ಜೆಸಿಐ ಆಲಂಕಾರಿನಲ್ಲಿ ಸೆಲ್ಯುಟ್‍ದ ಸೈಲೆಂಟ್ ವರ್ಕರ್ ಕಾರ್ಯಕ್ರಮದ ಅಂಗವಾಗಿ, ತೆರೆ ಮರೆಯಲ್ಲಿ ಅದ್ಭುತವಾಗಿ ಕೆಲಸ ಮಾಡುವ ಕರ್ಮಯೋಗಿಗಳನ್ನು ಗುರುತಿಸಿ ಗೌರವಿಸುವ ಕಾರ್ಯಕ್ರಮ ನಡೆಯಿತು.
ಈ ಸಂದರ್ಭದಲ್ಲಿ ಆಲಂಕಾರು ವಿಭಾಗದ ಮೆಸ್ಕಾಂ ಇಲಾಖೆಯ ಮೆಕ್ಯಾನಿಕ್ ಆದ ಮತ್ತು ಘಟಕದ ಸದಸ್ಯರಾದ ಮನೋಜ್‍ಕುಮಾರ್ ಎನ್ ಇವರನ್ನು ಇವರ ಸ್ವಗೃಹದಲ್ಲೇ ಗುರುತಿಸಿ ಗೌರವಿಸಲಾಯಿತು. ಈ ಕಾರ್ಯಕ್ರಮದಲ್ಲಿ ಮಾತನಾಡಿದ ವಲಯತರಬೇತುದಾರ ಮತ್ತು ಜೆಸಿಐ ಆಲಂಕಾರು ಘಟಕದ ಪೂರ್ವಧ್ಯಕ್ಷ ಜೆಸಿ ಪ್ರದೀಪ್ ಬಾಕಿಲ, ಸಮಾಜದಲ್ಲಿರುವ ವ್ಯವಸ್ಥೆಗಳಾದ ಆಸ್ಪತ್ರೆ, ಶಾಲೆ, ವಿವಿಧ ಇಲಾಖೆಗಳು ಇಂದು ಕಾರ್ಯಚರಿಸಬೇಕಾದರೆ ವಿದ್ಯುತ್ ಇಲಾಖೆಯ ಸೇವೆ ಅತ್ಯಗತ್ಯ. ಮಳೆ ಇರಲಿ ಅಥವಾ ಬಿಸಿಲಿರಲಿ, ಯಾವುದೇ ಪರಿಸ್ಥಿತಿ ಇದ್ದರೂ ಈ ಇಲಾಖೆಯು ಸದಾ ಕ್ರಿಯಾಶೀಲವಾಗಿರುತ್ತದೆ. ಮನೋಜ್ ಅವರೂ ಯಾವಾಗಲೂ ನಗುಮೊಗದ ಸೇವೆಯನ್ನು ನೀಡುತ್ತಾ ಸಾರ್ವಜನಿಕರ ಸಮಸ್ಯೆಗಳನ್ನು ಕ್ಷಿಪ್ರವಾಗಿ ಪರಿಹರಿಸುತ್ತಾರೆ. ಅವರು ಈ ಕ್ಷೇತ್ರದಲ್ಲಿ ಇನ್ನೂ ಅಭಿವೃದ್ಧಿಯನ್ನು ಸಾಧಿಸಲಿ ಎಂದು ಶುಭಹಾರೈಸಿದರು. ಈ ಸಂದರ್ಭದಲ್ಲಿ ಘಟಕದ ಅಧ್ಯಕ್ಷರಾದ ಗಣೇಶ್ ಕಟ್ಟಪುಣಿ, ವಲಯ ಉಪಾಧ್ಯಕ್ಷರಾದ ಹೇಮಲತಾ ಪ್ರದೀಪ್ ಬಾಕಿಲ, ಸ್ಥಾಪಕಾಧ್ಯಕ್ಷ ಬಿ.ಎಲ್. ಜನಾರ್ದನ, ಪೂರ್ವಾಧ್ಯಕ್ಷರಾದ ಪ್ರದೀಪ್‍ರೈ ಮನವಳಿಕೆ, ಗುರುಕಿರಣ್ ಶೆಟ್ಟಿ, ಪೂರ್ವ ವಲಯಉಪಾಧ್ಯಕ್ಷ ಪ್ರಶಾಂತ್‍ಕುಮಾರ್‍ರೈ ಮತ್ತು ಘಟಕದ ಸದಸ್ಯರು ಉಪಸ್ಥಿತರಿದ್ದರು. ಘಟಕದ ಕಾರ್ಯದರ್ಶಿ ಚೇತನ್ ಎಂ ವಂದಿಸಿದರು.
