ಬಲೆಗೆ ಬಿದ್ದ ಮೀನಿಂದ ಅದೃಷ್ಟ ಬದಲಾಯ್ತು : ರಾತ್ರೋ ರಾತ್ರಿ ‘ಲಕ್ಷಾಧಿಪತಿ’ಯಾದ ‘ಬಡ ಮೀನುಗಾರ’ – ಕಹಳೆ ನ್ಯೂಸ್
ಸಮುದ್ರದ ಗರ್ಭದಲ್ಲಿ ಅನೇಕ ಜಾತಿಯ ಜಲಚರಗಳು ವಾಸಿಸುತ್ತವೆ. ಅವುಗಳಲ್ಲಿ ಹೆಚ್ಚಿನವು ನೂರಾರು ಬಗೆಯ ಮೀನುಗಳಿವೆ. ಅವುಗಳಲ್ಲಿ ಕೆಲವು ಮೀನುಗಾರರಿಗೆ ಅದೃಷ್ಟವನ್ನ ತರುತ್ವೆ. ಹೌದು, ರಾತ್ರೋ ರಾತ್ರಿ ಜೀವನವನ್ನ ಬದಲಾಯಿಸಿ ಬಿಡಬೋದು.
ಪಶ್ಚಿಮ ಬಂಗಾಳದಲ್ಲೂ ಇಂತಹದ್ದೇ ಘಟನೆ ನಡೆದಿದ್ದು, ಮೀನುಗಾರರ ಬಲೆಗೆ ಬಿದ್ದ ಮೀನು ಭಾರೀ ದರಕ್ಕೆ ಮಾರಾಟವಾಗಿದೆ. ಒಮ್ಮೆಲೇ ಬಂದ ಲಕ್ಷಗಳಿಂದ ಕಷ್ಟಗಳೆಲ್ಲವೂ ಕರಗಿ ಹೋಗಿವೆ. ಪೂರ್ವ ಮಿಡ್ನಾಪುರದ ಮೀನುಗಾರನು ಎಲ್ಲರಂತೆ ಸಮುದ್ರಕ್ಕೆ ಬೇಟೆಯಾಡಲು ಹೋಗಿದ್ದು, ಆತನ ಬಲೆಗೆ ತೇಲಿಯಾ ಭೋಲಾ ಮೀನು ಜಾತಿಗೆ ಸೇರಿದ ದೊಡ್ಡ ಮೀನು ಸಿಕ್ಕಿಬಿದ್ದಿದೆ. ಇದರ ತೂಕ ಬರೋಬ್ಬರಿ 50 ಕೆ.ಜಿ. ಇದ್ದು, ದೊಡ್ಡ ಮೀನು ಆಗಿರೋದ್ರಿಂದ ಮೀನುಗಾರನ ಸಂತೋಷಕ್ಕೆ ಮಿತಿಯಿಲ್ಲದಂತಾಗಿದೆ. ಅದರಲ್ಲೂ ಅದು ‘ತೆಲಿಯಾ ಭೋಲಾ’ ಮೀನು ಆಗಿದ್ದು, ಮತ್ತಷ್ಟು ಸಂಭ್ರಮಕ್ಕೆ ಕಾರಣವಾಗಿದೆ.
ಪೂರ್ವ ಭಾರತದ ಅತಿದೊಡ್ಡ ಮೀನು ಹರಾಜು ಕೇಂದ್ರವಾದ ದಿಘಾ ಮೋಹನ ಮೀನು ಹರಾಜು ಕೇಂದ್ರದಲ್ಲಿ 50 ಕೆಜಿಯ ಬೃಹತ್ ಮೀನುಗಳನ್ನ ಹರಾಜು ಮಾಡಲಾಯಿತು. ಹರಾಜಿನಲ್ಲಿ ಮೀನು ಪಡೆಯಲು ಹಲವು ವ್ಯಾಪಾರಿಗಳು ಪೈಪೋಟಿ ನಡೆಸಿದರು. ಈ ಹರಾಜು ಪ್ರಕ್ರಿಯೆ ಮೂರು ಗಂಟೆಗಳ ಕಾಲ ನಡೆದಿದ್ದು, ಅಂತಿಮವಾಗಿ ದಕ್ಷಿಣ 24 ಪರಗಣ ಜಿಲ್ಲೆಯ ನೈನಾನ್ ಪ್ರದೇಶದ ಶಿವಾಜಿ ಕಬೀರ್ ಕೆಜಿಗೆ 26,000 ರೂ.ನಂತೆ 13 ಲಕ್ಷ (13 ಲಕ್ಷಕ್ಕೆ ಮಾರಾಟವಾದ ಮೀನು) ಕೊಟ್ಟು ಖರೀದಿಸಿದ್ದಾರೆ. ವಾಸ್ತವವಾಗಿ ಆ ಮೀನಿನ ತೂಕ 55 ಕೆ.ಜಿ. ಆಗಿದ್ದು, ಅದರಲ್ಲಿ 5 ಕೆಜಿ ಮೊಟ್ಟೆ ಇದ್ದ ಕಾರಣ, ಅದನ್ನು ಹೊರತುಪಡಿಸಿ ಉಳಿದ 50 ಕೆಜಿಗೆ ಹಣ ಪಾವತಿಸಲಾಗಿದೆ. ಒಂದೇ ಮೀನಿಗೆ 13 ಲಕ್ಷ ಬರುತ್ತಿದ್ದು, ಮೀನುಗಾರರ ಸಂತಸಕ್ಕೆ ಮಿತಿಯೇ ಇಲ್ಲದಂತಾಗಿದೆ. ಇಷ್ಟು ದೊಡ್ಡ ಮೀನು ಸಿಕ್ಕಿದೆ ಎಂದು ತಿಳಿದು ಅದನ್ನು ನೋಡಲು ಸುತ್ತಮುತ್ತಲಿನ ಜನ ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಿದ್ದರು.
ಈ ಮೀನಿಗ್ಯಾಕೆ ಇಷ್ಟೊಂದು ಬೆಲೆ?
ಸಾಮಾನ್ಯವಾಗಿ ಮೀನಿನ ಬೆಲೆಯು ಪ್ರಕಾರವನ್ನ ಅವಲಂಬಿಸಿ ರೂ.100 ರಿಂದ ರೂ.1000 ವರೆಗೆ ಬದಲಾಗುತ್ತದೆ. ಈ ಮೀನಿನ ಬೆಲೆ ಕೆಜಿಗೆ 26,000 ಆಗಿದೆ. ಅಂದ್ಹಾಗೆ, ತೇಲಾ ಭೋಲಾ ಜಾತಿಯ ಮೀನುಗಳು ಹೆಚ್ಚಿನ ಚಿಕಿತ್ಸಕ ಗುಣಗಳನ್ನ ಹೊಂದಿದ್ದು, ಈ ಮೀನುಗಳನ್ನ ಅನೇಕ ರೀತಿಯ ಔಷಧಿಗಳ ತಯಾರಿಕೆಯಲ್ಲಿ ಬಳಸಲಾಗುತ್ತದೆ. ರೋಗಿಗಳ ಜೀವವನ್ನ ಉಳಿಸುವ ಅನೇಕ ಔಷಧಿಗಳಲ್ಲಿ ಅವುಗಳನ್ನು ಬಳಸಲಾಗುತ್ತದೆ. ಅವುಗಳನ್ನ ಅತ್ಯಂತ ದುಬಾರಿ ಮೀನು ಎಂದು ಕರೆಯಲಾಗುತ್ತದೆ. ಈ ಮೀನುಗಳು ಯಾರದ್ದೋ ಬಲೆಯಲ್ಲಿ ಸಿಕ್ಕಿಬಿದ್ದಿದ್ದು ಗೊತ್ತಾದರೆ ದೊಡ್ಡ ಕಂಪನಿಗಳು ಅವುಗಳನ್ನ ಪಡೆಯಲು ಪೈಪೆÇೀಟಿ ನಡೆಸುತ್ತವೆ. ವಿದೇಶಿ ಕಂಪನಿಗಳೂ ಭಾರಿ ದರ ನೀಡಲು ಸಿದ್ಧವಾಗಿವೆ. ಅಂತಹ ದರದ ಭೋಲಾ ಮೀನುಗಳನ್ನ ಪಡೆಯಲು ಮೀನುಗಾರರು ಸಾಕಷ್ಟು ಪ್ರಯತ್ನಗಳನ್ನ ಮಾಡುತ್ತಾರೆ. ಆದ್ರೆ, ಸಿಗೋದು ತೀರಾ ಅಪರೂಪ.
