ಪುತ್ತೂರು : ಸಂತ ಫಿಲೋಮಿನಾ ಕಾಲೇಜು : ಇಂಗ್ಲೀಷ್ ಪ್ರಾದ್ಯಾಪಕಿ ಪ್ರೊ| ಭಾರತಿ ಎಸ್ ರೈ ಅವರಿಗೆ ಅತ್ಯುತ್ತಮ ಶಿಕ್ಷಕಿ ಪ್ರಶಸ್ತಿ- ಕಹಳೆ ನ್ಯೂಸ್
ಪುತ್ತೂರು : ಸಂತಫಿಲೋಮಿನಾ ಕಾಲೇಜಿನ ಆಂಗ್ಲ ವಿಭಾಗದ ಮುಖ್ಯಸ್ಥೆಯಾಗಿರುವ ಪ್ರೊ|ಭಾರತಿ ಎಸ್ ರೈ ಅವರಿಗೆ ಶಿಕ್ಷಣ ರಂಗದಲ್ಲಿ ನೀಡಿದ ಸೇವೆಯನ್ನು ಗುರುತಿಸಿ ದೇರ್ಲ ಕರುಣಾಕರ ರೈ ಪ್ರಾಯೋಜಿತ ಅತ್ಯುತ್ತಮ ಶಿಕ್ಷಕಿ ಪ್ರಶಸ್ತಿಯನ್ನು ಪುತ್ತೂರು ತಾಲೂಕು ಬಂಟರ ಸಂಘವು ಚಿನ್ನದ ಪದಕ ನೀಡಿ ಗೌರವಿಸಿತು.
ಉದ್ಯಮಿ ಬೇಲ್ಯ ಸನತ್ ಕುಮಾರ್ ರೈ ಅವರ ಶ್ರೀಮತಿಯಾಗಿರುವ ಪ್ರೊ|ಭಾರತಿ ಎಸ್ ರೈ ಅವರು ಮಂಗಳೂರಿನ ರೋಶನಿ ನಿಲಯದಲ್ಲಿ ಪದವಿ ವಿದ್ಯಾಬ್ಯಾಸ, ಆಂದ್ರ ವಿವಿಯಿಂದ ಇಂಗ್ಲೀಷ್ ನಲ್ಲಿ ಎಂಎ, ವಿನಾಯಕ ಮಿಷನ್ ವಿಯಿಂದ ಎಂಫಿಲ್ ಮತ್ತು ಸುಳ್ಯ ಕೆವಿಜಿ ಕಾನೂನು ವಿದ್ಯಾಲಯದಿಂದ ಎಲ್ ಎಲ್ ಬಿ ಪದವಿ, ಮಂಗಳೂರಿನ ಶ್ರೀನಿವಾಸ ಸ್ವಾಯತ್ತ ವಿವಿಯಲ್ಲಿ ಡಾಕ್ಟರೇಟ್ ವ್ಯಾಸಂಗ ಮಾಡುತ್ತಿದ್ದು ಕಳೆದ ಇಪ್ಪತ್ತು ವರ್ಷಗಳಿಂದ ಸಂತಫಿಲೋಮಿನಾ ಕಾಲೇಜಿನಲ್ಲಿ ಇಂಗ್ಲೀಷ್ ಪ್ರಾಧ್ಯಾಪಿಕೆಯಾಗಿ ಕೆಲಸ ಮಾಡುತ್ತಿದ್ದಾರೆ ಮತ್ತು ಪ್ರಸ್ತುತ ಕಾಲೇಜಿನ ವಿದ್ಯಾರ್ಥಿ ಕ್ಷೇಮಪಾಲನಾ ಅದಿಕಾರಿ. ಇವರ ಸುಪುತ್ರ ಜೈಶಂಕರ ರೈ, ವೆಲ್ಲೂರು ವಿಐಟಿಯಲ್ಲಿ ಎಂಜನೀಯರಿಂಗ್ ವಿದ್ಯಾರ್ಥಿ. ಕಾಲೇಜಿನ ಪ್ರಾಂಶುಪಾಲರು ಮತ್ತು ಆಡಳಿತ ಮಂಡಳಿಯು ಪ್ರಶಸ್ತಿ ವಿಜೇತ ಪ್ರಾದ್ಯಾಪಕಿಯನ್ನು ಅಭಿನಂದಿಸಿದೆ.
