ಆ.18ರಂದು ಜೋಗಿಬೆಟ್ಟು ಫ್ರೆಂಡ್ಸ್ ಪೆರಾಜೆ ಇವರ ವತಿಯಿಂದ ಶ್ರೀ ಕೃಷ್ಣ ಜನ್ಮಾಷ್ಟಮಿಯ ಪ್ರಯುಕ್ತ 4ನೇ ವರ್ಷದ ಪಿರಮಿಡ್ ಉತ್ಸವ– ಕಹಳೆ ನ್ಯೂಸ್
ಪೆರಾಜೆ: ಶ್ರೀ ಕೃಷ್ಣ ಜನ್ಮಾಷ್ಟಮಿಯ ಪ್ರಯುಕ್ತ ಜೋಗಿಬೆಟ್ಟು ಫ್ರೆಂಡ್ಸ್ ಪೆರಾಜೆ ಇವರ ವತಿಯಿಂದ 4ನೇ ವರ್ಷದ ಧಾರ್ಮಿಕ ಮತ್ತು ಸಾಂಸ್ಕøತಿಕ ಕಾರ್ಯಕ್ರಮ ಹಾಗೂ ಪಿರಮಿಡ್ ಉತ್ಸವವು ಆ.18ರಂದು ಜೋಗಿಬೆಟ್ಟುವಿನಲ್ಲಿ ನಡೆಯಲಿದೆ.
ಸಂಜೆ 6.30ರಿಂದ ಪ್ರಗತಿಪರ ಕೃಷಿಕರಾಗಿರುವ ಬಾಬು ಮೂಲ್ಯ ಕಜೆ ಅವರ ಸಭಾಧ್ಯಕ್ಷತೆಯಲ್ಲಿ ನಡೆಯುವ ಸಭಾ ಕಾರ್ಯಕ್ರಮದಲ್ಲಿ ಸಾಮಾಜಿಕ ಕಾರ್ಯಕರ್ತರಾದ ಸುರೇಶ್ ಪರ್ಕಲ ಅವರು ದಿಕ್ಸೂಚಿ ಬಾಷಣ ಮಾಡಲಿದ್ದಾರೆ. ಇನ್ನು ಬಂಟ್ವಾಳ ಬಿಜೆಪಿ ಮಂಡಲ ಕಾರ್ಯದರ್ಶಿ ಗಣೇಶ್ ರೈ ಮಾಣಿ ಹಾಗೂ ಹಿಂದೂ ಮುಖಂಡ ಮಿಥುನ್ ಪೂಜಾರಿ ಕಲ್ಲಡ್ಕ, ಮಂಗಳೂರು ಗಣೇಶೋತ್ಸವ ಸಮಿತಿ ಕಾರ್ಯದರ್ಶಿ ಚಿದಾನಂದ ಕಲ್ಲಡ್ಕ, ಪೆರಾಜೆ ಗ್ರಾಮ ಪಂಚಾಯತ್ ಅಧ್ಯಕ್ಷೆ ರೋಹಿಣಿ ವಸಂತ, ಪ್ರಗತಿಪರ ಕೃಷಿಕ ರವೀಂದ್ರ ರೈ ಮಂಜೊಟ್ಟಿ, ಗಡಿಯಾರ ದುರ್ಗಾ ಕ್ಲಿನಿಕ್ ನ ವೈದ್ಯ ಮನೋಹರ್ ರೈ ಅಂತರಗುತ್ತು ಹಾಗೂ ರಾಷ್ಟ್ರ ಸೇವಕಿ ಸಮಿತಿ ಬಂಟ್ವಾಳ ತಾಲೂಕು ಕಾರ್ಯವಹಕ್ ಪಣಿಪ ಮಾಧವ ಕುಲಾಲ್ ಪಾಳ್ಯ ಮುಖ್ಯ ಅತಿಥಿಗಳಾಗಿ ಭಾಗವಹಿಸಲಿದ್ದಾರೆ.
ಬಳಿಕ ಸಂಜೆ 7.30ರಿಂದ ಅನುಗ್ರಹ ಯೋಗ ಕೇಂದ್ರ ಕಿನ್ನಿಗೋಳಿ ಇವರಿಂದ ಯೋಗ ನೃತ್ಯ ಹಾಗು ಸಾಂಸ್ಕøತಿಕ ಕಾರ್ಯಕ್ರಮಗಳು ನಡೆದು, ನಂತರ ಪೆರಾಜೆ ಶ್ರೀ ದೇವಿ ಭಜನಾ ಮಂದಿರದ ಮಕ್ಕಳಿಂದ ಕುಣಿತ ಭಜನಾ ಕಾರ್ಯಕ್ರಮ ನಡೆಯಲಿದ್ದು, ಮಕ್ಕಳಿಗೆ, ಮಹಿಳೆಯರಿಗೆ ಹಾಗೂ ಪುರುಷರಿಗೆ ವಿವಿಧ ಆಟೋಟ ಸ್ಫರ್ಧೆಗಳು ನಡೆಯಲಿದೆ.
