲ್ಲಿ ಬಾಲಕಿ ಪ್ರಜ್ಞೆ ಬಂದ ಬಳಿಕ, ಬೈಕಲ್ಲಿ ಬಂದವರು ಸ್ಟ್ರೇ ಮಾಡಿದ್ದಾಗಿ ಹೇಳಿದ್ದಾಳೆ. ಬಾಲಕಿಯನ್ನು ಅಪಹರಿಸಲು ಸ್ಟ್ರೇ ಸಿಂಪಡನೆ ಮಾಡಿರಬಹುದು ಎಂದು ಜನರಾಡಿಕೊಳ್ಳುತ್ತಿದ್ದಾರೆ. ಇದರ ಬಗ್ಗೆ ಪೊಲೀಸರಿಗೆ ಮಾಹಿತಿ ರವಾನಿಸಲಾಗಿದ್ದು, ತನಿಖೆ ನಡೆಸಿದ ಬಳಕವಷ್ಟೇ ಸತ್ಯಾಸತ್ಯತೆ ತಿಳಿದು ಬರಬೇಕಿದೆ.
