ಮಂಗಳೂರು: TCCOH ಕರ್ನಾಟಕ ಇದರ ಪ್ರಥಮವಾರ್ಷಿಕೋತ್ಸವದ ಅಂಗವಾಗಿಆಂಬುಲೆನ್ಸ್ ಲೋಕಾರ್ಪಣೆ ಕಾರ್ಯಕ್ರಮ- ಕಹಳೆ ನ್ಯೂಸ್
ಮಂಗಳೂರು: ಟ್ಯಾಕ್ಸಿ ಕಾಂಟ್ರಕ್ಟ್ ಕ್ಯಾರೇಜ್ ಆಪರೇಟರ್ಸ್ ಹೆಲ್ತ್‌ಲೈನ್ ಕರ್ನಾಟಕ (TCCOH) ಇದರ ಪ್ರಥಮ ವಾರ್ಷಿಕೋತ್ಸವದ ಅಂಗವಾಗಿ ಮಂಗಳೂರಿನ ಶಕ್ತಿನಗರದಲ್ಲಿರುವ ಸಾನಿಧ್ಯ ಮಾನಸಿಕ ವಿಕಲಚೇತನ ಶಾಲೆಯಲ್ಲಿ ಶಾಲೆಯ ಆಡಳಿತ ಮುಖ್ಯಸ್ಥರಾದ ಡಾ.ವಸಂತ್ ಕುಮಾರ್ ಶೆಟ್ಟಿ ಆಂಬುಲೆನ್ಸ್ ಲೋಕಾರ್ಪಣೆಗೊಳಿಸಿದರು.
TCCOH ನ ರಾಜ್ಯ ಗೌರವಾಧ್ಯಕ್ಷರಾದ ಸುರೇಶ್ ದೇವಾಡಿಗರವರ ಅಧ್ಯಕ್ಷತೆಯಲ್ಲಿ ನ‍‍ಡೆದ ಈ ಕಾರ್ಯಕ್ರಮದಲ್ಲಿ ಕಾವೇರಿ ಆಂಬುಲೆನ್ಸ್ ಮಾಲಕಿ ರಾಧಿಕಾ ಸಿ.ಎಸ್, ಕಮೀಷನರೇಟ್‌ನ ಸಂಚಾರ ವಿಭಾಗದ ಎಸಿಪಿ ಗೀತಾ ಡಿ ಕುಲಕರ್ಣಿ, ಸಾಮಾಜಿಕ ಕಾರ್ಯಕರ್ತ ಜಿ.ಕೆ ಭಟ್, ಕಾನೂನು ಸಲಹೆಗಾರ
ಎಮ್.ಸಚಿನ್.ದೇವೇಂದ್ರ, ಸ್ಥಳೀಯ ಕಾರ್ಪೋರೇಟರ್ ಕಿಶೋರ್ ಕೊಟ್ಟಾರಿ, ಶಿವರಾಜ್ ಕಾವೂರು, ಕಿಶೋರ್ ಎಕ್ಕೂರು, TCCOH ನ ಅಧ್ಯಕ್ಷರು ಪ್ರಭಾಕರನ್ ಕೆಪಿ, ಹಾಗೂ ಎಲ್ಲಾ ಪದಾಧಿಕಾರಿಗಳು ಮತ್ತು ಸದಸ್ಯರು ಉಪಸ್ಥಿತರಿದ್ದರು.
ಇದೇ ಸಂದರ್ಭದಲ್ಲಿ ವಾರ್ಷಿಕೋತ್ಸವದ ಅಂಗವಾಗಿ ಸಾನಿಧ್ಯ ಮಾನಸಿಕ ವಿಕಲಚೇತನ ಶಾಲೆಯ ಮಕ್ಕಳಿಗೆ ಅಪರಾಹ್ನ ಉಪಾಹಾರವನ್ನು ನೀಡಲಾಯಿತು.
ಈ ಆಂಬುಲೆನ್ಸ್ ಸಾರ್ವಜನಿಕ ಸೇವೆಯೊಂದಿಗೆ ಸಾನಿಧ್ಯ ಸಂಸ್ಥೆಗೆ ಉಚಿತ ಸೇವೆ ನೀಡಲಿದೆ.
