ಉತ್ತರಪ್ರದೇಶ : ಉತ್ತರಪ್ರದೇಶದಲ್ಲಿ ದಲಿತ ಯುವತಿಯ ಮೃತದೇಹ ಅನುಮಾನಾಸ್ಪದ ರೀತಿಯಲ್ಲಿ ಮರಕ್ಕೆ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದೆ.
ಈ ಘಟನೆಯ ಕುರಿತು ಯುವತಿಯ ಕುಟುಂಬವು ತಮ್ಮ ಪ್ರದೇಶದ ಯುವಕರು ಕಿರುಕುಳ ಕೊಟ್ಟು ಕೊಲೆ ಮಾಡಿ ನಂತರ ಆಕೆಯ ದೇಹವನ್ನು ಗಲ್ಲಿಗೇರಿಸಿದ್ದಾರೆಂದು ಆರೋಪಿಸಿದ್ದಾರೆ. 18 ಪ್ರಾಯದ ಪ್ರೀತಿ ಎಂಬ ಯುವತಿ ಶನಿವಾರ ಮಧ್ಯಾಹ್ನ ತರಕಾರಿಗಳನ್ನು ಖರೀದಿಸಲು ಮನೆಯಿಂದ ತೆರಳಿದ್ದವಳು ಮತ್ತೆ ಮನೆಗೆ ಹಿಂದಿರುಗಲಿಲ್ಲ. ಬಳಿಕ, ಆಕೆಯ ಕುಟುಂಬದ ಸದಸ್ಯರು ಬೆಲಾಟಾಲ್ ಪ್ರದೇಶದ ಮರದಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ಆಕೆಯನ್ನು ಪತ್ತೆಹಚ್ಚಿದ್ದಾರೆ ಎಂದು ಸರ್ಕಲ್ ಅಧಿಕಾರಿ ರಾಂಪ್ರವೇಶ್ ರೈ ತಿಳಿಸಿದ್ದಾರೆ. ಅಲ್ಲದೇ ಪ್ರಾಥಮಿಕವಾಗಿ ಪೆÇಲೀಸರು ಇದನ್ನು ಆತ್ಮಹತ್ಯೆಯೆಂದು ಪರಿಗಣಿಸಿದ್ದಾರೆ. ಆದರೆ, ಕಳೆದ ಒಂದು ತಿಂಗಳಿನಿಂದ ಯುವತಿಗೆ ಯುವಕನೋರ್ವ ಕರೆ ಮಾಡಿ ಕಿರುಕುಳ ನೀಡುತ್ತಿದ್ದ ಎಂದು ಯುವತಿಯ ಚಿಕ್ಕಮ್ಮ ಪೆÇಲೀಸರಿಗೆ ತಿಳಿಸಿದ್ದು, ಇದೀಗ ಕೊಲೆ ಮಾಡಿ ಪ್ರೀತಿಯ ದೇಹವನ್ನು ಮರಕ್ಕೆ ನೇಣು ಹಾಕಲಾಗಿದೆ ಎಂದು ಕುಟುಂಬಸ್ಥರು ಆರೋಪಿಸಿದ್ದಾರೆ.
